اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىق تابيعي بايلىق مەكەمەسى ارناۋلى رەتكە سالىپ تۇزەتۋ قىزمەتىن ورىستەتتى

  التاي گازەتىنىڭ ٴتىلشىسى جۇڭ چۇنچۇن، ەرىكتى ٴتىلشى جين حۇڭشيا حابارلايدى. 2 ـ توپتاعى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى، ايماقتىق تابيعي بايلىق مەكەمەسى «اۋەلگى ماقساتتان اينىماۋ، بورىشتى ارقالاۋ، پارىقتى تابۋ، تياناقتاندىرۋدى يگەرۋ» باس تالابىن تىعىز توڭىرەكتەپ، جوعارى ـ تومەن بىرلەسىپ ارەكەتكە كەلىپ، ٴوزىن ـ ٴوزى تەكسەرىپ، تۇزەتىپ، نەگىزگى تاقىرىپتىق تاربيەنى ىشكەرىلەي ورىستەتىپ، ناقتى ونىمدىلىككە قول جەتكىزۋگە كۇش سالدى.

  «اۆتونوميالى رايوننىڭ 1 ـ توپتاعى نەگىزگى تاقىرىپتىق تاربيەسىن ارناۋلى رەتكە سالۋ ـ تۇزەتۋگە جاۋاپتى ورىنداردىڭ جوعارى ـ تومەن بىرلەسىپ ارەكەتكە كەلىپ رەتكە سالۋ ـ تۇزەتۋ ىستەرى تىزىمدىگىنىڭ» مازمۇنىمەن سالىستىرا وتىرىپ، جەردى الۋعا تولەم بەرۋ، جىلجىمايتىن مال ـ مۇلىكتى تىزىمگە الدىرۋعا قىزمەت وتەۋ جانە كاسىپ سالاسىنداعى بىلىقپالىقتى جونگە سالۋ سىندى 3 جاقتاعى 6 ماسەلەنى تاپسىرىپ الدىق.رەتكە سالۋ ـ تۇزەتۋ مىندەتىن تاپسىرىپ العاننان باستاپ ماسەلە بەتالىسىندا تاباندى بولىپ، ايماعىمىزدا تابيعي بايلىق جۇيەسىنىڭ حالىق تۇرمىسى سالاسىن ارناۋلى رەتكە سالۋ ـ وڭاۋ قىزمەت جيىنىن اشىپ، رەتكە سالۋ ـ تۇزەتۋ شاراسىن جاسادىق، رەتكە سالۋ ـ تۇزەتۋگە جاۋاپتى ورىنداردى جانە جاۋاپتى ادامداردى ايقىنداپ، رەتكە سالۋ ـ تۇزەتۋدى كۇش سالا ىلگەرىلەتتىك. تەكسەرۋ ـ زەرتتەۋگە ۇشتاستىرىپ، نازاردى كورنەكتى ماسەلەلەر مەن حالىق تۇرمىسى سالاسىنداعى قىزعىن ماسەلەلەرگە اۋدارىپ، بۇقارا اراسىنا، نەگىزگى ساتىعا ىشكەرىلەي بارۋعا تاباندى بولىپ، جاعدايدى شىنايى يەلەپ، تەتىگىن تاۋىپ، قيىن ماسەلەلەردى شەشىپ، قىزمەتتى جاقسارتۋدىڭ شىنايى دا ۇتىمدى شارالارىن العا قويدىق» ـ دەدى ايماقتىق تابيعي بايلىق مەكەمەسى پارتگرۋپپاسىنىڭ شۋجيى قاجىمۇرات سەيتقان ۇلى.

  ۇعىسۋىمىزشا، بۇقارانىڭ اڭىسى كۇشتى بولعان «جىلجىمايتىن مال ـ مۇلىكتى تىزىمدەۋ، كۋالىك ٴبىتىرۋ ۋاقىتى ۇزاق بولۋ، قايتا ـ قايتا جول ٴجۇرۋ» ماسەلەسى جونىندە ايماقتىق تابيعي بايلىق مەكەمەسى ايماعىمىزدىڭ جىلجىمايتىن مال ـ مۇلىكتى تىزىمدەۋگە ساپالى قىزمەت وتەۋ مەحانيزمىن قۇرۋعا ىزدەنىس جاساپ، «جىلجىمايتىن مال ـ مۇلىكتى تىزىمگە الدىرۋعا الەۋمەتتىك قىزمەت وتەۋ ونىمدىلىگىن جوعارىلاتۋ جونىندەگى جەتەكشى پىكىردى» جاساپ، ينفورماتسيا تەكسەرۋ جالپى بارىسىن ەلەكترونداندىرۋدى بىرتىندەپ ىلگەرىلەتىپ، ادەتتەگى تىزىمگە الدىرۋ ۋاقىتىن 10 قىزمەت كۇنىنە كەپىلگە قويۋدى تىزىمگە الدىرۋ ۋاقىتىن 5 قىزمەت كۇنىنە قىسقارتقان، وزگەرتىپ تىزىمگە الدىرۋ، پەشەتتەپ تىزىمگە الدىرۋ قاتارلى جۇمىستاردى ۇستىندە ٴبىتىرۋدى جۇزەگە اسىرعان؛ بۇقارا مەن جەردەن پايدالاناتىن ورىندار اڭىس ەتكەن «قۇرىلىسقا پايدالاناتىن جەردى تەكسەرىپ بەكىتۋ ۋاقىتى، قۇرىلىس وبيەكتىلەرىن الدىن الا تەكسەرۋ ۋاقىتى تىم ۇزاق، قارقىنى ٴبىرشاما باياۋ بولۋ» ماسەلەلەرى جونىندە قاتىستى بولىمنەن دەركەزىندە تاپسىرىپ الىپ دەركەزىندە بەكىتىپ، تەكسەرىپ بەكىتۋدەن وتكەننەن كەيىن وسى سالاعا جاۋاپتى ورىنباسار مەكەمە باستىعى مەن مەكەمە باستىعىنىڭ تەكسەرىپ بەكىتۋىنە جەدەل تاپسىرىپ، سول كۇنى جولداۋدى تالاپ ەتكەن. ماسەلەلەردى رەتكە سالۋ ـ تۇزەتۋدىڭ ىشكەرىلەي ورىستەتىلۋىنە ىلەسە، كادرلاردىڭ وزات بولۋعا تالپىنۋ، ۇزدىك بولۋعا ۇمتىلۋ بەلسەندىلىگى اناعۇرلىم جوعارىلاپ، قىزمەت ونىمدىلىگى كورنەكتى ارتىپ، قىزمەت ستيلى اناعۇرلىم جاقسارعان.

  «قىزمەت ٴىس جۇزىندىگىنە ۇشتاستىرىپ، ايماقتىق تابيعي بايلىق مەكەمەسىنىڭ ‹اۋەلگى ماقساتتى ۇمىتپاۋ، بورىشتى ەستە بەرىك ساقتاۋ› نەگىزگى تاقىرىپتىق تاربيەسىن ارناۋلى رەتكە سالۋ ـ تۇزەتۋ جوباسىن جاساپ، ٴبىرى ارقىلى باسقاسىن بىلۋدە، ٴتۇيىن ارقىلى جالپىنى جەتەلەۋدە، ىشكەرىلەي اشىپ جىنتىكتەي تەكسەرۋگە تاباندى بولدى، ارناۋلى رەتكە سالۋ ـ تۇزەتۋ بارىسىندا بەلەڭ بەرگەن كورنەكتى ماسەلەلەر مەن ٴالسىز بۋىنداردى كوزدە ۇستاي وتىرىپ، ولقىلىقتار مەن قىزمەت بارىسىندا ساقتالعان ماسەلەلەردى اشالاپ، تابيعي بايلىق سالاسىنداعى زاڭ اتقارۋ، باقىلاۋ ـ باسقارۋ مەحانيزمىن قۇرىپ جانە كەمەلدەندىرىپ، ارناۋلى رەتكە سالۋ ـ تۇزەتۋ قىزمەتىنىڭ شىنايى، ٴونىمدى بولۋىنا كۇش سالدىق» ـ دەدى قاجىمۇرات.

  قازىرگە دەيىن ارالاپ تەكسەرۋدى 414 ادام (رەت) ورىستەتىپ، 189 ورىندى تەكسەرىپ، 31 ٴجىپ ۇشىن جيناپ، 3 ارىز ـ ارمان، اشكەرەلەۋ ٴجىپ ۇشىن قابىلداپ، 3 ٴجىپ ۇشىن تاپسىرىپ بەرىپ، 17 ٴجىپ ۇشىن تەكسەرىپ ٴبىر جايلى ەتتى.

جاۋاپتى رەداكتور : ءاننا اكىمقان قىزى