اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

مالشىلىق رايونداعى پارتيا مۇشەلەرىنىڭ بىردە ـ ءبىرىن قاتاردان قالدىرمادى

ايماقتىڭ نەگىزگى تاقىرىپتىق تاربيەگە جەتەكشىلىك ەتۋ 3-گرۋپپاسى مالشىلىق رايونداعى پارتيا مۇشەلەرىنە ۇيرەنۋدى جەتكىزدى

  التاي گازەتىنىڭ ءتىلشىسى گۇلينا، لۇي ۋىنتيڭ حابارلايدى. 10 ـ ايدىڭ 28 ـ كۇنى كوكتوعاي اۋدانىنىڭ اقدالا كۇزەۋلىگىندە، كوش جٶلىنداعى 20 دان استام مالشى پارتيا مۇشەسى ۇيرەنۋ ماتەريالىن الىپ، وسى اۋداننىڭ دۇرە قالاشىعى ۇزاقتى قىستاعىنىڭ پارتيا مۇشەسى تاسقىن دونەن ۇلىنىڭ كيىز ۇيىنە جينالىپ، نەگىزگى تاقىرىپتىق تاربيە ساباعىن تىڭدادى.

  سول كۇنى ايماقتىڭ نەگىزگى تاقىرىپتىق تاربيەسىنە جەتەكشىلىك ەتۋ 3 ـ گرۋپپاسى وسى جەرگە بارىپ، مالشىلىق رايونداعى كوشى ـ قون ۇستىندەگى پارتيا مۇشەلەرىنە پارتيا ساباعىن جەتكىزىپ، نەگىزگى تاقىرىپتىق تاربيەگە تولىق قاتىناسۋعا، مالشىلىق رايونداعى پارتيا مۇشەلەرىنىڭ بىردە ـ ءبىرىن قاتاردان قالدىرماۋعا كەپىلدىك ەتتى.

  «وسى رەتكى نەگىزگى تاقىرىپتىق تاربيە پارتيا مۇشەلەرىنەن بار ىنتا ـ پەيىلىمەن حالىق ءۇشىن قىزمەت ىستەۋدىڭ ٴتۇبىرلى ماقساتىن ەستە بەرىك ساقتاپ، ‹اۋەگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى مىقتى يگەرۋ› جالپى تالابى بويىنشا قىزمەتتى ويداعىداي ورىستەتۋدى تالاپ ەتتى» ـ دەدى مەملەكەتتىك ۇلتتار ىنتىماعى العا باسارلىعىنداعى ۇلگىلى جەكە، مەملەكەتتىك نەگىزگى ساتى نازاريالىق ۇگىت ـ لەكسياسىن جاساۋداعى وزات جەكە ماتىنبەك مۇراتقان ۇلى قاراپايىم، ۇعىنىقتى تىلمەن شي جينپيڭنىڭ جاڭا ءداۋىر جۇڭگٶشا سوتسياليزم يدەياسىنىڭ باي مازمۇنىن، نەگىزگى تاقىرىپتىق تاربيەنى ورىستەتۋدىڭ كەلەلى ءمانىن، ۇلتتار ىنتىماعىنىڭ ماڭىزدىلىعىن، سونداي ـ اق مەملەكەتتە ءبىرتۇتاس قولدانىلاتىن ءتىل ـ جازۋدى ۇيرەنۋدى اناعۇرلىم كۇشەيتۋ، قوعام ورنىقتىلىعى مەن باياندى تىنىشتىقتى قورعاۋدىڭ كەلەلى ءمانى قاتارلى مازمۇنداردى توڭىرەكتەپ ۇگىت ـ لەكسيا جاسادى، كيىز ۇيگە جينالعان مالشى پارتيا مۇشەلەرى زەر سالا تىڭداپ، مۇقيات ەستەلىك الدى.

  ۇگىت ـ لەكسيا بارىسىندا ايماقتىڭ نەگىزگى تاقىرىپتىق تاربيەگە جەتەكشىلىك ەتۋ 3 ـ گرۋپپاسىنىڭ باستىعى، حالىق قۇرىلتايى ايماقتىق قىزمەت كوميتەتىنىڭ ورىنباسار باس حاتشىسى جىگەر ٴاشىمقان ۇلى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنى ورىستەتۋ احۋالى جٶنىندە پارتيا مۇشەلەرىنە تۇسىنىك جاساپ، مالشىلىق رايونداعى پارتيا مۇشەلەرىنىڭ نەگىزگى تاقىرىپتىق تاربيەنى قالاي ورىستەتۋى جٶنىندە ەگجەي ـ تەگجەيلى ٴتۇسىندىردى.

  جىگەر ٴاشىمقان ۇلى تىلشىگە بىلاي دەدى: «نەگىزگى تاقىرىپتىق تاربيە ورىستەتىلگەننەن بەرى، جەتەكشىلىك ەتۋ گرۋپپاسى جەتەكشىلىك ەتۋ بارىسىندا ۇيرەنۋ مازمۇنى جٶنىندە نەگىزگى ساتىدا ۇگىت ـ لەكسيا جاساپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءاربىر وتباسىنا دەيىن جەتكىزدى».

جاۋاپتى رەداكتور : ءاننا اكىمقان قىزى