اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

اسىل تاستى دانەكەر ەتىپ، 2 جەر ساياحات كاسىبىنىڭ ورنىقتى دامۋىن جەبەدى

  التاي گازەتىنىڭ ءتىلشىسى حۋ جۇنشيۋ حابارلايدى. 11 ـ ايدىڭ 2 ـ كۇنىنەن 5 ـ كۇنىنە دەيىن، 16 ـ كەزەكتى ۋجوۋ اسىل تاس مەرەكەسى گۋاڭشيدىڭ ۋجوۋ قالاسىندا وتكىزىلدى. وسى كەزەكتى اسىل تاس مەرەكەسى التاي ايماقتىق ۋاكىلدەر ۇيىرمەسىن كورمەگە قاتىناسۋعا ارنايى ۇسىنىس ەتىپ، ۋاكىلدەر ۇيىرمەسىنىڭ كورمەگە قويعان جەرگىلىكتى تابيعي اسىل تاستى ۋجوۋ قالاسىنداعى تۇرعىنداردىڭ نازارىن اۋدارىپ، جاقسى باعاسىنا يە بولدى.

  «تاۋى التىن، سۋى ءمولدىر» دەپ اتالىپ كەلگەن التايدىڭ، تابيعي اسىل تاسىمەن الەمگە اتى ايگىلى. التاي مول ساياحات بايلىعىنا يە بولىپ قالماستان، ساپالى التىن، اسىل تاس بايلىعىنا دا يە. مۇندا ءتۇرلى تۇستەگى تۋمالين، اماتسيت، انار تاس، كريستال، سابالاق قاس تاسى قاتارلى اسىل تاس، قاس تاسى بار. وسى تابيعى اسىل تاس، قاس تاستى جىنتىكتەي وڭدەلگەننەن كەيىن الۋان ۇلگىدەگى القا، جۇزىك، بىلەزىك ەتىپ جاسالىپ، ساياحاتشىلار مەن ساقتاۋ اۋەسكەرلەرىنىڭ قىزۋ قارسى الۋىنا يە بولىپ كەلەدى.

  ۋجوۋ قالاسىنىڭ تۇرعىنى ۋاڭ يۋەلي بىلاي دەدى: «ۋجوۋ مەن التاي اسىل تاس وندىرەدى. ۇقساماستىعى، ۋجٶۋدىڭ اسىل تاسى جاساندى اسىل تاس. ال، التايدىڭ اسىل تاسى ۇلى تابيعاتتىڭ سيلاعان سيى. دەمالىس العاننان كەيىن التايعا بارىپ ساياحاتتاپ، كوركەم تابيعاتتان ءلاززات الىپ، اسىل تاس مادەنيەتىن كورسەم دەيمىن».

  ۋجوۋ قالاسىنىڭ تۇرعىنى ما تاۋ بىلاي دەدى: «التايدىڭ تابيعي اسىل تاسىنىڭ اسەمدىگىن تىلمەن جەتكىزۋ قيىن. ەرتەڭ مەنىڭ جۇبايىمنىڭ تۋىلعان كۇنى، مەن وعان التايدان شىققان اماتسيت القا ساتىپ الىپ، كوركەم اسىل تاستى ەڭ تاماشا ساۋعا رەتىندە ۇسىنباقشىمىن».

  «عاسىرلىق ساۋدا قالاسى» دەپ اتالعان ۋجوۋ قالاسى جاساندى اسىل تاستى التايدىڭ تابيعى اسىل تاسىمەن ۇشتاستىرىپ، اسىل تاستى دانەكەر ەتىپ، التايمەن بىرلىكتە 2 جەردىڭ ساياحات كاسىبىنىڭ نىق قاداممەن، جوعارى ساپالى دامۋىن جەبەيدى.

جاۋاپتى رەداكتور : ءاننا اكىمقان قىزى