اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي تۇڭعىش كەزەكتى اسپازدىق ونەر باسەكەسى جانە ءدامدى تاعام مادەنيەتى مەرەكەسى باستالدى

التاي تۇڭعىش كەزەكتى اسپازدىق ونەر باسەكەسى جانە ءدامدى تاعام مادەنيەتى مەرەكەسى باستالدى

التاي گازەىنىڭ پراكتيكانت ءتىلشىسى لۋ جياۋ حابارلايدى. 11 ـ ايدىڭ 26 ـ كۇنى تۇستەن بۇرىن، التايدىڭ تۇڭعىش كەزەكتى اسپازدىق ونەر باسەكەسى جانە ءدامدى تاعام مادەنيەت مەرەكەسى التاي قالاسىنىڭ التىجاق بازارىندا باستالدى.

وسى رەتكى ءدامدى تاعام مادەنيەتى مەرەكەسىن ايماقتىق اكىمشىلىك مەكەمەسى باسقارىپ، ايماقتىق ساۋدا ىستەرى مەكەمەسى، ايماقتىق جۇمىسشى ۇيىمى، التاي قالاسى ۇستىنە الىپ وتكىزدى. نەگىزگى تاقىرىبى: «قارلى مەكەن ءدامىن ىزدەپ، وليمپيادا سپورت جارىسىن اڭساۋ». سول كۇنگى اسپازدىق ونەر باسەكەسىندە، 6 اۋدان، ءبىر قالادان كەلگەن جارىسقا قاتىناسقان شەبەرلەر ساحنادا باسەكەلەستى.

باسەكەگە قاتىناسقان شاباندوز، قابا اۋدانىنداعى «مالشى ءانى» قازاق اسحاناسىنىڭ اسپازى حۋ جۇننان بىلاي دەدى: «جارىسقا قاتىناستىرعان تۋىندىمنىڭ اتى ‹قارلى مەكەندەگى قوي سيراعى›، بۇل قۋىرماش جۇمساق، ءدامى ءتىل ۇيىرەدى».

ايماقتىق ساۋدا ىستەرى مەكەمەسىنىڭ باستىعى ەركىن بىلاي دەدى: «وسى رەتكى جارىستا ‹التايدىڭ بايىرعى تاعامى›، ‹التايدىڭ ايگىلى دۇكەنى›، ‹التايدىڭ جەرگىلىكتى ايگىلى تاعامى› سياقتىلار سارالانىپ، ساياحاتشىلارعا جەرگىلىكتى ورىننىڭ ەرەكشە تاعامدارى تانىستىرىلادى».

ءداستۇرلى ۇساق تاعامدار كورمەسىندەگى ءتۇرى مول ءدامدى تاعامدار قالا تۇرعىندارى مەن ساياحاتشىلاردى ءدامى ءتىل ۇيىرەتىن تاعامدارمەن سيلادى.

التاي قالاسىنىڭ تۇرعىنى قۋات بىلاي دەدى: «بۇگىنگى ءدامدى تاعامدار مادەنيەتى مەرەكەسىندە ەرەكشە قازى، سارى ماي، قۇرت سياقتىلار بار، ءدامىن تاتىپ كوردىم، ەرەكشە جاقسى ەكەن».

ۇعىسۋعا قاراعاندا، 14 ـ كەزەكتى شينجياڭ قىسقى ساياحات كاسىبى ساۋدا كورمەسىندەگى ماڭىزدى قيمىلداردىڭ ءبىرى رەتىندە، التايدىڭ تۇڭعىش كەزەكتى ءدامدى تاعامدار مادەنيەت مەرەكەسى ءتىپتى دە كوپ ساياحاتشىعا التايدىڭ ءدامدى تاعامدارىنىڭ قويۋ مادەنيەت استارى مەن وزگەشە ءدامىن، سالت ـ ساناسىن  ۇعىندىرىپ،  اناعۇرلىم كوپ ادامعا التايدىڭ كوركەم كورىنىسىن  عانا ەمەس، التايدىڭ وزگەشە ءدامدى تاعامدارىن دا سەزىندىرەدى ەكەن. ءدامدى تاعام مادەنيەتى مەرەكەسىنەن كەيىن، ايماعىمىز تاعى ءدامدى تاعام كارتاسىن، تاڭداۋلى  ازىق ـ تۇلىك  ساياحات جەلىسىن قالىپتاستىرىپ، التاي اس ـ سۋ كاسىبىنىڭ بىرتىندەپ ولشەمدەنۋىن، ماركالانۋىن ىلگەرىلەتەدى.

جاۋاپتى رەداكتور : ءاننا اكىمقان قىزى