اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

مۇزدى القاپ، ءتىلسىم جەر ــــ شىڭگىل

  مۇزدى القاپ، ءتىلسىم جەر ــــ شىڭگىل

  11 ـ ايدىڭ 30 ـ كۇنى

  ەرىكتى ءتىلشى ۋاڭ جياۋشۋە حابارلايدى. شىڭگىل اۋدانى ساياحاتتىڭ دارەجەسى مەن دەڭگەيىن جوعارىلاتىپ، قىسقى ساياحات نىساندارى مەن كولەمىن بايىتىپ جانە كەڭەيتىپ، قۇرىلعىلارى كەمەلدى، ونىمدەرى مول، ورتاسى تاماشا، داڭسالى ساياحات اۋدان قالاشىعىن قۇرۋعا كۇش سالۋ ءۇشىن، 11 ـ ايدىڭ 30 ـ كۇنىنەن 12 ـ ايدىڭ 1 ـ كۇنىنە دەيىن «شينجياڭ جاقسى جەر ـــ جىبەك جولىن ساياحاتتاپ، قار ـ مۇزدان ءلاززات الايىق» اتىنداعى 3 ـ كەزەكتى «مۇزدى القاپ، ءتىلسىم جەر ـــ شىڭگىل» اتتى قىسقى قار ـ مۇز مادەنيەتى ساياحات مەرەكەسى مەن شىڭگىل سۋلى جەر دولانا باقشاسى كورىنىس رايونىنىڭ اشىلۋ سالتىن وتكىزەدى.

  نەگىزگى جينالىس مايدانى شىڭگىل سۋلى دولانا باقشاسى كورىنىس رايونىنا ورنالاسقان، ەرەكشەلىگى كورنەكتى، فورماسى جاڭا، ساياحات مەرەكەسىندە تارتىمدى ادەبيەت ـ كوركەمونەر نومىرلەرى قويىلىپ، سالت ـ سانا كورمەسى اشىلادى.ساياحاتشىلار ءبىر جاعىنان، قارلى دالاداعى قىز قۋار، قارلى دالاداعى كوكپار تارتۋ سياقتى وزگەشە ۇلتتىق سالت ـ سانا ويىندارىن، سونداي ـ اق بايىرعى تەرى شاڭعىمەن سىرعاناۋ، ات بايگەسى، تاس كوتەرۋ، بۇقاشا تارتىس سياقتى تارتىمدى جارىستى تاماشالايدى. ەندى ءبىر جاعىنان، ات شانامەن سەرۋەندەۋ، دالالىق اۆتوكولىك جارىسى، قارلى وڭىردە سۋرەت تارتۋ جانە ەرەكشە ءدامدى تاعامداردان ءدام تاتۋ سياقتى قيمىلداردى باستان كەشىرەدى.

  سول كۇنگى شىڭگىل سۋلى جەر دولانا باقشاسى كورىنىس رايونىنىڭ اشىلۋ سالتىندا، شىڭگىل اۋداندىق كوركەمونەر ۇيىرمەسىنىڭ ارتيستەرى قار ـ مۇزعا قاتىستى مازمۇندا تاماشا ويىن ءنومىرىن قويىپ، مۇز قۇرسانعان ءتىلسىم جەردى تولىق ايگىلەپ، تارتىمدى مۋزيكا اۋەنى مەن سىڭعىرلى دىبىس تەربەلىسىنە ىلەسىپ، قىسقى ساياحاتتا جالپى حالىق سارىلا كۇتكەن «مۇزدى القاپ، ءتىلسىم جەر ـــ شىڭگىلگە» ارنالعان سالتاناتتى ساۋىق كەشتى وتكىزەدى.

جاۋاپتى رەداكتور : ءاننا اكىمقان قىزى