اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ مەن پىڭ لييۋان قوناعاسى بەرىپ، 2 - كەزەكتى جۇڭگو حالىقارالىق يمپورت كورمەسىنە قاتىناسقان ءار ەلدىڭ سيلى قوناقتارىن قارسى الدى

 11 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شاڭحاي حىپيڭ قوناقسارايىندا قوناعاسى وتكىزىپ، 2 - كەزەكتى جۇڭگو حالىقارالىق يمپورت كورمەسىنە قاتىناسۋعا كەلگەن ءار ەلدىڭ سيلى قوناقتارىن قارسى الدى. سۋرەتتە: شي جينپيڭ ارناۋ ءسوز سويلەۋدە. □ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  11 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان شاڭحاي حىپيڭ قوناقسارايىندا قوناعاسى وتكىزىپ، 2 - كەزەكتى جۇڭگو حالىقارالىق يمپورت كورمەسىنە قاتىناسۋعا كەلگەن ءار ەلدىڭ سيلى قوناقتارىن قارسى الدى. سۋرەتتە: قوناعاسىدان ىلگەرى شي جينپيڭ مەن پىڭ لييۋان فرانسيانىڭ زۇڭتۇڭى ماكرون مەن حانىمى، يامايكانىڭ زۇڭليى حولنەسس پەن حانىمى، گرەتسيانىڭ زۇڭليى ميتسوتاكيس پەن حانىمى، سەربيانىڭ زۇڭليى برنابيس قاتارلى شەتەل جاقتىڭ سيلى قوناقتارىمەن بىرگە ەستەلىك سۋرەتكە ءتۇستى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 11 - ايدىڭ 4 - كۇنى شاڭحايدان بەرگەن حابارى (تىلشىلەر جي ميڭ، سۇن - ي). مەملەكەت ءتوراعاسى شي جينپيڭ مەن حانىمى پىڭ لييۋان 11 - ايدىڭ 4 - كۇنى كەشتە شاڭحاي حىپيڭ قوناقسارايىندا قوناعاسى وتكىزىپ، 2 - كەزەكتى جۇڭگو حالىقارالىق يمپورت كورمەسىنە قاتىناسقان ءار ەلدىڭ سيلى قوناقتارىن قارسى الدى.

  التىن كۇز مەزگىلى، كەڭ كوسىلگەن ۋايتان، پۋجياڭنىڭ ەكى جاعالاۋى، قاتار - قاتار بوي سوزعان ءزاۋلىم عيماراتتار، سامالاداي جارقىراعان شىراقتار گۇلدەنگەن كورىنىستەردى ايشىقتاعانداي ەدى. 100 جىلعا تاياۋ تاريحقا يە حىپيڭ قوناقسارايى 30 جىلعا جەتپەيتىن ارالىقتا ەڭسە كوتەرگەن لۋجيازۇي فينانس ورتالىعىمەن ءوزارا توعىسىپ نۇر شاشىپ، شاڭحاي قالاسىنىڭ دامۋ وزگەرىسى مەن جۇڭگونىڭ ەسىك اشۋ تاريحي بارىسىنا ورتاق كۋا بولدى.

  كەشكى ساعات 6 مولشەرىندە فرانسيانىڭ زۇڭتۇڭى ماكرون مەن حانىمى، يامايكانىڭ زۇڭليى حولنەسس پەن حانىمى، گرەتسيانىڭ زۇڭليى ميتسوتاكيس پەن حانىمى، سەربيانىڭ زۇڭليى برنابيس قاتارلى شەتەل جاقتىڭ سيلى قوناقتارى ىركەس - تىركەس كەلىپ جەتتى. شي جينپيڭ مەن پىڭ لييۋان ولارمەن ىقىلاسپەن اڭگىمەلەستى ءارى ەستەلىك سۋرەتكە ءتۇستى.

  كەشكى ساعات 7 مولشەرىندە قوناعاسى باستالدى. شي جينپيڭ ءسوز سويلەپ، جۇڭگو ۇكىمەتى جانە جۇڭگو حالقى اتىنان ءار ەلدىڭ باسشىلارىنىڭ جانە سيلى قوناقتاردىڭ كەلگەندىگىن قىزۋ قارسى الدى.

  شي جينپيڭ بىلاي دەپ اتاپ كورسەتتى: تاياۋ زاماننان بەرى، شاڭحايدىڭ ”وزەن، تەڭىز ارقىلى جان - جاققا تۇتاسقان ماڭىزدى وتكەل، شىعىس وڭتۇستىكتەگى ىرگەلى قالا“ دەگەن تاماشا اتاعى بار، جۇڭگونىڭ ەسىك اشۋ تولقىنىنىڭ الدىڭعى لەگىندە كوش باستاپ، تاياۋ نەشە 10 جىلدان بەرى تىپتەن حالىقارالانعان ءىرى قالا بولىپ ەڭسە كوتەردى. جاڭا جۇڭگو قۇرىلعان 70 جىلدان بەرى، اسىرەسە، رەفورما جاساعان، ەسىك اشقان 40 نەشە جىلدان بەرى، جۇڭگو الەمدى جالت قاراتقان تابىستارعا قول جەتكىزدى، جۇڭحۋانىڭ بايتاق دالاسىندا وراسان زور وزگەرىستەر تۋىلدى.جۇڭگونىڭ دامۋ تاريحي بارىسىنان ءبىز دۇنيە ءجۇزى جاقسى بولسا، جۇڭگونىڭ دا جاقسى بولاتىندىعىن؛ جۇڭگو جاقسى بولسا، دۇنيە ءجۇزىنىڭ دە اناعۇرلىم جاقسى بولاتىندىعىن تەرەڭ سەزىندىك.

  شي جينپيڭ بىلاي دەپ باسا دارىپتەدى: جۇڭگو حالىقارالىق يمپورت كورمەسى قىسقا ۋاقىت ىشىندە جوقتان بارلىققا كەلىپ، دۇنيە جۇزىندەگى ءار ەلدى جانە كاسىپورىنداردى كەڭ كولەمدە قاتىناسۋعا تەز باۋراپ، بۇكىل الەمدىك ساۋدانىڭ دامۋ تاريحىنداعى ءبىر ۇلكەن جاسامپاز شاراعا، جاڭا داۋىردەگى حالىقارالىق سەلبەستىكتىڭ تاعى ءبىر ماڭىزدى تۇعىرىنا اينالدى. جۇڭگونىڭ حالىقارالىق يمپورت كورمەسىن وتكىزىپ، يمپورتتى ىرىقتىلىقپەن كەڭەيتۋى جاڭا كەزەكتى جوعارى دەڭگەيدەگى سىرتقا ەسىك اشۋدى ىلگەرىلەتۋدى، ”ءبىر بەلدەۋ، ءبىر جول“دى بىرگە قۇرۋ حالىقارالىق سەلبەستىگىن تەرەڭدەتۋدى، اشىق دۇنيە جۇزىلىك ەكونوميكانى بىرگە قۇرۋدى كوزدەگەن ىرىقتى ارەكەتى. جۇڭگو حالىقارالىق يمپورت كورمەسىندە ساۋدالاناتىنى − تاۋار جانە قىزمەت وتەۋ، اۋىس - كۇيىس جاسالاتىنى − مادەنيەت جانە ۇستانىم، قارسى الىناتىنى − 5 قۇرلىقتىڭ قوناقتارى، جوسپارلاناتىنى − الەمنىڭ پايداسى، سايكەسەتىنى − ءار ەل حالقىنىڭ تاماشا تۇرمىسقا تالپىنىسى. ”سۋ كوتەرىلسە، ەكى جاعالاۋدىڭ ساعاسى كەڭەيەدى، جەل وڭىنان تۇرسا، كەمەنىڭ جەلكەنى كوتەرىلەدى“. ءبىز سەلبەستىك جەلكەنىن بىرگە جايىپ، ءداۋىردىڭ دامۋ شىعىس جەلىنە ىلەسە، دۇنيە جۇزىلىك ەكونوميكا كەمەسىنىڭ جەلكەن جايىپ، الىسقا ساپار شەگۋىن ىلگەرىلەتىپ، تىڭ تىرشىلىك لەبى ەسكەن كوكتەمگە قاراي بەتتەيىك.

  قوناعاسى شات - شادىمان، تاتۋ - ءتاتتى بەينەدە وتكىزىلدى. كوپشىلىك بىرگە توست كوتەرىپ، 2 - كەزەكتى جۇڭگو حالىقارالىق يمپورت كورمەسىنىڭ تولىق تابىستى بولۋىن تىلەدى، ءار ەلدىڭ دامۋىن، گۇلدەنۋىن، حالقىنىڭ باقىتتى، سالامات بولۋىن تىلەدى.

  ديڭ شۋەشياڭ، لي چياڭ، ياڭ جيەچى، حۋ چۇنحۋا، حۋاڭ كۇنميڭ، ۋاڭ ي، جاۋ كىجى، حى ليفىڭ قاتارلىلار جوعارىداعى قيمىلدارعا قاتىناستى.

جاۋاپتى رەداكتور : ءاننا اكىمقان قىزى