اعاجاي-التاي تورابى   ›   اقپارات ايدىنى   ›   شينجياڭ حابارلارى

ءتۇزىم سەنىمىن بەكەمدەپ، ادالدىقپەن وتاندى قورعاپ، شەكارانى كۇزەتەمىز

ءتۇزىم سەنىمىن بەكەمدەپ، ادالدىقپەن وتاندى قورعاپ، شەكارانى كۇزەتەمىز

  − پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى شينجياڭدا تۇراتىن اسكەري بولىمدەردەگى كوماندير - جاۋىنگەرلەر اراسىندا قىزۋ اڭىس قوزعادى

  ۇلى ۇندەۋ قايراتتانا العا باسۋ كۇشىن قاۋلاتىپ، ادالدىقپەن شەكارا كۇزەتىپ، باتىلدىقپەن قاسيەتتى بورىش ارقالادى. بىرنەشە كۇننەن بەرى، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحى شينجياڭدا تۇراتىن ازاتتىق ارميا جانە قارۋلى ساقشى بولىمدەرىندەگى كوماندير - جاۋىنگەرلەر اراسىندا قىزۋ اڭىس قوزعادى. قالىڭ كوماندير - جاۋىنگەرلەر مىنالاردى ءبىلدىردى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، ءتۇزىم سەنىمىن بەكەمدەپ، ادالدىقپەن شەكارانى قورعاپ، بورىشتى باتىل ارقالاپ، ۋاقىتپەن جارىساتىن رۋحپەن مەملەكەت قورعانىسىن جانە ارميانى وسىزامانداندىرۋدى جاپپاي ىلگەرىلەتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزەمىز.

  ■ ءمانى زور، ىقپالى تەرەڭ

  پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتەن الىستى بولجايتىن ستراتەگيالىق كوز اياسى مەن كۇشتى تاريحي جاۋاپكەرشىلىگىن ايگىلەپ، جاڭا داۋىردەگى پارتيا مەن مەملەكەت ىستەرى دامۋىنىڭ جاڭا تالابىن جانە حالىق بۇقاراسىنىڭ جاڭا تىلەگىن تولىق بەينەلەدى.

  شينجياڭ اسكەري رايونى بەلگىلى زەڭبىرەكشىلەر تۋانىنىڭ جىڭۋيى چىن شىنلۇڭ مىنانى ءبىلدىردى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ مازمۇنداماسىندا: ”ءتۇزىم“ ءسوزى 77 رەت قايتالانىپ، ءتۇزىم ابزالدىلىعىن جونگە سالۋ ونىمدىلىگىنە اينالدىرۋدىڭ كۇشتى سيگنالىن تولىق تاراتتى. جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، مىلتىققا پارتيا قولباسشىلىق ەتەدى دەيتىن ءتۇبىرلى پرينسيپكە تيتتەي دە بۇلجىماستان تاباندى بولىپ، ءتۇزىمنىڭ تەجەۋىمەن قوسىننىڭ سوعىسقا دايىندالۋىن، شايقاس جۇرگىزۋىن شىنايى يگەرىپ، ناقتاپ ۇستاپ، قوسىننىڭ شايقاسقا شىعا الۋىنا، شايقاستا جەڭىپ شىعۋىنا شىنايى كەپىلدىك ەتۋ كەرەك.

  قارۋلى ساقشى شينجياڭ باس اترەتى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن دەرەۋ ۇيرەندى. قارۋلى ساقشى شينجياڭ باس اترەتىنىڭ جىڭۋيى ۋاڭ ايگو بىلاي دەدى: پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىنىڭ» قارالىپ ماقۇلدانۋى ”ءتورت سەنىم“دى بەكەمدەۋدە، ءتۇرلى حاۋىپ - قاتەرلەر مەن سىن - سايىستاردى جەڭىپ شىعۋدا، پارتيا مەن مەملەكەت ىستەرىنىڭ كوركەيىپ دامۋىنا، باياندى تىنىشتىققا شىنايى كەپىلدىك ەتۋدە كەلەلى رەال ءمان جانە تەرەڭ تاريحي ءمان الادى.

  شينجياڭ اسكەري رايونى بەلگىلى ماشينالاسقان جاياۋ اسكەرلەر تۋانىنىڭ جىڭۋيى پۋ چىڭدۇڭ جاتتىعۋ الاڭىندا كوماندير - جاۋىنگەرلەرمەن بىرگە ”قارلى القاپ كۇنلۇنعا تامىر تارتىپ، جاڭا ءداۋىردىڭ جاقسى كوماندير - جاۋىنگەرى بولايىق“ تاقىرىبىندا مۇقيات ۇيرەنۋ - تالقى وتكىزدى. كوماندير - جاۋىنگەرلەر مىنالاردى ءبىلدىردى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، ءتۇسىنۋ ارقىلى ءبىزدىڭ كوز الدىمىزدا ءبىر جەتەكشى شام ساۋلە شاشتى. پارتيانىڭ حالىق ارمياسىنا شارتسىز باسشىلىعى حالىق ارمياسىنىڭ ارميا بولىپ تۇرۋىنىڭ نەگىزى، ارميانى قۇدىرەتتەندىرۋدىڭ جانى. ءسوز جوق، شي جينپيڭنىڭ ارميانى قۇدىرەتتەندىرۋ يدەياسىنىڭ مەملەكەت قورعانىسى جانە ارميا قۇرىلىسىنداعى جەتەكشى ورنىن مىقتاپ بەلگىلەپ، مەملەكەت قورعانىسى جانە ارميا رەفورماسىنىڭ جەتىستىكتەرىن بەكەمدەپ جانە تەرەڭدەتىپ، حالىق ارمياسىنىڭ سيپاتىن، ماقساتىن جانە قاسيەتىن ماڭگى ساقتاۋ كەرەك.

  ■پارتيانىڭ قولباسشىلىعىنا قۇلاق اسىپ، ادالدىقپەن مىندەت وتەيمىز

  جاقىندا شينجياڭ اسكەري رايونى بەلگىلى تۋانىنىڭ كوماندير - جاۋىنگەرلەرى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنگەننەن كەيىن اڭىسى كۇشتى بولدى. كەزىندە ءتوراعا شي جينپيڭنىڭ قابىلداۋىندا بولعان 4 - دارەجەلى جۇنشىجاڭ ءمانسۇر ىرىقتىلىقپەن مىنبەگە شىعىپ، لەكسيا جاسادى، ول بىلاي دەدى: ”بۇگىنگى بەيبىت، كوركەيگەن زامان وڭاي - وسپاق قولعا كەلمەگەن، مەملەكەتتىڭ يەلىك ۇقىعى، حاۋىپسىزدىگى ءبىزدىڭ قورعاۋىمىزدى قاجەت ەتەدى، ءبىز ءتوراعانىڭ نۇسقاۋىن ەستە بەرىك ساقتاپ، وتاننىڭ باتىس ۇلكەن قاقپاسىن جاقسى قورعاۋىمىز كەرەك“.

  قارۋلى ساقشى شينجياڭ باس اترەتى مامانداردى تۇسىندىرۋگە شاقىرۋ، زەرتتەۋ - تالقىلاۋ، اۋىس - كۇيىس جاساۋعا ۇيىمداستىرۋ سياقتىلار ارقىلى جالپى ءماجىلىستىڭ رۋحىن ۇيرەندى. قارۋلى ساقشى شينجياڭ باس اترەتى بەلگىلى تارماق اترەتى ساياسي قىزمەت ءبولىمىنىڭ ورىنباسار مەڭگەرۋشىسى جۋ يانجۋ بىلاي دەدى: جالپى ءماجىلىستىڭ رۋحىن ۇيرەنۋ ارقىلى كوماندير - جاۋىنگەرلەر پارتيانىڭ سوزىنە قۇلاق اسۋ، پارتياعا ىلەسۋ بەكىمدەرىن ونان ارى بەكەمدەي ءتۇستى.

  قۇبا تۇزدەگى جاپان دالادا شينجياڭ اسكەري رايونى بەلگىلى قىزىل ارميا شىسىنىڭ كوماندير - جاۋىنگەرلەرى جاتتىعۋ الاڭىنان ەندى عانا ورالىپ، ءۇستى - باستارىنداعى شاڭ - توزاڭدى تازالاۋعا دا ۇلگىرمەي، جالپى ءماجىلىستىڭ رۋحىن ۇيرەنۋگە كىرىسىپ كەتتى. شى پارتكومىنىڭ مۇشەسى تالقىدا مىنالاردى ءبىلدىردى: ءسوزسىز، ءوز ورنىمىزدىڭ رەفورما مىندەتىنىڭ ءىس جۇزىندىگمەن بىرلەستىرىپ، اۋەلگى ماقساتتى ماڭگى ساقتاپ، بورىشتى ەستە بەرىك ساقتاپ، قىزىل گەندى ۇرپاقتان - ۇرپاققا جالعاستىرىپ، شينجياڭدى ورنىقتىرۋ، شينجياڭدى گۇلدەندىرۋ، شەكارانى كۇشەيتىپ، قورعانىستى بەكەمدەۋ قاسيەتتى بورىشىن شىنايى اتقارۋىمىز كەرەك.

  التاي تاۋى قويناۋىنداعى قىزىلتاۋ اۋزى شەكارا قورعانىس ليانى تۇرعان جەردى اق قار قىمتاپ بولعان. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى اشىلعاننان كەيىن، ليان - دۇي دەر كەزىندە كوماندير - جاۋىنگەرلەردى چياڭجۇن سايتىنىڭ قول تەلەفون كليەنتىندە ۇيرەنۋگە ۇيىمداستىردى ءارى شەكارالىق بەلگىلەردى قىزىل بوياۋمەن باستىرا سىزۋ، پارتيا تۋى الدىندا سەرت بەرۋ سياقتى قيمىلدار ارقىلى كوماندير - جاۋىنگەرلەردىڭ پارتيانىڭ سوزىنە قۇلاق اسۋ، پارتياعا ىلەسۋ تانىمدارىن كۇشەيتتى.

  ■ قايراتتانا ىلگەرىلەپ، سايلاۋىت جاساقتاردى جاپالى جاتتىقتىردى

  تيانشان تاۋىنىڭ تەرەڭ قويناۋىندا قاقاعان اياز بەت قاراتپايدى. قارۋلى ساقشى شينجياڭ باس اترەتىنىڭ ءمالىم جىلجىمالى ەرەكشە شايقاس بولىمشە اترەتىنىڭ كوماندير - جاۋىنگەرلەرى ءبىر اپتا ۋاقىتپەن دالادا تۇنەپ، جاتتىعۋ جۇرگىزدى. ىمىرت ۇيىرىلىسىمەن ەرەكشە شايقاس اترەتىنىڭ مۇشەلەرى شاتىردا قورالاي وتىرىپ، جالپى ءماجىلىس رۋحىن ۇيرەندى. ەرەكشە شايقاس اترەتىنىڭ مۇشەسى چىن سۇڭ بىلاي دەدى: ەرەكشە شايقاس اترەتىنىڭ مۇشەسى رەتىندە قاي - قاشان دا بورىشتى ەستە بەرىك ساقتاپ، جەڭىسكە جەتۋ، جەڭىپ شىعۋ ونەرىن كۇشەيتۋگە، شىڭداۋعا جاتتىعىپ، ءىس جۇزىندىك ارەكەتىممەن وتان ءۇمىتىن اقتايمىن.

  ءۇستىرتتىڭ ءمالىم جەرىندە شينجياڭ اسكەري رايونى ءمالىم زەڭبىرەكشىلەر تۋانىنىڭ كوماندير - جاۋىنگەرلەرى قارلى بورانعا قاراماي تاكتيكالىق جاتتىعۋ ورىستەتتى. 3 - دارەجەلى جۇنشىجاڭ چين ۋيحۋا بىلاي دەدى: اۋاسى سيرەك، تەڭىز دەڭگەيىنەن 5100 نەشە مەتر بيىكتىكتەگى وسىناۋ قارلى ۇستىرتكە كەلگەن بىزدەر جاتتىعۋ ارەدىگىنەن پايدالانىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەندىك، ءبىز ءىس جۇزىندىك ارەكەتىمىزبەن بورىشىمىزدى، جاۋاپكەرشىلىك ارقالاۋىمىزدى امالياتتا ايگىلەپ، ”ەڭ بيىكتە، ەڭ الىستا، ەڭ ادال بولۋدى، ەڭ شەتكەرىدەن، ەڭ الىستان، ەڭ الاڭسىز بولۋدى“ ورىندايمىز.جوبا جاسالدى، ەندى ەكپىندەي ىلگەرىلەۋ كەزى. شينجياڭ اسكەري رايونى ءمالىم شەكارا قورعانىس تۋانى كەزەكتە سايلاۋىت جاساقتاردى جاپالى جاتتىقتىرۋدا، كوماندير - جاۋىنگەرلەر جاتتىعۋ ارەدىگىندە جالپى ءماجىلىس رۋحىن مۇقيات ۇيرەندى، پارتيالى كادرلار پارتيا شاعىن گرۋپپاسىن بىرلىك ەتىپ، ۇيرەنۋ، تالقى جۇرگىزدى، تۋانجاڭ يان جىفاڭ بىلاي دەدى: ”جاڭا داۋىردەگى شەكارا كۇزەتشىسى رەتىندە، بىزدەر داڭقتى ءداستۇردى بار كۇشپەن ساۋلەلەندىرىپ، قىزىل گەندى بەلسەنە جالعاستىرىپ، ارميانى قۇدىرەتتەندىرۋ ماڭىزدى مىندەتىن سانالى تۇردە ارقالاپ، شەكارا قورعانىسى قاراۋىلىندا تامىر تارتىپ، وسكەلەڭ ساياسي جاۋاپكەرشىلىك سەزىممەن، كوكىرەك تولى ىنتامەن ءىس ىستەپ، شەكارانى ادالدىقپەن قورعاپ، جاستىق ورالىمىزدى ۇلى بورىش بارىسىندا جايقالتا شەشەك اتتىرۋىمىز كەرەك.“

  (ەرىكتى تىلشىلەر چىن ميڭ، ۋاڭ گويىن، جاڭ يىنبو، يۇي كاي، حان چياڭ، تاي حاۋ، جاڭ لەيلەي، لو حاۋ، لي شينيۇي، لۋ ۋىنشان، لي گۋاڭرۇي، جاۋ بيفىڭ، ۋاڭ حايشان، لي مىڭچي، پان جاۋ، ۋاڭ جۇنچياڭ، ليۋ نانسۇڭ، ليۋ جىڭ - ي، دوۋ ياۋ جازعان)

جاۋاپتى رەداكتور : ءاننا اكىمقان قىزى