اعاجاي-التاي تورابى   ›   مادەنيەت ارناسى   ›   بىلگەنگە مارجان

تۇيسىگىڭىزدى دامىتساڭىز، ءومىر جەڭىلدەي تۇسەدى

  تۇيسىگىڭىزدى دامىتساڭىز، ءومىر جەڭىلدەي تۇسەدى

  الدىمەن تۇيسىكتى (ينتۋيتسيا) دامىتۋ دەگەن نە، سوعان توقتالايىق. بۇل ىشكى داۋىسىڭىزعا قۇلاق ءتۇرىپ، ونى جەتىلدىرىپ، ءوز تاجىريبەڭىزگە سەنىپ، دەنەڭىزدەگى ىشكى سەزىمدى جاتتىقتىرۋ. كەيدە «ءىشىم سەزىپ تۇر» دەگەن ءسوزدى ەستيمىز، بۇل جايدان جاي ايتىلمايدى، شىنىندا دا ادامنىڭ ءىشى قىبىرلاسا، الدەنەنى الدىن الا بولجاۋعا بولادى. ماسەلەن بالانىڭ ءبىر جەردەن قۇلاپ كەتەتىنىن الدىن الا سەزىپ قالساڭىز، ونى قۇتقارىپ قالۋعا بولادى.

  الەمگە وزگە كوزبەن قاراۋ

  سىزگە مىناداي جاتتىعۋ ۇسىنامىز. ءوزىڭىزدى باسقا بىرەۋدىڭ ورنىنا قويىپ كورىڭىز. ونىڭ ەموتسياسىن سەزىنۋگە تىرسىڭىز. مىسالى ءوزىڭىزدى تەحنيكالىق قولداۋ قىزمەتىندە ىستەيتىن ادامنىڭ رولىندە ەلەستەتسەڭىز، ارىپتەستەرىڭىزدىڭ بىرەۋى حابارلاسىپ، ينتەرنەت جىلدامدىعى ناشارلاپ كەتكەنىن ايتتى دەلىك، ءسىز كومپيۋتەر الدىندا وتىرا بەرەر مە ەدىڭىز الدە تەز ارادا جاعدايدى قالپىنا كەلتىرەسىز بە؟ ونىڭ ىستەيتىن بارلىق جۇمىسىن كوز الدىڭىزدان وتكىزىپ كورىڭىز. بۇل شىنىندا دا تۇيسىكتى دامىتۋعا كومەكتەسەدى.

  قورقىنىشپەن كۇرەسۋ

  ءوزىڭىزدىڭ قورقاتىن نارسەڭىزدى ەلەستەتىپ، ويشا سول قورقىنىشىڭىزبەن بەتپە-بەت كەلىڭىز. بۇل ەشكىمگە ۇناي قويماس. الايدا «نەدەن قورىقساڭ، سول الدىڭنان شىعادى» دەگەن بار، كۇندەردىڭ كۇنىندە كەزىگىپ قالعاندا ونىڭ جەڭۋ جولدارىن ويلاستىرىپ قويۋ كەرەك. باستى ءادىس: جاۋدى دوسقا اينالدىرۋ. قورقىنىش تۇيسىكتى جەڭىپ كەتۋى مۇمكىن ەكەنىن ەستەن شىعارماڭىز. سوندىقتان بار كۇشىڭىزدى جيناپ، بۇل سەزىمدى سوڭىنا دەيىن باستان كەشكەندەي كۇيدى ەلەستەتىڭىز.

  ەموتسيالىق بايلانىس

  سونىمەن قاتار وزگە ادامدارمەن ەموتسيانالدىق دەڭگەيدە ارەكەت جاساي ءبىلۋ كەرەك. مىسالى الدەكىممەن تەلەفونمەن سويلەسكەن كەزدە ونىڭ داۋىسىنا قاراپ كۇلىپ نە مۇڭايىپ تۇرعان بەينەسىن كوز الدىڭىزعا ەلەستەتىپ وتىرىڭىز. ونىڭ ءار ەموتسياسىنا اتاۋ بەرە ءبىلىڭىز. وزگەلەردىڭ ەموتسياسىنا ەنگەن سايىن ءارتۇرلى جاعدايدى دا وڭاي قابىلدايسىز.

  سىناپ-مىنەۋگە ورىن جوق

  ىشىڭىزدەگى سىنشىل تۇلعانى ۇيىقتاتىپ تاستاڭىز. سىني ويلاۋدى قويا تۇرىپ، تەك جاعىمدى ويلارعا باس بۇرىڭىز. بۇل سىزگە ءتۇرلى جاعدايدى ىشكى تۇيسىك ارقىلى شەشۋگە كومەكتەسەدى.

  جالعىزدىق سىرى

  سانسىز ساۋالدارىنا جاۋاپ تابۋ ءۇشىن تەك ىشكى ويىن تىڭداۋدى ۇيرەنگىسى كەلەتىن جان سيرەك بولسا دا جالعىزدىقتا قالۋى جانە مەديتاتسيامەن اينالىسۋى كەرەك. ىشكى ويلارىڭىزدى جيناقتاعىڭىز كەلسە، كۇنىنە كەم دەگەندە جارتى ساعات جالعىز قالۋعا تىرىسىڭىز. جۇرەك سوزىنە قۇلاق اسىپ، ىشكى داۋىسىڭىزدى تىڭداۋدى ۇيرەنگەن كەزدە بارلىعى ءوز قولىڭىزدا ەكەنىن تۇسىنەسىز. جاي عانا ءبىر ساتكە اقىلدى ءوشىرىپ، جۇرەكتى ىسكە قوسىڭىز، سوندا تۇيسىگىڭىز كۇشەيە تۇسەدى.

جاۋاپتى رەداكتور : ءاننا اكىمقان قىزى