اعاجاي-التاي تورابى   ›   اقپارات ايدىنى   ›   شينجياڭ حابارلارى

زاڭعا قايشى ينفورماتسيا تاراتقان 6 تيپتىك دەلونى تەكسەرىپ ءبىر جاقتى ەتتى

اۆتونوميالى رايوندىق ينتەرنەت ينفورماتسياسى كەڭسەسى سياقتى قاتىستى تاراۋلار

  زاڭعا قايشى ينفورماتسيا تاراتقان 6 تيپتىك دەلونى تەكسەرىپ ءبىر جاقتى ەتتى

  ءوز حابارىمىز. جاقىندا اۆتونوميالى رايوندىق ينتەرنەت ينفورماتسياسى كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى مالىمدەلگەن دەرەكتەرگە نەگىزدەلىپ، ينتەرنەتتە زاڭعا قايشى ينفورماتسيا تاراتقان 24 - توپتاعى 6 تيپتىك دەلونى زاڭ بويىنشا تەكسەرىپ ءبىر جاقتى ەتتى ءارى جاريالادى. تەكسەرۋ ارقىلى دەلوعا قاتىستى ادامداردىڭ ينتەرنەت سياقتى تۇعىرلاردان پايدالانىپ، ءدىني ۇشقارىلىققا، ۇلتتىق بولشەكتەۋشىلىككە، سونداي - اق جالعان ينفورماتسياعا قاتىستى مازمۇندارداعى جازۋلاردى، سۋرەتتەردى، دىبىس - بەينە جازبالارىن ۋاعىزداپ، ساقتاپ، تاراتىپ، «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى»، «شينجياڭ ۇيعۇر اۆتونوميالى رايوننىڭ ينتەرنەتتە جالعان ينفورماتسيا تاراتۋدان ساقتانۋ جانە ونى جازالاۋ ەرەجەسى» سياقتى زاڭدارعا، زاڭ ەرەجەلەرگە قايشىلىق جاساعاندىعى انىقتالدى، قوعام حاۋىپسىزدىگى ورگاندارى قاتىستى ادامداردى زاڭ بويىنشا تەكسەرىپ ءبىر جاقتى ەتتى.

  ءبىرىنشى دەلو: قىزىلسۋ قىرعىز اۆتونوميالى وبلىسىنداعى توراپكەر ماي XXتىڭ ۇشقارىلىقتى ۋاعىزدايتىن بۇيىمداردى زاڭسىز ساقتاۋ دەلوسى

  2019 - جىلى 8 - ايدىڭ 2 - كۇنى توراپكەرلەر ماي XXتىڭ (ەر، ۇيعۇر، 26 جاستا، نوپوسى قىزىلسۋ وبلىسى اقتاۋ اۋدانىنا قاراستى) ينتەرنەتتەن ءدىني ۇشقارىلىق يدەيانى ۋاعىزدايتىن دىبىس جازبالارىن تۇسىرگەندىگىن ءارى تىڭداعاندىعىن مالىمدەگەن. تەكسەرىپ انىقتاۋ ارقىلى ءارى قاتىستى زاڭدارعا، زاڭ ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، ماي XXتى قىلمىستىق ىستەر بويىنشا قاماۋعا الدى.

  ەكىنشى دەلو: قاشقار ايماعىنداعى توراپكەر ما XXتىڭ ۇشقارىلىقتى ۋاعىزدايتىن بۇيىمداردى زاڭسىز ساقتاۋ دەلوسى

  2019 - جىلى 9 - ايدىڭ 4 - كۇنى توراپكەرلەر ما XXتىڭ (ەر، ۇيعۇر، 33 جاستا، نوپوسى قاشقار ايماعى قاعىلىق اۋدانىنا قاراستى) زاڭسىز تۇردە ۆيرتۋالدى ارناۋلى ينتەرنەتتەن پايدالانىپ، ءدىني ۇشقارى يدەيانى ۋاعىزدايتىن كوپتەگەن ەلەكتروندى كىتاپتى تۇسىرگەندىگىن مالىمدەگەن. تەكسەرىپ انىقتاۋ ارقىلى ءارى قاتىستى زاڭدارعا، زاڭ ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، ما XXتى قىلمىستىق ىستەر بويىنشا قاماۋعا الدى.

  ءۇشىنشى دەلو: تارباعاتاي ايماعىنداعى توراپكەرلەر جيا XX، ۋي XXتىڭ ينتەرنەتتەن پايدالانىپ ءتان ساتۋ، زيناقورلىق ىستەۋ دەلوسى

  2019 - جىلى 9 - ايدىڭ 3 - كۇنى توراپكەرلەر جيا XXتىڭ (ەر، حانزۋ، 27 جاستا، نوپوسى تارباعاتاي ايماعى شاعانتوعاي اۋدانىنا قاراستى)، ۋي XXتىڭ (ايەل، حانزۋ، 38 جاستا، نوپوسى حيلۇڭجياڭ ولكەسى حاربين قالاسى فاڭجىڭ اۋدانىنا قاراستى) ينتەرنەتتەن پايدالانىپ بايلانىس جاساپ، باعا كەلىسىپ، ءۇرىمجى قالاسىنداعى ءبىر تاڭداۋلى قوناقسارايدا زاڭسىز ءتان ساتۋ، زيناقورلىق ىستەۋ ارەكەتىمەن شۇعىلدانعاندىعىن مالىمدەگەن. تەكسەرىپ انىقتاۋ ارقىلى ءارى قاتىستى زاڭدارعا، زاڭ ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، جيا XX، ۋي XXتى اكىمشىلىك ىستەر بويىنشا قاماۋعا الدى.

  ءتورتىنشى دەلو: تارباعاتاي ايماعىنداعى توراپكەر سۇي XXتىڭ وسەك - اياڭ تاراتۋ دەلوسى

  2019 - جىلى 9 - ايدىڭ 8 - كۇنى توراپكەرلەر سۇي XXتىڭ (ەر، حانزۋ، 28 جاستا، نوپوسى تارباعاتاي ايماعى شيحۋ قالاسىنا قاراستى) ءوزىنىڭ ءۇنحات توبىندا، شەڭبەرىندە وسەك - اياڭ ينفورماتسيا تاراتىپ، قوعامدىق الەۋمەتتىك ءتارتىپتى بۇلدىرگەندىگىن مالىمدەگەن. تەكسەرىپ انىقتاۋ ارقىلى ءارى قاتىستى زاڭدارعا، زاڭ ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، سۇي XXتى اكىمشىلىك ىستەر بويىنشا قاماۋعا الدى.

  بەسىنشى دەلو: سانجى حۇيزۋ اۆتونوميالى وبلىسىنداعى توراپكەر جاڭ XXتىڭ وسەك - اياڭ تاراتۋ دەلوسى

  2019 - جىلى 9 - ايدىڭ 11 - كۇنى توراپكەرلەر جاڭ XXتىڭ (ەر، حانزۋ، 28 جاستا، نوپوسى سانجى وبلىسى سانجى قالاسىنا قاراستى) ءوزىنىڭ ءۇنحات توبىندا رايونىمىزدىڭ ورنىقتىلىقتى قورعاۋ ساياساتىنا قاتىستى وسەك - اياڭ، ينفورماتسيا تاراتىپ، جاڭجال شىعارۋعا جەلىكتىرىپ، قوعامدىق الەۋمەتتىك ءتارتىپتى بۇلدىرگەندىگىن مالىمدەگەن. تەكسەرىپ انىقتاۋ ارقىلى ءارى قاتىستى زاڭدارعا، زاڭ ەرەجەلەرگە ساي، قوعام حاۋىپسىزدىگى ورگانى زاڭعا نەگىزدەلە وتىرىپ، جاڭ XXتى اكىمشىلىك ىستەر بويىنشا قاماۋعا الدى.

  التىنشى دەلو: تارباعاتاي ايماعىنداعى توراپكەر جيا XXتىڭ ينتەرنەت الدامشىلىعى دەلوسى

  2019 - جىلى 9 - ايدىڭ 16 - كۇنى توراپكەرلەر جيا XXتىڭ (ايەل، قازاق، 22 جاستا، نوپوسى تارباعاتاي ايماعى شاعانتوعاي اۋدانىنا قاراستى) ينتەرنەتتەن پايدالانىپ پۋتۋڭحۋا كۋالىگىن ءبىتىرىپ بەرەمىن دەگەن سىلتاۋمەن 5 توراپكەرگە الدامشىلىق ىستەگەندىگىن، دەلوعا ساياتىن اقشا 10 مىڭ 100 يۋانعا جەتكەندىگىن مالىمدەگەن. تەكسەرىپ انىقتاۋ ارقىلى ءارى قاتىستى زاڭدارعا، زاڭ ەرەجەلەرگە ساي، ومىراۋدا بالاسى بار كەز بولعاندىقتان قوعام حاۋىپسىزدىگى ورگانى زاڭعا نەگىزدەلە وتىرىپ، جيا XXتى سوتتاعانعا دەيىن كەپىلگە بەردى.

  ينتەرنەت ينفورماتسياسى تاراۋى، قوعام حاۋىپسىزدىگى ورگانى مىنانى ەسكەرتەدى: ينتەرنەت كەڭىستىگى − زاڭ قۇرىعى جەتپەيتىن جەر ەمەس، ينتەرنەتتەن پايدالانىپ زورلىقتى كۇش لاڭكەستىككە، ۇلتتىق بولشەكتەۋشىلىككە، ءدىني ۇشقارىلىققا قاتىستى، سونداي - اق ۇلتتار ىنتىماعىن، مەملەكەتتىڭ تۇتاستىعىن بۇلدىرەتىن جازۋلاردى، سۋرەتتەردى، دىبىس - بەينە جازبالارىن ۋاعىزداعانداردىڭ، ساقتاعانداردىڭ، تاراتقانداردىڭ؛ قوپارىلىس جابدىق، مىلتىق، شەكتەلگەن قۇرالداردى جاساۋ، قولدانۋ ءادىسىن، ونەرىن ۇيرەتكەندەردىڭ، سونداي - اق جالعان ينفورماتسيا، قورلاۋ، قۇقاي كورسەتۋ، ويدان فاكت قۇراستىرىپ باسقالارعا جالا جابۋ سياقتى مازمۇنداعى جازۋلاردى، سۋرەتتەردى، دىبىس - بەينە جازبالارىن تاراتقانداردىڭ جاۋاپكەرشىلىگى زاڭ بويىنشا قۋزاستىرىلادى. جوعارىدا ايتىلعان جازۋلاردى، سۋرەتتەردى، دىبىس - بەينە جازبالارىن ساقتاعاندار لەزدە وزدىگىنەن ءوشىرۋى، جويىپ تاستاۋى كەرەك، ءوزى وشىرە الماسا نەمەسە جويا الماسا، جەرگىلىكتى قوعام حاۋىپسىزدىگى ورگاندارىنىڭ سايكەسىپ ءبىر جاقتى ەتۋىنە تاپسىرۋىنا بولادى. قالىڭ توراپكەرلەردىڭ قاتىستى زاڭعا، زاڭ ەرەجەلەرگە قاتاڭ بويسۇنىپ، ينتەرنەتتەن مادەنيەتتى، زاڭ بويىنشا پايدالانىپ، اقاۋسىز، ءتارتىپتى ينتەرنەت ورتاسىن بىرگە قورعاۋىن ءۇمىت ەتەمىز.

  قالىڭ توراپكەرلەردىڭ ينتەرنەتتەگى زاڭعا قايشى ينفورماتسيالاردى بەلسەندىلىكپەن مالىمدەۋىن قارسى الامىز، مالىمدەپ ەڭبەك سىڭىرگەندەر دەر كەزىندە سيلانادى.

  مالىمدەۋ ءتاسىلى: تور ادرەسى: www.xjwljb.com، تەلەفون ءنومىرى: 2384777 − 0991، ەلەكتروندى حات ساندىعى: xjwljb@xjts.cn، ميكر بلوگ: 新疆网络举报@، ءۇنحات الەۋمەتتىك تۇعىرى: 新疆网络举报، ساقشىعا مالىمدەپ اشكەرەلەۋ تەلەفون ءنومىرى: 110، كەلتەحات ارقىلى ساقشىعا مالىمدەۋ ءنومىرى: 12110.

جاۋاپتى رەداكتور : ءاننا اكىمقان قىزى