اعاجاي-التاي تورابى   ›   اقپارات ايدىنى   ›   سۋرەتتى حابارلار

ايماعىمىزدا جاڭبىر ارالاس قارجاۋىپ، اۋا تەمپەراتۋراسى تومەندەيدى

     ءوز ءتىلشىمىز جۋ داندان حابارلايدى. 11-ايدىڭ 4-كۇنى ءتىلشىنىڭ ايماقتىق اۋا رايى ستانسياسىنان ۇعىسۋىنشا، 11-ايدىڭ 5-كۇنىنەن 10-كۇنىنە دەيىن ايماعىمىزدا اۋا تەمپەراتۋراسى بۇرىنعى جىلدارداعى ۇقساس مەزگىلدەگىدەن تومەن، جاۋىن - شاشىن مولشەرى كوبىرەك بولادى.

  11-ايدىڭ 6-كۇنى (سارسەنبى) كەشتەن 7-كۇنى (بەيسەنبى) تۇنگە دەيىن ايماعىمىزدىڭ جەر- جەرىندە از نەمەسە ورتاشا جاڭبىر ارالاس قار نەمەسە قار جاۋادى. سولتۇستىك، شىعىس بولەكتەگى تاۋلى وڭىرلەردىڭ ٴىشىنارا جەرلەرىندە ورتاشا نەمەسە قالىڭ جاڭبىر ارالاس قار نەمەسە قار جاۋادى، تاۋلى وڭىرلەردەگى ٴىشىنارا جەرلەردە قالىڭ قار جاۋادى؛ جەمەنەي اۋدانى، قابا اۋدانى، بۋىرشىن اۋدانى، بۋرىلتوعاي اۋدانى، كوكتوعاي اۋدانىنىڭ وڭتۇستىگى جانە التاي قالاسىنىڭ قيىس وڭتۇستىك وڭىرىندە قيىس باتىستان 4 ~ 5 بال شاماسىندا جەل سوعادى، جەل وتىندە جەل كۇشى 7 بالعا جەتەدى، اۋا تەمپەراتۋراسى كورنەكتى تومەندەيدى، كۇن اشىلعاننان كەيىن جازىقتاعى كوپ ءبولىم جەرلەردە ەڭ تومەنگى اۋا تەمپەراتۋراسى ℃6-~℃11- ارالىعىنا تۇسەدى، تاۋلى رايونداردا اۋا تەمپەراتۋراسى تەمپەراتۋراسى ℃9-~℃16- ارالىعىنا تۇسەدى.

  11 - ايدىڭ 9 - كۇنى (سەنبى) تۇننەن 10-كۇنى (جەكسەنبى) تۇنگە دەيىن ايماعىمىزدىڭ جەر- جەرىندە قىرباق قار جاۋادى، تاۋلى ٴوڭىرلەردىڭ ٴىشىنارا جەرلەرىندە ورتاشا قار جاۋادى؛ جەمەنەي اۋدانى، قابا اۋدانى، بۋىرشىن اۋدانى، بۋرىلتوعاي اۋدانى، كوكتوعاي اۋدانىنىڭ وڭتۇستىك بولەگى جانە التاي قالاسىنىڭ قيىس وڭتۇستىك بولەگىندە قيىس باتىستان 5~6 بال شاماسىندا جەلى سوعادى. جەل وتتەرىندە جەل كۇشى 8- 9 بالعا جەتىپ، اۋا تەمپەراتۋراسى كورنەكتى تومەندەيدى.

  وسى رەتكى اۋارايى وزگەرىسىنىڭ ىقپالى جانە ۇسىنىس:

  1. وسى اپتاداعى ەكى رەتكى جاۋىن-شاشىندى اۋا رايىندا جول تايعاق بولىپ، جولدارعا مۇز قاتادى، قاتىناس باسقارۋ تاراۋلارى جولدى قورعاۋ جانە قاتىناسقا جەتەكشىلىك ەتۋ قىزمەتىن دەر كەزىندە تىڭعىلىقتى ىستەۋى كەرەك.

  2. جاڭبىر ارالاس قار جاۋىپ، بوران سوعىپ، اۋا تەمپەراتۋراسىنىڭ تومەندەۋى قۇرىلعىلى اۋىل شارۋاشىلىعىنا، سونداي - اق مال شارۋاشىلىق وندىرىسىنە نەداۋىر زور ىقپال جاسايدى، ساقتانۋ قىزمەتىن كۇنى بۇرىن ويداعىداي ىستەۋ كەرەك.

  3. وسى اپتانىڭ سوڭىندا اۋا تەمپەراتۋراسىنىڭ تومەندەۋ شاماسى كورنەكتى بولادى، تۇرعىنداردىڭ سىرتقا شىققاندا جىلى كيىنۋىن، جىلۋمەن قامداۋ تاراۋلارىنىڭ جىلۋمەن قامداۋ قىزمەتىن تىڭعىلىقتى ىستەۋىن ۇسىنىس ەتەمىز.

  4. اۋداندار مەن التاي قالاسىنداعى جاساندى جولمەن اۋارايىن قۇبىلتاتىن تاراۋلاردىڭ ٴتيىمدى ورايدى مىقتى يگەرىپ، جاساندى جولمەن قار جاۋدىرۋ جۇمىسىن بەلسەنە ورىستەتۋىن ۇسىنىس ەتەمىز .

  5. جەرگىلىكتى اۋا رايى ىستانسياسى جاريالاعان اۋارايى وزگەرىسى جونىندەگى ينفورماتسيالار مەن اپاتتان ساقتانۋ جونىندەگى ينفورماتسيالارعا قاداعالاي نازار اۋدارىڭىزدار.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى