اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماق اقپارات مەديالارىنىڭ توعىسپالى دامۋى جانە قىسقى ساياحات ۇگىتى تۋىندىلارىن جاساۋعا تاربيەلەۋ كۋرسىن اشتى

  التاي گازەتىنىڭ ءتىلشىسى جۇڭ چۇنچۇن حابارلايدى. «مىناۋ سۋرەتتى جارنامالارعا ءسال قاراماڭىز، سۋرەتتى جارنامانىڭ رولى كورىلىمدى كوبەيتۋ، كورىلىم ارقىلى تۇتىنۋشىنىڭ نازارىن اۋدارۋ...» 11 ـ ايدىڭ 2 ـ كۇنى ايماقتىق اقپارات مەديالارىنىڭ توعىسپالى دامۋى جانە قىسقى ساياحات ۇگىتى تۋىندىلارىن جاساۋعا تاربيەلەۋ كۋرسىندە شينجياڭ جاڭا مەديا ورتالىعىنان كەلگەن گو چيڭ ۇستاز «نەگىزگى تاقىرىپتىق حابارلاۋدى قايتكەندە جانداندىرۋعا، ويداعىداي تاراتۋعا بولادى» دەگەن تاقىرىپتا لەكسيا سويلەدى.

  وسى رەتكى تاربيە كۋرسىن اشۋدىڭ ماقساتى __ ايماقتاعى ءار دارەجەلى اقپارت مەديالارى قىزمەتكەرلەرىنە اقپاراتتىق ينفورماتسيانىڭ تارالىم احۋالىنىڭ دامۋ وزگەرىسىن ءتۇسىندىرىپ، يدەيالىق تانىمعا بۇرىلىس جاساپ، اقپارات مەديالارىنىڭ توعىسپالى دامۋ تانىمىن كۇشەيتۋ، جىلجىمالى حابارلاسۋدى ماڭداي الدى ورىنعا قويۋ تانىمىن ورناتىپ، اقپارات مەديالارىنىڭ توعىسپالى دامۋ بەتالىسىن ءداپ باسىپ يگەرۋ ارقىلى جاڭا اقپارات مەديالارىنىڭ دامۋىنا ۇيلەسەتىن جوبا جاساۋ، تىلشىلىك ىستەۋ، رەداكتورلىق قابىلەتتى جوعارىلاتىپ، اقپارات مەديالارىنىڭ توعىسپالى دامۋىن اناعۇرلىم جەبەۋ. سونىمەن ءبىر ۋاقىتتا، ايماقتاعى، اۋدانداعى اقپارات مەديالارىن بىرلىكتە ارەكەتتەندىرۋ ارقىلى جاڭا اقپارات مەديالارىنىڭ تارالىم ابزالدىلىعىن ساۋلەلەندىرىپ، ايماقتىڭ قىسقى ساياحات ۇگىتىنە قويۋ راي جاراتۋ.

  تاربيەلەۋ كۋرسى ارناۋلى تاقىرىپتا لەكسيا سويلەۋ، ۇيرەنۋدەن العان اسەرىن اڭگىمەلەۋ قاتارلى فورمالاردا جۇرگىزىلدى. ساباق ٴتۇرى «قىسقا كەسكىندى حابارلاۋدىڭ كاسىپتىك ادىسىنە قىسقاشا توقتالۋ»، «التاي ساياحاتىنىڭ قاۋىرت دامۋىن قايتكەندە جاڭا اقپارات مەديالارى ۇگىتىمەن ۇشاستىرۋ»، «جىلجىمالى ۇستىنەن تاراتۋدى قالاي ورىستەتۋ» قاتارلى مازمۇنداردى قامتىدى، لەكسياشى نازاريالىق قۇرىلىسقا نازار اۋدارۋ، اقپارات مەديالارى توعىسپالى دامۋىنىڭ الدىڭعى لەگىندەگى تىڭ يدەيا، تىڭ تانىمدى جەتكىزۋ؛ اقپارات مەديالارىنىڭ توعىسپالى دامۋى جونىندەگى ىزدەنىس پەن اماليات، ۇلگى مەن تاجىريبەدەن ورتاق يگىلىكتەنۋگە نازار اۋدارۋ؛ ناقتى قولدانۋعا نازار اۋدارىپ، تيپتىك مىسالدارعا توعىستىرىپ، اقپارات مەديالارىنىڭ توعىسپالى دامۋىنان العان اسەرىن سويلەۋ ارقىلى كۋرسكە قاتىناسقاندار مول بىلىمنەن سۋسىندادى.

  «ساباق ۇيلەسىمدى، ريتىمدى ورنالاستىرىلعان، كوپتەگەن تيپتىك مىسالداردان ۇلكەن شابىت الدىم، ءداستۇرلى كونە وي جەلىنى تالقانداپ، تىڭ تەحنيكانى ۇيرەنۋدى كوكەي تەستى مىندەت ساناپ، اقپارات مەديالارىنىڭ توعىسپالى دامۋىن ىشكەرىلەي جەبەۋىمىز كەرەك» ـ دەدى بۋىرشىن اۋداندىق توعىسپالى اقپارات ورتالىعى اقپارات تىلشىلەر ءبولىمىنىڭ ورىنباسار مەڭگەرۋشىسى سۇڭ شۋچي.

  كۋرستىڭ اشىلۋى اقپارات مەديالارىنىڭ توعىسپالى دامۋىن اناعۇرلىم جەبەپ، اقپارات مەديالارىنىڭ دارىندىلار قوسىنى قۇرىلىسىن كۇشەيتۋ جاعىندا ناقتى تالاپتى ورتاعا قويدى. ايماقتاعى ءار دارەجەلى اقپارات مەديالارى جاعدايدى جىعا تانىپ، تۇرعىنى جوعارىلاتىپ، اقپارات مەديالارىنىڭ توعىسپالى دامۋىنداعى جاۋاپكەرلىك سەزىم مەن كوكەي تەستىلىك سەزىمدى شىنايى كۇشەيتۋ؛ جاۋاپكەرلىكتى تياناقتاندىرىپ، اقپارات مەديالارىنىڭ توعىسپالى دامۋىن جەبەۋدە ناقتى ونىمدىلىككە قول جەتكىزۋ؛ قوسىندى كۇشەيتىپ قۇرىپ، تىرەكتى كادرلاردى تاربيەلەپ، اقپارات مەديالارىنىڭ توعىسپالى دامۋى نەگىزىن شىنايى بەكەمدەۋ كەرەك.

  وسى رەتكى كۋرس 2 كۇنگە جالعاستى. «التاي گازەتى» مەكەمەسى، ايماقتىق راديو ـ تەلەۆيدەنيا ستانسياسى، ايماقتىق ينتەرنەت اقپارات ورتالىعى، ءارقايسى اۋداندارداعى (قالا، كورىنىس رايونى) توعىسپالى مەديا ورتالىعىنىڭ اقپارات كاسىبىندەگى تىرەكتى كادرلار جانە ايماقتىق «ۇعىسۋ، تيىمدىلىك جاساۋ، توعىستىرۋ» كەڭسەسى قىزمەتكەرلەرىنەن 160 قا جۋىق ادام كۋرسكە قاتىناستى.

جاۋاپتى رەداكتور : ءاننا اكىمقان قىزى