اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قىستا التايدى قالاي ساياحاتتاعان ءجون

قار ساياحاتىنان ءلاززات الۋدىڭ 10 ءتۇرلى ءتاسىلى

  قىستا التايدى قالاي ساياحاتتاعان ءجون

  قار ساياحاتىنان ءلاززات الۋدىڭ 10 ءتۇرلى ءتاسىلى

  1 ـ ءتاسىل: بايىرعى تەرى شاڭعىنىڭ سىرىن ۇعىناسىز. التاي قالاسىنىڭ لاستى اۋىلى قازىرگە دەيىن نەشە مىڭ جىلعا جالعاسقان تەرى شاڭعى تەبۋ ءداستۇرىن ساقتاپ كەلەدى. ساياحاتشىلار التايدا شەبەرلەردىڭ تەرى شاڭعىنى قولمەن جاساعانىن كورەدى، سونداي ـ اق گەنەرال تاۋى قار شاڭعى الاڭىندا بايىرعى تەرى شاڭعىمەن سىرعانايسىز.

  2 ـ ءتاسىل: تىك ۇشاقپەن بارىپ دالادا شاڭعى تەبەسىز. التاي تاۋى مەن كوكتوعاي حالىقارالىق قار شاڭعى الاڭىندا تىك ۇشاقپەن قارلى تاۋدىڭ توبەسىنە قونىپ، شاڭعىمەن 1000 مەتر بيىكتىكتەگى قۇلاما بەتكەيدەن سەكىرىپ، شەت ـ شەگى جوق قارلى دالادا ەركىن سىرعاناپ، بيىك تاۋدا شاڭعى تەبۋدىڭ قۋانىشى مەن ءلاززاتىن سەزىنەسىز.

  3 ـ ءتاسىل: اپپاق قار قىمتاعان قومعا بارىپ دىبالاردىڭ تۇرمىسىن كورەسىز. ساياحاتشىلار جۇرتقا تانىس سۇلۋ شوقىعا، جىكپىلەڭگە جەتىپ، شۇكەي كاريانىڭ قار جامىلعان اعاش ۇيىندە ءبىر جاعىنان، دىبالاردىڭ ەرەكشە تاعامى مەن ءدامدى تاعامدارىنان ءدام تاتسا، ەندى ءبىر جاعىنان، دىبالاردىڭ شۋىرى مەن كومادان توگىلگەن مۋزيكا اۋەنىمەن بىرگە ۇلتتىق ءان ـ بيگە باسىپ، ونان سوڭ قارلى تاۋعا قاتىستى قىزىقتى حيكايالاردى تىڭدايسىز.

  4 ـ ءتاسىل: قىستا قاناس كولىنە بارىپ مۇز ۇستىندە ۇلتتىق سالت ـ سانا سپورتىن تاماشالايسىز. ساياحاتشىلار مۇز ۇستىندەگى ات شانانىڭ قىزىعىنا باتىپ، مەملەكەتتىك مۇزدا تەز سىرعاناۋ مارافون جارىسىنا قاتىناسىپ، قىسقى قار ـ مۇز سپورت جارىسىندا جەرگىلىكتى مالشىلارمەن بىرگە سىرعاناۋ، ات بايگەسى، بالۋان سالۋ، ارقان تارتۋ، ساداق اتۋ سياقتى قيمىلدارعا قاتىناساسىز.

  5 ـ ءتاسىل: فوتو اپپاراتپەن قىراۋدىڭ ەڭ كوركەم كورىنىسىن سۋرەتكە تۇسىرەسىز. التاي قالا ماڭى مەن بۋىرشىن اۋدانىنىڭ شۇڭقىر قالاشىعى سياقتى جەرلەردە قىس ماۋسىمىنداعى كليماتتىڭ وزگەرىسىنە ساي ايبىندى قىراۋ كورىنىسى قالىپتاسادى. «ءبىر تۇندە كوكتەم سامالى ەسىپ، اعاش بىتكەندە المۇرت گۇلى شەشەك اتادى» دەگەندەي، كورىكتى قىراۋ كورىنىسىنەن ءلاززاتتاناسىز.

  6 ـ ءتاسىل: قۇبا تۇزدەگى بالىق اۋىلى ۇلىڭگىر كولىنە باراسىز. ۇلىڭگىر كولىندە قىستا بالىق اۋلاۋ جۇڭگونىڭ باتىس سولتۇستىگىندەگىلەردىڭ ءوندىرىس قيمىلى اۋەنىنە جانە ات ۇستىندەگى ۇلتتاردىڭ ەرەكشەلىگىنە ساي وزىندىك بالىق اۋلاۋ فورماسى، ول ـــ «سولتۇستىك ەلدەرىندەگى عاجايىپ كورىنىس» دەپ اتالادى. ساياحاتشىلار بۇل ارادا قاسيەتتى الاۋدى جيناۋ سالتىن، «كولگە تاساتتىق بەرۋ، اۋ جايۋ» سالتىن، سونداي ـ اق باس بالىقتى باسەكەلەستىرىپ ساتۋ، بالىققا تالاسۋ، دالالىق مادەنيەت، دەنەتاربيە جارىسىن وتكىزۋ، قارلى دالادا موتوتسيكلمەن كولدى اينالاسىز.

  7 ـ ءتاسىل: ات شانامەن قارلى دالانى كەسىپ وتەسىز. ات شانا التايدىڭ ەگىن ـ مال شارۋاشىلىق رايونىنداعى مالشىلاردىڭ بۇرىن قىس ماۋسىمىندا ۇنەمى قولداناتىن ءوندىرىس قاتىناس قۇرالى. بۇگىنگى كۇنى مالشىلار ات شانانى شىت جاڭا بەينەگە ەنگىزدى. ساياحاتشىلار ونىمەن ءۇشى ـ قيىرسىز ورمان ـ توعايدىڭ تۇكپىر ـ تۇكپىرىنە بارىپ، قىسقى كوركەم كورىنىستى تاماشالاپ، بايىرعى قاتىناس قۇرالىنا وتىرۋدىڭ شاتتىعىن سەزىنەسىز.

  8 ـ ءتاسىل: بالالىق شاقتاعى ەستەمەنى ىزدەپ، قار ءمۇسىن جاسايسىز. التاي قار ـ مۇز باقشاسىنداعى جارقىراعان الىپ قار ءمۇسىن بەس ءتۇستى شىراق جارىعىندا قيالي قالا قورعانىنا اينالادى، ءبىر ءتۇپ اق قايىڭعا اپپاق قار جاۋىپ، وعان وزەننەن كوتەرىلگەن سۋ بۋى قوسىلىپ، قىس ماۋسىمىنداعى اققايىڭ باقشاسى بەينە بالالار ەرتەگىسىنە ۇقسايدى. ساياحاتشىلار وسى ارادا قاردان ءمۇسىن جاساپ، بالالىق شاقتى ەلەستەتەسىز.

  9 ـ ءتاسىل: جان دۇنيەنى سەرگىتىپ، رۋحتى تاسقىنداتاسىز. قاناستا ءبىر مەتردەن استام قالىڭدىقتاعى قالىڭ قاردى كورگەندە قيالىڭىز الىپ ۇشىپ، ۇلپاداي اپپاق قاردان ءلاززات الاسىز.

  10 ـ ءتاسىل: ەركىن سامعاۋدىڭ رومانتيكاسىن سەزىنەسىز. قارلى دالادا موتوتسيكلمەن قوم قۇمباسىنان قوم قار ـ مۇز شاتتىعى باقشاسىنا بارىپ جىلى اۋا شارىمەن اسپاندا ساياحاتتاپ، قوم بايىرعى قىستاعى مەن ونىڭ توڭىرەگىندەگى جاراتىلىستىق كورىنىسكە كوز جىبەرىپ، قومنىڭ قىسقى كوركىنەن ءلاززاتتاناسىز.

جاۋاپتى رەداكتور : ءاننا اكىمقان قىزى