اعاجاي-التاي تورابى   ›   اقپارات ايدىنى   ›   سۋرەتتى حابارلار

قويناۋىنا قوماقتى سىر جاسىرعان قۇتتى مەكەن- قويتاس

  قويناۋىنا قوماقتى سىر جاسىرعان قۇتتى مەكەن- قويتاس

  التاي ايماعى جەمەنەي اۋدانى توستى اۋىلىنداعى ساۋىر تاۋىنىڭ باۋرايىندا قويتاس كورىنىس رايونى بار، بۇل جەردەن ٴتۇرلى پىشىندەگى عاجايىپ تاستاردى كەزىكتىرۋگە، ۇلى تابيعاتتىڭ كەرەمەتىن انىق سەزىنۋگە بولادى. قازىر قويتاس كورىنىس رايونى سەيىل ـ سەرۋەن، ەرەكشە ساياحات، عىلمي تەكسەرۋ ٴبىر تۇلعالانعان ٴىرى ساياحات كورىنىس رايونىنا اينالدى.

  ءتورتىنشى عاسىرداعى مۇزدىق قويتاستاعى كوپتەگەن عاجايىپ تاستاردى جاراتتى. بۇل ارا عاجايىپ تاستار مەن گۇل - بايشەشەكتەردىڭ الەمى، جاز ماۋسىمىندا قوڭىر، جاسىل، قىزىل، سارى تۇستى گۇلدەر قويتاستى ماي بوياۋمەن سىزىلعان اسەم سۋرەتكە اينالدىرادى. جەل سوققاندا تاس قالانىڭ جىم - جىرت، ايبىندى، عاجايىپ، سىرعا تولى بەينەسى كوز الدىعا كەلەدى.

  قويتاس كورىنىس رايونىنداعى قىستاۋلىق قازاق تىلىندە ”قويتاس“ دەپ اتالادى. ”قوي پىشىندەس تاس“ دەگەن ماعىنانى بىلدىرەدى. جەرگىلىكتى قازاق مالشىلارى بۇل جەردى”اۋليە تاس“ دەپتە اتاپ كەتكەن، بۇل ”قاسيەتتى تاس“ دەگەن ماعىنادا. كورىنىس رايونىنداعى تاۋ جوتاسى مەن تاۋ بەتكەيلەرى جەلدىڭ جەمىرۋىنەن قالىپتاسقان عاجايىپ گرانيت جىنىستى جەر بەدەرىنەن قۇرالعان، بۇندا عاجايىپ تاستار مول، كولەمى ۇلكەن بولىپ، تابيعي عاجايىپ تاس باقشاسىنا ۇقسايدى.

  بۇل اراداعى عاجايىپ تاستار تاريحتان سىر شەرتەدى. ءار ءبىر تاستان تارلان تاريحتىڭ سىرىن اڭعارۋعا بولادى. وسىنداعى ءتۇرلى پىشىندەگى عاجايىپ تاستار وزگەشە كەلبەتىمەن جۇرتتى باۋرايدى.

  قيىردان تۇتاس ساحاراعا كوز سالعاندا تىرشىلىك تىنىسىنا تولى قورعانعا ۇقساپ كەتەدى، بۇل ارادان تابيعاتتىڭ كەرەمەتى مەن ۇلىلىعىن تولىق سەزىنۋگە بولادى.

  قويتاستى بويلاپ ىشكە قاراي جۇرگەندە، تولقىن فورمالى بەدەرلەر مەن ٴشومىش بالىق جازۋى پىشىندەس عاجايىپ تاستاردى كورۋگە بولادى، تاستاردىڭ بەتىنە رەتتى بەدەرلەر مەن جازۋلار سالىنعان، بۇل موڭعۇل جازۋى نەمەسە پىشىندىك جازۋ ەكەنى، تاس ۇڭگىردەگى بولاقتىڭ سىرى جانە ٴشومىش بالىق جازۋىنىڭ سىرى قازىرگە دەيىن اشىلماي كەلەدى.

  قويتاس وڭىرىندە ۇلى تابيعاتتىڭ، تارلان تاريحتىڭ، ايالسىز ۋاقىتتىڭ ءىزى بار، تىرشىلىك پەن تابيعات اراسىنداعى ماڭگىلىك بايلانىس، مۇنداعى عاجايىپ تاستار عاسىرلار بويى وزگەرىستەردى باستان كەشىرىپ تاسقا اينالعان قالدىقتار، بۇنداعى ورنەكتەر مەن جازۋلار ادامداردىڭ سىرىن اشۋىن، تاريحتىڭ جاۋابىن كۇتۋدە.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى