اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدىڭ 2019-جىلعى كۇزگى قىزمەتكەر قابىلداۋ ايى قيمىلى ورىستەتىلدى

  التاي گازەتىنىڭ ءتىلشىسى قۇرمانگۇل جەڭىسبەك قىزى حابارلايدى.

  11-ايدىڭ 5-كۇنى ايماقتىق الەۋمەتتىك كاسىپتەنۋگە قىزمەت وتەۋ مەكەمەسى”التىن كۇزدە قىزمەت ورنىن دايىنداۋ، جۇمىسقا ورنالاستىرۋ ارقىلى جۇرت كوڭىلىن نۇرلاندىرۋ “ اتىنداعى التىن كۇزدەگى قىزمەتكەر قابىلداۋ ايى قيمىلى بايلانىسىمەن ارناۋلى قىزمەتكەر قابىلداۋ جينالىسىن وتكىزدى، قيمىل 11-ايدىڭ20-كۇنىنە دەيىن جالعاسادى.

  تۇستەن بۇرىن ساعات 11 دە، ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ 1-قاباتىنداعى زال ءىشى ادامعا لىق تولدى، اۋداندار مەن التاي قالاسىنان كەلگەن كاسىپ كۇتكەندەر ارناۋلى قىزمەتكەر قابىلداۋ جينالىسىنا قاتىناستى، 35 كاسىپورىن قاتىناس، اماندىق ساقتاۋ، زات ساتۋ، باسقارۋ سياقتى كاسىپتەرگە ساياتىن 650 گە جۋىق قىزمەت ورنىن دايىندادى.

  وسى رەتكى قيمىلدى ۇيىمداستىرۋشى جاق جۇمىس ىزدەۋشىلەر جانە ولاردىڭ وتباسىنداعىلارمەن سابىرلىلىقپەن اڭگىمەلەسىپ، كاسىپتەنۋ ماقساتى مەن قازىرگى جاعدايىن ەگجەي - تەگجەيلى سۇراپ، سايكەستى جۇمىس ورنىن كورسەتتى. قىزمەت ىزدەۋشىلەر قىزمەتكەر قابىلدايتىن ورىنداردىڭ قىزمەتكەر قابىلداۋعا قاتىستى ينفورماتسيالارىن مۇقيات تەكسەرىپ، كاسىپورىننىڭ جاعدايىن ۇعىستى، جۇمىس ىزدەۋشىلەر مەن كاسىپورىندار ٴوزارا تەلەفون نومىرلەرىن قالدىردى، قيمىل دۋماندى ءوتتى.

  التاي قالاسىنان كەلگەن بايان ۇلان قىزى مەن جولداسى قىزمەتكەر قابىلداۋ جينالىسىنا ەرتە كەلىپ قاتىناستى. ۇيدە جۇمىس كۇتىپ جۇرگەن بايان ٴوزى ۇناتاتىن قىزمەت ورنىن تابۋدى ارماندايدى. ەڭ سوڭىندا، بايانمەن كۇيەۋى قامسىزداندىرۋ سەرىكتەستىگىنە قىسقاشا تانىستىرۋىن تاپسىرىپ، قىزمەتكەر قابىلداۋشى ورىننىڭ بايلانىس ءنومىرىن الدى.

  ”بۇگىن مەن بۇل ارادا بىرنەشە لايىقتى قىزمەت ورنىن كوردىم، ەڭبەكاقىسى دا لايىقتى ەكەن، بەتپە-بەت ەمتيحاننان وتكەن سوڭ قىزمەتكەر قابىلدايتىن ورىن سايكەستى قامسىزداندىرۋ قاراجاتتارىن تولىق تاپسىرادى. وسى جولعى قيمىلدى ۇيىمداستىرۋشىلارعا ەرەكشە العىس ايتامىن، تاماشا قىزمەت تابۋ ورايىنا يە بولدىق “، ـ دەدى بايان ۇلان قىزى.

  بۇل رەتكى قىزمەتكەر قابىلداۋ جينالىسى ٴتۇرلى جۇمىس ىزدەۋشىلەرگە قىزمەت وتەۋدى ماقسات ەتىپ، كاسىپسىز قالعاندارعا، قيىنشىلىعى بار كاسىپورىندارداعى جۇمىسشى-قىزمەتكەرلەرگە، مەكتەپ ءبىتىرىپ كاسىپتەنە الماي جۇرگەن جوعارى مەكتەپ وقۋشىلارىنا، قوسىننان قايتقان اسكەريلەرگە، ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەككۇشتەرگە جانە مۇگەدەكتەر سياقتى ٴتۇرلى جۇمىس ىزدەۋشىلەرگە ىڭعايلى قىزمەت ورنىن ازىرلەپ، ولاردىڭ جۇمىسقا ورنالاسۋىن جەبەدى.

  ايماقتىق الەۋمەتتىك كاسىپتەنۋگە قىزمەت وتەۋ مەكەمەسىنىڭ ورىنباسار باستىعى جاڭ چۇنحۋا بىلاي دەدى: الدىڭعى مەزگىلدە ٴبىز جاعداي ۇعىسۋ سياقتى تاسىلدەر ارقىلى ٴتۇرلى كاسىپورىنداردىڭ قىزمەتكەر قابىلداۋ سۇرانىسىن ەگجەي ـ تەگجەيلى يگەرىپ، قىزمەتكەر قابىلداۋعا قاتىستى ينفورماتسيالاردى كەڭىنەن جيناعاننان كەيىن، قىزمەت ىزدەۋشىلەردىڭ قىزمەت ىزدەۋ قاجەتىنە ساي، 18 كەزەك ارناۋلى قىزمەتكەر قابىلداۋ جينالىسىن ۇيىمداستىردىق. سونىمەن بىرگە ينتەرنەت سياقتى تەحنيكالىق تاسىلدەردەن پايدالانىپ، جەلىدە قىزمەتكەر قابىلداۋ قيمىلىن قاتار ورىستەتتىك، مۇنداعى ماقسات جۇمىس ىزدەۋشىلەردىڭ كاسىپتەنۋ ماسەلەسىن ٴونىمدى شەشىپ، ولاردىڭ كاسىپتەنۋ ارناسىن كەڭەيتىپ، سول ارقىلى كاسىپتەنۋدى سۇيەمەلدەۋ ساياساتىن ٴونىمدى تياناقتاندىرىپ، ساياساتتىڭ دالمە-ٴدال تياناقتانۋىنا كەپىلدىك ەتۋ بولىپ تابىلادى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى