اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قىسقى ساۋدا كورمەسىنە قاتىناسقان كاسىپورىنداردىڭ ەلەكترون ساۋداگەرلەرىن تاربيەلەدى

  قىسقى ساۋدا كورمەسىنە قاتىناسقان كاسىپورىنداردىڭ ەلەكترون ساۋداگەرلەرىن تاربيەلەدى

  التاي گازەتىنىڭ ءتىلشىسى جۇڭ چۇنچۇن حابارلايدى. «شەكارا اتتاعان ەلەكتروندىق ساۋدا ىستەرى جاڭا ەكونوميكانىڭ ماڭىزدى قۇرامداس بولەگى، قازىر ەلىمىزدە قارىشتاپ دامۋدا...». 11 ـ ايدىڭ 25 ـ كۇنى شەكارا اتتاعان ەلەكتروندىق ساۋدا سالاسىنىڭ دامۋى جانە تيجارات ۇلگىسى جونىندەگى تاقىرىپتىق لەكسيا ايماقتىق كاسىپتىك تەحنيكا شۋەيۋانىندا وتكىزىلدى.

  14 ـ كەزەكتى شينجياڭ قىسقى ساياحات كاسىبى ساۋدا كورمەسى 11 ـ ايدىڭ 27 ـ كۇنى التايدا اشىلدى. ايماقتىڭ قىسقى ساياحات ىستەرىنىڭ دامۋىن ىلگەرىلەتۋ ءۇشىن، جيلين ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ەلىمىزدەگى اتى ايگىلى شەكارا اتتاعان ەلەكتروندىق ساۋدا كاسىپورنى شياڭگاڭ «ليشيڭ تيانشيا» ساۋدا شەكتى سەرىكتەستىگىن جانە شىنجىن قالاسى لايفۋ جاڭگۇي تورابى شەكتى سەرىكتەستىگىن وسى رەتكى كورمەگە قاتىناسۋعا، سونداي ـ اق باس القا لي يۋان ـ ۋ جانە باس باقىلاۋشى گۋ چيڭدى ايماقتىق كاسىپتىك تەحنيكا شۋەيۋانىندا تاقىرىپتىق لەكسيا سويلەۋگە ۇسىنىس ەتتى.

  لەكسيادا ماماندار شەكارا اتتاعان ەلەكتروندىق ساۋدانىڭ قازىرگى كەزدەگى دامۋىن ىشكەرىلەي بايانداپ، جەرگىلىكتى ورىننىڭ ەرەكشەلىگىنە قاراي ەلەكتروندىق ساۋدا بارىسىنداعى بۇقارانىڭ جاپپاي كوڭىل بولەتىن ماڭىزدى تۇيىندەرى مەن قيىن ماسەلەلەردى ءتۇسىندىردى. سونىمەن بىرگە، وقۋشىلاردى ەلەكتروندىق ساۋدا بىلىمدەرىن قۇلشىنا ۇيرەنىپ، ەلەكتروندىق ساۋدانىڭ دامۋ ارناسىن كەڭەيتۋگە جىگەرلەندىردى.

  «وسى رەتكى لەكسيا ارقىلى شەكارا اتتاعان ەلەكتروندىق ساۋدا جانە قوعامدىق قارىم ـ قاتىناس ەلەكتروندىق ساۋداسىنا قاراتا جاڭا تانىمعا يە بولدىم. ءبىز داۋىرمەن بىرگە العا باسىپ، ەلەكتروندىق ساۋدا ىستەرى ٴبىلىمىن يگەرىپ، ەلەكتروندىق ساۋدا سالاسىنىڭ تيجارات ۇلگىسى مەن ءادىسىن ىشكەرىلەي ءتۇسىنىپ، ءىس جۇزىندىك ارەكەتىمىز ارقىلى ارمانىمىز بەن قۇنىمىزدى ايگىلەيمىز» ـ دەدى ايماقتىق كاسىپتىك تەحنيكا شۋەيۋانى ەلەكتروندىق ساۋدا كاسىبىنىڭ وقۋشىسى ەرنار ادال ۇلى.

جاۋاپتى رەداكتور : ءاننا اكىمقان قىزى