اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ 2 - كەزەكتى جۇڭگو حالىقارالىق يمپورت كورمەسىنە قاتىناسقان شەتەل باسشىلارىمەن بىرگە كورمە سارايىن ارالادى

شي جينپيڭ 2 - كەزەكتى جۇڭگو حالىقارالىق يمپورت كورمەسىنە قاتىناسقان شەتەل باسشىلارىمەن بىرگە كورمە سارايىن ارالادى

  شينحۋا اگەنتتىگىنىڭ 11 - ايدىڭ 5 - كۇنى شاڭحايدان بەرگەن حابارى (تىلشىلەر لي جۇڭفا، جوۋ رۇي). مەملەكەت ءتوراعاسى شي جينپيڭ 11 - ايدىڭ 5 - كۇنى شاڭحايدا 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناسقاننان كەيىن، كورمەگە قاتىناسقان شەتەل باسشىلارىمەن بىرگە كورمە سارايىن ارالادى.

  شي جينپيڭ فرانسيانىڭ زۇڭتۇڭى ماكروننىڭ سەرىك بولۋىندا الدىمەن فرانسيا كورمە سارايىنا كەلدى. ماكرون ىستىق ىقىلاسپەن شي جينپيڭدى فرانسيانىڭ قىزىل شارابى مەن سيىر ەتى تاعامىنان ءدام تاتۋعا ۇسىنىس ەتتى. سول جەردە تۇرعان فرانسيانىڭ كاسىپكەرلەرى جاپا - تارماعاي شي جينپيڭگە مىنالاردى ءبىلدىردى: فرانسيانىڭ كاسىپورىندارى جۇڭگو بازارىن ۇناتىپ وتىر، جۇڭگوعا ەكسپورتتى اناعۇرلىم كەڭەيتۋدى ءۇمىت ەتەدى. شي جينپيڭ بىلاي دەپ اتاپ كورسەتتى: جۇڭگونىڭ تۇتىنۋ بازارى وتە ۇلكەن، تۇرلىشە دەڭگەيدەگى الۋان ءتۇرلى قاجەتتى قاناعاتتاندىرا الادى، فرانسيا كاسىپكەرلەرىنىڭ كورەگەندىكتەرىن ايگىلەپ، جۇڭگومەن ءوزارا پايدا جەتكىزەتىن سەلبەستىكتى كۇشەيتۋىن ءۇمىت ەتەمىن.

  جۇڭگو، شەتەل باسشىلارى قاباعات قىزعىندىلىقپەن ارالاي ءجۇرىپ تاماشالادى. شي جينپيڭ ءبىر ءبولىم مەملەكەتتەردىڭ كورمە سارايىنا كىردى. تانزانيانىڭ بۇيرەكشە جەمىسى، گرەتسيانىڭ ءدامدى تاعامدارى مەن كوركەمونەر بۇيىمدارى، يتاليانىڭ ءجۇزىم شارابى، يامايكانىڭ لانشان كوفەسى، رۋم شاراپ بالكۇلشەسى، يندونەزيانىڭ پالما مايى، رەسەيدىڭ جاڭا تۇرپاتتى تىك ۇشاعى مەن اۆتوكولىگى سياقتىلار كوزگە ەرەكشە كورىنەدى.

  شي جينپيڭ جاعداي تانىستىرۋىن مۇقيات تىڭدادى ءارى قايتا - قايتا سۇراپ، ىقىلاسپەن ءوزارا پىكىر الماستىردى. شي جينپيڭ بىلاي دەپ اتاپ كورسەتتى: ءارقايسى ەلدىڭ ەرەكشە ونىمدەرى وتە باسەكەلىك قۋاتقا يە ەكەن، ءارقايسى ەلدىڭ جۇڭگو حالىقارالىق يمپورت كورمەسىنە قاتىناسۋىن، تانىستىرۋدى كۇشەيتۋىن قارسى الامىز، بۇل جۇڭگو حالقىنىڭ تاماشا تۇرمىسقا دەگەن تالپىنىسىن ءتىپتى دە ويداعىداي قاناعاتتاندىرادى، ءوزارا پايدا جەتكىزىپ ورتاق يگىلىككە كەنەلتەدى.

  شي جينپيڭ ءار ەل باسشىلارىمەن بىرگە جۇڭگو كورمە سارايىنا كەلدى. ”جاسامپاز جۇڭگو“ مازمۇندىق بولىگىنىڭ بولاشاقتاعى ەلەكترلەنگەن ۇشاعىنىڭ ەلىكتەمەلى شوعىرلى تۇعىرىندا، ماكرون وتە كوڭىلدى بەينەدە جۇڭگونىڭ ساۋدالىق ءىرى تۇرپاتتى جولاۋشىلار ۇشاعىنىڭ ەلىكتەمەلى ۇشقىش بولمەسىنە كىرىپ جۇرگىزىپ كوردى. جۇڭگو، شەتەل باسشىلارى تاعى جۇڭگونىڭ دەربەس ءبىلىم مەنشىك ۇقىعى بار جەكە كوزدى راديولىق ءدۇربى − ”جۇڭگو تيانيان“نىڭ جانە ”شىنحاييۇڭشى“ اتتى ادام وتىراتىن سۇڭگۋىر اسپابىنىڭ مودەلىن كوردى.

  ”ەسىك اشقان جۇڭگو“ مازمۇندىق بولىگىندە، ءار ەل باسشىلارى شاڭحاي ەركىن ساۋدا سىناق رايونى مەن ”ءبىر بەلدەۋ، ءبىر جول“ قۇرىلىسىنىڭ جاعدايىن تىڭدادى.

  ”كورىكتى جۇڭگو“ مازمۇندىق بولىگىندە دۇنيە ءجۇزى مادەنيەت مۇراسى ”جۇڭحۋانىڭ ءبىرىنشى قالاسى“ لاڭجۋ بايىرعى قالاسىنىڭ ەسكى جۇرتىنىڭ قۇم نۇسقاسى كورمەگە قويىلعان. ءار ەل باسشىلارى جۇڭحۋا وركەنيەتىنىڭ تاريحى وتە ۇزاق ەكەنىن جابال القادى.

  ”باقىتتى جۇڭگو“ مازمۇندىق بولىگىندە كەدەيلىكتەن ارىلتۋدان قامال الۋدىڭ ۋاقىتتى كەرى شەگەرىپ ساناۋ ەكرانى الدىندا، شي جينپيڭ بىلاي دەپ باسا دارىپتەدى: جۇڭگو ءار ەلمەن تاجىريبەسىن ءبولىسۋدى، كەدەيلىك بولماعان، ورتاق داميتىن ادامزاتتىڭ تاعدىرلاس ورتاق تۇلعاسىن بىرگە قۇرۋدى قالايدى.

  جۇڭگو، شەتەل باسشىلارى تاعى جۇڭگو تايۋان، اۋمىن جانە شياڭگاڭ كورمە رايونىن بىرگە ارالاپ كوردى.

  ءار ەل باسشىلارى جۇڭگو حالىقارالىق يمپورت كورمەسىنە ءبىر اۋىزدان جوعارى باعا بەرىپ، وسىنى وراي ەتە وتىرىپ، ەكى جاقتى ەكونوميكا، ساۋدا سەلبەستىگىن تاعى تىڭ ساتىعا كوتەرۋدى ءۇمىت ەتتى. ولار جۇڭگونىڭ دامۋى مەن ”ءبىر بەلدەۋ، ءبىر جول“دىڭ نۇرلى بولاشاعىن تۇگەل ۇناتىپ، جۇڭگومەن بىرگە دامۋدى، كوركەيىپ - گۇلدەنۋدى ءۇمىت ەتتى.

  ديڭ شۋەشياڭ، لي چياڭ، ياڭ جيەچى، حۋ چۇنحۋا، حۋاڭ كۇنميڭ، ۋاڭ ي، جاۋ كىجى، حى ليفىڭ قاتارلىلار جوعارىداعى قيمىلدارعا قاتىناستى.

جاۋاپتى رەداكتور : ءاننا اكىمقان قىزى