اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

توڭكەرىستىك اعا بۋىنداردان ۇيرەنىپ، اۋەلگى ماقساتتى قايتا ەسكە الىپ، ۇدەرە العا تارتتى

  ەرىكتى ءتىلشى كاڭ لي حابارلايدى. جاقىندا، بۋرىلتوعاي اۋداندىق مادەنيەت، دەنەتاربيە، راديو ـ تەلەۆيزيا جانە ساياحات مەكەمەسى جانە ساياحاتپەن قاتىستى كاسىپورىندارداعى پارتيا مۇشەلەرى بۋرىلتوعاي اۋداندىق پارتيا قۇرىلىسى بولىمشە كىتاپحاناسىنا بارىپ، جاڭا جۇڭگو قۇرىلعان 70 جىلدان بەرگى ۇلى وتانىمىزدىڭ شۇعىلالى تابىستارىن سەزىندى.

  بۋرىلتوعاي اۋداندىق بيڭحاي ساياحاتقا قارجى قوسۋدى باسقارۋ شەكتى سەرىكتەستىگىنىڭ ورىنباسار باس ديرەكتورى تيان ليبيڭ بىلاي دەدى: «توڭكەرىستىك اعا بۋىنداردى ەسكە الىپ، اۋەلگى ماقساتتى ۇمىتپاي، بورىشتى ەستە بەرىك ساقتايمىز. پارتيانىڭ ۇلى ىستەرىندە پارتيا مۇشەسى بولعان ٴبىز قىزمەت ورنىمىزدى تياناق ەتىپ، قىزمەتتى قۇلشىنا ىستەپ، تىڭ ناتيجە جاراتىپ، تىڭ ۇلەستەر قوسۋىمىز كەرەك».

  بۋرىلتوعاي اۋداندىق پارتيا قۇرىلىسى بولىمشە كىتاپحاناسى بۋرىلتوعاي اۋدان قالاشىعىنىڭ ورتالىعىنا ىرگە تەپكەن. كىتاپحانانىڭ يەلەگەن جەر اۋماعى 675 شارشى مەتر، 20 مىڭ دانادان استام كىتاپ ساقتالىپ، كىتاپحانا جيىنى 3 قابات، جەكە ـ جەكە كىتاپ وقۋ رايونى، ارناۋلى تاقىرىپتىق زەرتتەۋ ـ ۇيرەنۋ رايونى جانە پارتيا تاريحى تاربيە رايونى بولىپ بولىنەدى. پارتيا تاريحىن ايگىلەۋ، كىتاپ وقۋ، پارتيالىلىق تاربيە، تاقىرىپتىق پارتيا كۇنى قيمىلىن ءبىرتۇلعالاندىرعان كوپ يقۋاتتى ۋنيۆەرسالدىق كىتاپحانا، جىل بويى سىرتقا اقىسىز اشىلادى. 9 ـ ايدىڭ 30 ـ كۇنى رەسمي اشىلعاننان بەرى توڭكەرىستىك كينو ـ فيلم، پارتيالىلىق تاربيە فيلمىنەن جيىنى 76 مايدان (رەت) قويىپ، 1500 دەن استام پارتيا مۇشەسى كىتاپحاناعا كەلىپ ەكسكۋرتسيالاپ، ۇيرەنىپ، پارتيالىق تاربيە الدى.

جاۋاپتى رەداكتور : ءاننا اكىمقان قىزى