اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شياڭگاڭ تەلەۆيزياسىنىڭ تىلشىلەرى التايعا كەلدى

  11- ايدىڭ 5- كۇنى شياڭگاڭ جاساندى تەلەۆيزياسىنىڭ «بۇگىنگى جۇڭگو» باعدارلاما گرۋپپاسىنداعىلار التايعا كەلىپ، جۇڭگونىڭ قارلى مەكەنىندەگى ارمانشىل دىنيگەرگە جولىعىپ، اكەلى- بالالى ەكى ۇرپاقتىڭ قار- مۇز سپورتىنا دەگەن ىنتا- ىقىلاسى جونىندە تىلشىلىك ىستەدى.

  قارداعى مارافون اتانعان دالالىق شاڭعى جارىسى قىسقى وليمپادالىق سپورت جارىسىنداعى ايرىقشا كورنەكتى جارىس ٴتۇرى سانالادى، بۇرىن وسى جارىسقا ەۆروپا ەلدەرىندەگى سپورت ساڭلاقتارى عانا قاتىناسا الاتىن، الايدا 2019- جىلى 3- ايدىڭ 1- كۇنىنەن 4 - كۇنىنە دەيىن بەيجيڭدە وتكىزىلگەن حالىقارالىق شاڭعىشىلار بىرلەستىگىنىڭ دالالىق شاڭعى تەبۋشىلەردىڭ ۇپاي توپتاۋ جارىسىندا التايلىق بويجەتكەن دىنيگەر بىر توپ ەۆروپالىق شاڭعى شەبەرىن ارتقا تاستاپ، سيلىق ساحناسىنان كورىندى.

  11-ايدىڭ 5- كۇنى شياڭگاڭ جاساندى سەرىك تەلەۆيزياسىنىڭ «بۇگىنگى جۇڭگو»باعدارلاما گرۋپپاسىنداعىلار دىنيگەردىڭ ۇيىنە بارىپ، ونىڭ اكەسىنە امانداسىپ، ەكى ۇرپاقتىڭ شاڭعى تەبۋ ونەرى تۋرالى اڭگىمەسىن تىڭدادى.

  تىلشىلەر دىنيگەردىڭ ۇيىنە بارعاندا ول وتباسىنداعىلارمەن بەينە- ەكران ارقىلى سويلەسىپ وتىر ەكەن، نورۆەگيادا جاتتىعۋدا جۇرگەن ول تۇسكى دەمالىس ۋاقىتىندا عانا ۇيىندەگىلەرمەن تىلدەسە الادى. حالىقارالىق شاڭعىشىلار بىرلەستىگىنىڭ دالالىق شاڭعى تەبۋشىلەردىڭ ۇپاي توپتاۋجارىسىندا كۇمىس مەدال العان دىنيگەر ەندى قىسقى وليمپيادا سپورت جارىسىندا مەدال الۋعا قۇلشىنۋدا.

  شياڭگاڭ جاساندى سەرىك تەلەۆيزياسى «بۇگىنگى جۇڭگو» باعدارلاما گرۋپپاسىنىڭ باس رەجيسسەرى حان ۋەي:

  جۋىق ارادا قىسقى وليمپيادا وتكىزىلمەكشى، جارىستا قانداي ناتيجە جاراتپاقشىسىڭ؟

  سپورتشى دىنيگەر:

  قىسقى وليمپيادانىڭ قىسقا ارالىقتا قار شاڭعى تەبۋ جارىسىندا سەگىزىنشى ورىندى يەلەپ وتانعا داڭق اپەرمەكشىمىن.

  اكەسى رايمجان 12 جاسىندا كاسىپتىك كومانداعا مۇشە بولىپ شاڭعى جارىسىنا قاتىناسقان بولاتىن، 20 جاسىندا 1- اۆگۇست كومانداسىندا جاتتىعۋدا بولىپ، مەملەكەتتىك شاڭعى جارىسىندا 2- بولعان، كەيىن جاسىنىڭ ۇلعايۋىنا بايلانىستى كوماندادان شەگىنگەن. حالقارالىق جارىستا جاقسى ناتيجەگە قول جەتكىزە الماۋى ونىڭ وكىنشى ەدى، قىزى دۇنيەگە كەلگەن سوڭ ، شاڭعى تەبۋ جاعىنداعى تالانىتى بايقالا باستايدى، سوسىن ول قىزىن جۇيەلى تۇردە جاتتىقتىرادى. قازىر 18 جاسقا كەلگەن دىنيگەردىڭ العان مەدالدارى مەن سيلىق ساۋىتتارى ۇيىندەگى كەبەجەنى تولتىرىپتى.

  دىنيگەردىڭ اكەسى رايمجان مۇرات ۇلى بىلاي دەدى:

  ٴبىز جاتتىقتىرعان ٴبىر توپ سپورتشى بۇل كۇندەردە مەملەكەتتىك كومانداعا قابىلداندى، تاعى ٴبىر توپ بالالاردى جاتتىقتىرىپ، ولاردىڭ ناتيجەلى بولۋىن تىلەيمىز.

  شياڭگاڭ جاساندى سەرىك تەلەۆيزياسى 2010-جىلى10-ايدىڭ 28-كۇنىنەن باستاپ رەسىمي باعدارلاما تاراتقان، جاساندى سەرىك ارقىلى تاۋلىك بويى باعدارلاما تاراتادى، تاراتۋ كولەمى ۇلى قۇرلىق، شياڭگاڭ، اۋمىن، تايۋان، شەتەلدەگى حۋاچياۋلار مەن جۇڭگولىقتاردى، سونداي ـ اق دۇنيە جۇزىندەگى 150 دەن استام مەملەكەت پەن رايوندى شارپيدى، سان ميلليونداعان كورەرمەندەرگە ينفورماتسيا، قازىنا ـ ەكونوميكا، جاڭاشا سالت، كينو ـ تەلەۆيزيا، ساياحات سياقتى كوپ نەگىزدى مادەنيەتتىڭ تاڭداۋلى نومىرلەرىن ۇسىنىپ كەلەدى.

  شياڭگاڭ جاساندى سەرىك تەلەۆيزياسىنىڭ «بۇگىنگى جۇڭگو» باعدارلاما گرۋپپاسىنداعىلار دىنيگەردىڭ ەسەيىپ- ەرجەتۋ بارىسىن مۇقيات سۇراپ ۇعىستى، اكەلى- بالالى ەكەۋىنىڭ قار- مۇز سپورتىمەن اينالىسۋى جونىندەگى اڭگىمەلەرى ايماعىمىزداعى ٴار ۇلت بۇقاراسىنىڭ قار- مۇز سپورتىنا بولعان اۋەسىن، قار- مۇز سپورتىن قولدايتىندىعىن، قار - مۇز كاسىبىن دامىتۋ وبرازىن بىرگە جارىققا شىعاراتىنىن بىلدىرەدى، بۇل باعدارلاما جاڭا جىلدا تاراتىلادى.

  حان ۋەي بىلاي دەدى: باس شۋجي شي جينپيڭ العا قويعان « 300 ميلليون ادامدى قار- مۇز سپورتىنا اتسالىستىرۋعا تۇرتكى بولۋ» ۇندەۋىن تياناقتاندىرۋ ءۇشىن وسى باعدارلامانى جاساماقشىمىز. دىنيگەردىڭ اكەسى مەن قىزىنىڭ شاڭعى تەبۋ بارىسىن سالستىرۋ ارقىلى التايدىڭ قار - مۇز كاسىبىنىڭ دامۋى مەن ىلگەرىلەۋ بارىسىن بەينەلەمەكشىمىز، مۇنى قار - مۇز كاسىبىنىڭ جۇڭگوداعى دامۋىنىڭ ىقشام بەينەسى رەتىندە تۇسىندىرەمىز.اكەلى- بالالى ەكەۋىنىڭ اڭگىمەسى ارقىلى التايداعى قار - مۇز سپورتىنىڭ دامۋىنا اناعۇرلىم دەم بەرەمىز.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى