اعاجاي-التاي تورابى   ›   اقپارات ايدىنى   ›   شينجياڭ حابارلارى

تۋرالىقتى ساقتاپ، جاڭالىق اشۋ بارىسىندا ءتۇزىم سەنىمىن بەكەمدەيىك

تۋرالىقتى ساقتاپ، جاڭالىق اشۋ بارىسىندا ءتۇزىم سەنىمىن بەكەمدەيىك

  − پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە

   حالىق گازەتىنىڭ شولۋشىسى

  جۇڭگوشا سوتسياليزم ءتۇزىمى − قاتاڭ، كەمەلدى عىلمي ءتۇزىم جۇيەسى، ايقىن جۇڭگو ەرەكشەلىگىنە، كورنەكتى تۇزىمدىك ابزالدىلىققا يە. وعان تاباندى بولعاندا جانە ونى ويداعىداي بەكەمدەگەندە ءارى ويداعىداي كەمەلدەندىرگەندە جانە دامىتقاندا عانا، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى كەپىلدىك ازىرلەۋگە بولادى.

  پارتيا 19 - كەزەكتى ورتالىق كوميتەتى ءتورتىنشى جالپى ماجىلىسىندە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارى» جۇڭگوشا سوتسياليزم تۇزىمىنە تىرەك بولاتىن ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋعا جانە ونى كەمەلدەندىرۋگە نازاردى شوعىرلاندىرىپ، ءار جاقتاعى تۇزىمدەردە، ءسوز جوق، تاباندى بولۋعا ءتيىستى ءتۇبىرلى تۇيىندەردى، كەمەلدەندىرۋگە جانە دامىتۋعا ءتيىستى بەتالىستاردى ايقىندادى ءارى قىزمەت ورنالاستىرۋىن جاسادى. ماركسيزمنىڭ وسى تۇعىرنامالىق حۇجاتى جۇڭگوشا سوتسياليزم تۇزىمىنە تاباندى بولۋدى جانە ونى بەكەمدەۋدى، پارتيانىڭ ۇزاق ۋاقىت بيلىك جۇرگىزۋىنە جانە مەملەكەتتىڭ باياندى تىنىشتىعىنا شىنايى كەپىلدىك ەتۋدى كوزدەپ، جۇڭگوشا سوتسياليزم ءتۇزىمىن كەمەلدەندىرۋدى جانە دامىتۋدى، سوتسياليستىك وسىزاماندانعان مەملەكەتتى جاپپاي قۇرىپ شىعۋدى كوزدەپ، جۇڭگوشا سوتسياليزم ءتۇزىمىنىڭ ابزالدىلىعىن تولىق ساۋلەلەندىرۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى كوزدەپ، تۋرالىقتى ساقتاپ، جاڭالىق اشۋدى، ءورىس اشا العا ۇمتىلۋدى كورنەكتىلەندىرىپ، جۇيەلى جيناقتاۋدى، سايكەسىمدى، جوعارى ءونىمدى بولۋدى كورنەكتىلەندىرىپ، قاتاڭ تۇردە ماسەلەنى باعدار ەتۋدى جانە ايقىن امالياتتىق ەرەكشەلىكتى ايگىلەپ، جۇڭگوشا سوتسياليزم ءتۇزىمىنىڭ سەنىمىن كورسەتتى.

  ءتۇزىم ابزالدىلىعى − ءبىر مەملەكەتتىڭ ەڭ ۇلكەن ابزالدىلىعى. جالپى ءماجىلىس ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ دامۋ جەتىستىكتەرىن جانە كورنەكتى ابزالدىلىقتارىن جۇيەلى قورىتىندىلادى، مۇنداعى ماقسات − بۇكىل پارتيانىڭ، بۇكىل ەلدەگى ءار ۇلت حالقىنىڭ ءتۇزىم سەنىمىن بەكەمدەۋىن ىلگەرىلەتىپ، ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ كوپ جاقتاعى كورنەكتى ابزالدىلىقتارىنىڭ اناعۇرلىم تولىق ساۋلەلەنۋىنە مۇمكىندىك جاساۋ. وسى ابزالدىلىقتاردى ۇزاق ۋاقىت ساقتاۋ جانە ونى ۇزدىكسىز كۇشەيتۋ − ءبىزدىڭ جاڭا داۋىردە جۇڭگوشا سوتسياليزم تۇزىمىنە تاباندى بولۋىمىزدىڭ جانە ونى كەمەلدەندىرۋىمىزدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋىمىزدىڭ قۇلشىنىس بەتالىسى. بۇل بىزدەن مىنانى تالاپ ەتەدى: جۇڭگوشا سوتسياليزم ءتۇزىمىن جانە مەملەكەتتى جونگە سالۋ جۇيەسىنىڭ ورنىقتىلىعى مەن جالعاسىمدىلىعىن ساقتاۋمەن بىرگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قاجەتىنە ۇيلەسەتىن تۇزىمدەردى، حالىق بۇقاراسىنىڭ تاماشا تۇرمىسقا دەگەن جاڭا تىلەگىن قاناعاتتاندىرۋدا كەم بولسا بولمايتىن تۇزىمدەردى دە جەدەل بەلگىلەۋ كەرەك. «قارار» ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىندە ”نە نارسەگە تاباندى بولعان جانە ونى بەكەمدەگەن، نە نارسەنى كەمەلدەندىرگەن جانە دامىتقان ءجون“ دەيتىن كەلەلى ساياسي ماسەلەگە جان - جاقتى جاۋاپ بەرىپ، ءسوز جوق، مىقتاپ تاباندى بولۋعا ءتيىستى ەلەۋلى تۇزىمدەر مەن پرينسيپتەردى ايقىن بايىمداۋمەن قوسا، ءتۇزىم قۇرىلىسىن ىلگەرىلەتۋدىڭ ماڭىزدى مىندەتتەرى مەن شارالارىن دا ورنالاستىردى، بۇل ءدال تۋرالىقتى ساقتاۋ مەن جاڭالىق اشۋدىڭ ديالەكتيكالىق بىرلىگىن بەينەلەيدى.

  جاڭا داۋىردە جۇڭگوشا سوتسياليزم تۇزىمىنە تاباندى بولۋدا جانە ونى كەمەلدەندىرۋدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە جالپى ءماجىلىس ورنالاستىرعان ءتۇيىندى مىندەتتەردى مۇقيات دايەكتىلەندىرۋ، تياناقتاندىرۋ كەرەك. جالپى ءماجىلىس پارتيانىڭ باسشىلىعى ءتۇزىم جۇيەسىنە، حالىق قوجايىن بولۋ ءتۇزىم جۇيەسىنە، جۇڭگوشا سوتسياليستىك زاڭمەن جونگە سالۋ جۇيەسىنە، جۇڭگوشا سوتسياليستىك اكىمشىلىك تۇزىلىسكە، سوتسياليستىك نەگىزگى شارۋاشىلىق تۇزىمگە، سوتسياليستىك وزىق مادەنيەتتى گۇلدەندىرۋ جانە دامىتۋ تۇزىمىنە، قالا مەن اۋىلدى ءبىر تۇتاس جوسپارلاعان حالىق تۇرمىسىن قامتاماسىز ەتۋ تۇزىمىنە، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ تۇزىمىنە، ەكولوگيالىق وركەنيەت ءتۇزىمى جۇيەسىنە، پارتيانىڭ حالىق ارمياسىنا شارتسىز باسشىلىق ەتۋ تۇزىمىنە، ”ءبىر ەل، ەكى ءتۇزىم“ ءتۇزىم جۇيەسىنە، دەربەس، ءوز - وزىنە قوجايىن بولاتىن بەيبىت ديپلوماتيالىق ساياساتىنا، پارتيانىڭ جانە مەملەكەتتىڭ باقىلاۋ جۇيەسىنە تاباندى بولۋ جانە ونى كەمەلدەندىرۋ سياقتى جاقتاردان تەرەڭدەتۋگە ءتيىستى ەلەۋلى ءتۇزىلىس - مەحانيزمدەر رەفورماسىن، ىلگەرىلەتۋگە ءتيىستى ءتۇيىندى قىزمەت مىندەتتەرىن ورنالاستىردى. بۇل كەلەلى ورنالاستىرۋ − جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تۇزىمدىك دەڭگەيدە ناقتى ورىستەتىلۋى، ەلىمىزدىڭ ءتۇزىم ابزالدىلىعىن ساۋلەلەندىرۋدىڭ، مەملەكەتتى جونگە سالۋ دەڭگەيىن جوعارىلاتۋدىڭ باستى قۇلشىنىس بەتالىسى جانە كۇش سالۋ ءتۇيىنى بولىپ تابىلادى. وسى جاقتاردى ارقاۋ ەتە وتىرىپ، «قارار» ءتۇبىرلى ءتۇزىمنىڭ، نەگىزگى ءتۇزىمنىڭ، ماڭىزدى تۇزىمدەردىڭ ءوزارا ۇشتاسۋىنا تاباندى بولىپ، جوعارى دەڭگەيدە جوبالاۋ مەن ساتى - ساتىعا ءبولىپ ءتۇيىستىرۋدى ءبىر تۇتاس جوسپارلاپ، تۇزىمگە رەفورما جاساۋ مەن ءتۇزىمدى اتقارۋدى ءبىر تۇتاس جوسپارلاپ، تاريحتى قورىتىندىلاۋ مەن بولاشاقتى بەتكە الۋدىڭ بىرلىگىن، تۇراقتىلىقتى ساقتاۋ مەن رەفورما جاساپ، جاڭالىق اشۋدىڭ بىرلىگىن، ماسەلەنى باعدار ەتۋ مەن نىسانانى باعدار ەتۋدىڭ بىرلىگىن ايگىلەدى. جالپى ءماجىلىس رۋحىن ىشكەرىلەي ۇيرەنۋ، دايەكتىلەندىرۋ ءۇشىن، كۇش سالا وتىرىپ نەگىزدى بەكەمدەپ، ابزالدىلىقتى اسقاقتاتىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جۇيەلى، كەمەلدى، عىلمي، ارناعا تۇسكەن، جۇمىس جۇرگىزۋى ءونىمدى ءتۇزىم جۇيەسىن ورناتۋ كەرەك.

  باس شۋجي شي جينپيڭ بىلاي دەپ باسا دارىپتەدى: ”ءبىزدىڭ رەفورمانى جاپپاي تەرەڭدەتۋىمىز جۇڭگوشا سوتسياليزم ءتۇزىمى جامان دەگەن ءسوز ەمەس، قايتا ونى مۇنان ارى جاقسارتۋ ءۇشىن بولىپ وتىر؛ ءبىز ءتۇزىم سەنىمىن بەكەمدەۋ دەگەندە، ءبىر ورىندا تاپجىلماي تۇيىقتالىپ قالماۋ، قايتا ءتۇزىلىس - مەحانيزمدەردىڭ كەمشىلىكتەرىن ۇزدىكسىز جويىپ، ءبىزدىڭ ءتۇزىمنىڭ كەمەلدى ءارى باياندى بولۋىنا مۇمكىندىك جاساۋ ءۇشىن بولىپ وتىر“. ءتۇزىم سەنىمىن بەكەمدەۋدى ۇزدىكسىز رەفورما جاساۋمەن، جاڭالىق اشۋمەن بىرلىككە كەلتىرىپ، تۋرالىقتى ساقتاۋ بارىسىندا جاڭالىق اشۋعا، جاڭالىق اشۋ بارىسىندا تۋرالىقتى ساقتاۋعا قۇلشىنساق، ءبىز، ءسوز جوق، جۇڭگوشا سوتسياليزم ءتۇزىمىنىڭ ءوزىن - ءوزى ۇزدىكسىز كەمەلدەندىرۋىن جانە دامىتۋىن، جالىندى ومىرشەڭدىگىن ماڭگى ساقتاۋىن ىلگەرىلەتە الامىز.

  (شينحۋا اگەنتتىگىنىڭ 11 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : ءاننا اكىمقان قىزى