اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جەر ـ جەردەن كەلگەن قوناقتاردى باۋرادى

  جەر ـ جەردەن كەلگەن قوناقتاردى باۋرادى

  التاي گازەتىنىڭ ءتىلشىسى حۋ جۇنشيۋ حابارلايدى. 11 ـ ايدىڭ 26 ـ كۇنى ءتىلشى ايماقتىق دەنەتاربيە سارايىنان 14 ـ كەزەكتى شينجياڭ قىسقى ساياحات كاسىبى ساۋدا كورمەسىنىڭ قار ـ مۇز جابدىقتارى جانە قار ـ مۇز مادەنيەت جاسامپازدىق تۋىندىلارى كورمەسىندەگى 46 كورمە ورنىنىڭ تۇگەلدەي ورنالاستىرىلىپ بولعانىن كوردى.

  ءتىلشىنىڭ ۇعىسۋىنشا، بيىلعى كورمەدە بۇرىنعى ءداستۇرلى ولشەمدى كورمە شكابى فٶرماسىنا وزگەرىس ەنگىزىپ، حالىقارالاندىرۋ، كاسىپ سالالاندىرۋ، قاراپايىمداستىرۋ تۇرعىسىنان جالپى بەتتىك وزگەرىس جاساعان. كورمە 3 رايونعا بولىنەدى: ءبىرىنشى رايون قار ـ مۇز جابدىق رايونى، بۇل قار شاڭعى، قار شاڭعى كيىمى، كونكي، شاتىر ءۇي قاتارلىلاردى قامتيدى؛ ەكىنشى رايون قار ـ مۇز سپورتى، قىسقى ساياحاتتى نەگىز ەتكەن ەستەلىك بۇيىمدارى، ەستەلىك بۇيىم قاتارلى مادەني جاسامپازدىق ونىمدەرىن قامتيدى؛ ءۇشىنشى رايون نەگىزىنەن شىرعاناق، تۇيە ءسۇتى، گىباۋ قىزىل كەندىرى قاتارلى جەرگىلىكتى ەگىن ـ مال شارۋاشىلىق ەرەكشە ونىمدەرى مەن يمپورت ەتىلگەن ازىق ـ تۇلىكتەردى قامتيدى.

  ءتىلشى ناق مايدانداعى قىزمەتكەرلەرگە تىلشىلىك ىستەۋ ارقىلى وسى رەتكى كورمەنىڭ تۇڭعىش رەت سەزىنۋ رايونىن جانە VR ناقتى كورىنىستەگى جالعان قار ـ مۇز نىساندارىن ورنالاستىرعانىن، ساياحاتشىلاردىڭ VR بولمەسىنىڭ ىشىندە قار ـ مۇز ساياحاتىن ەلىكتەمەلى سەزىنەتىنىن، ويىن تۇرلەرىنىڭ 100 دەن اساتىنىن، كورمەدە تاعى ۇگىتتەپ تانىستىرۋ رايونى ورنالاستىرىلىپ، بۇل كورمەگە قاتىناسقان كاسىپورىنداردى ۇگىتتەپ تانىستىرۋ جانە كەڭەسۋ سەلبەستىك ورنىمەن قامداعانىن ۇعىستى.

  كورمەنى ۇيىمداستىرۋشى جاقتىڭ تانىستىرۋىنا قاراعاندا، وسى كەزەكتى كورمەگە قاتىناساتىن جيىنى 46 كاسىپورىن مەردىگەر شاقىرۋ، مەردىگەرلىككە قوسىلۋ جولىمەن كەلگەن، بۇل ەل ىشىندەگى ايگىلى كاسىپورىندار مەن ۋاڭيۋان تۇيە ءسۇتى جانە گىباۋ قىزىل كەندىرى قاتارلى جەرگىلىكتى ايگىلى كاسىپورىنداردى قامتيدى. مۇنىڭ ىشىندە جەرگىلىكتى كاسىپورىن %60 ىن يەلەيدى.

جاۋاپتى رەداكتور : ءاننا اكىمقان قىزى