اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

دامۋدى بىرگە جوسپارلاپ، بىرگە جوبا جاسادى

  التاي گازەتىنىڭ ءتىلشىسى ياڭ ۋيشۋان حابارلايدى. 16 ـ كەزەكتى ۋجوۋدىڭ اسىل تاس، قاس تاسى مەرەكەسى كەزىندە، التاي ايماعىنىڭ ۋاكىلدەر ۇيىرمەسى ۋجوۋ قالاسىنىڭ جەرگىلىكتى ايگىلى كاسىپورىندارىن ارالاپ، 2 جەردىڭ تاماشا ۇيرەنۋ، اۋىس ـ كۇيىس جاساۋ ورتاسىن جاراتۋمەن بىرگە، قارىم ـ قاتىناستى اناعۇرلىم كۇشەيتىپ، 2 جەردىڭ ونەركاسىبىن دامىتۋعا مىعىم نەگىز قالادى.

  اسىل تاس، قاس تاسى مەرەكەسى كەزىندە، ايماقتىڭ ۋاكىلدەر ۇيىرمەسى ىلگەرىندى ـ كەيىندى ج ك پ گۋاڭشي ەرەكشە كوميتەتىنىڭ كونە جۇرتىنا، ۋجوۋ جۇڭشان ەسكەرتكىش سارايى مۇراجايىنا، ۋجوۋ قالالىق مۇراجايعا بارىپ، توڭكەرىستىك تاربيە بارىسىندا ۋجوۋ قالاسىنىڭ دامۋ تاريحىن تەرەڭ ءتۇسىندى.

  سوڭىنان ۋاكىلدەر ۇيىرمەسىندەگىلەر جانە گۋاڭشي ۋجوۋ ماۋشىڭ شاي شەكتى سەرىكتەستىگى، جۇڭحىڭ توبى شۋاڭچيان گۇيليڭگاۋ مادەنيەت كورمە باقشاسى، شىنگۋان جارنا تىزگىندەۋ توبى شەكتى سەرىكتەستىگى قاتارلى جەرلەرگە بارىپ، ءوندىرىس تەحنولوگيا بارىسىن ءتۇسىندى ءارى ءارقايسى كاسىپورىن جاۋاپتىلارىمەن پىكىر الماستىرىپ ۇيرەنىپ، 2 جەردىڭ ابزالدىلىقتارىن ءوزارا تولىقتاۋىن، بايلىقتان ورتاق يگىلىكتەنۋىن جەبەدى.

  ەكسكۋرتسيا اياقتاعاننان كەيىن، ايماقتىڭ ۋاكىلدەر ۇيىرمەسىندەگىلەر بىردەن مىنانى ءبىلدىردى: وسى رەتكى ەكسكۋرتسيالاۋدى وراي ەتىپ، ۋجوۋ قالاسىنىڭ ايگىلى كاسىپورىندارىنىڭ وزىق باسقارۋ تانىمى، دامۋ وي جەلىسى قاتارلىلاردى ۇيرەنىپ، 2 جەر كاسىپورىندارىنا ءبىرىن ـ ءبىرى جەبەيتىن تاماشا تەكشە قۇرىپ، كاسىپتەردىڭ گۇلدەنىپ دامۋىن جەبەيمىز.

جاۋاپتى رەداكتور : ءاننا اكىمقان قىزى