اعاجاي-التاي تورابى   ›   مادەنيەت ارناسى   ›   بىلگەنگە مارجان

سىندى قالاي قابىلداۋ كەرەك؟

  سىندى قالاي قابىلداۋ كەرەك؟

  قانشا جەردەن ورىندى ايتىلسا دا، سىندى كوپ ادام قابىلداي بىلمەيدى. الەۋمەتتىك جەلى مەن كەلەكەنىڭ (تروللينگ) كۇشەيۋى جاعدايدى ودان ءارى ۋشىقتىرىپ جىبەرگەندەي. "سىنعا قالدىم" دەپ اقتالاتىن بەدەلدى ادامداردىڭ قاتارى دا ارتتى. سىندى قالاي قابىلداۋ كەرەك جانە ونىمەن كۇرەسۋ ءۇشىن نە ىستەۋ كەرەك.

  1.سىنشىنىڭ نەنى مەڭزەگەنىن ءتۇسىنۋدىڭ ەڭ قاراپايىم ءتاسىلى ــ ونىڭ وزىنە تىكەلەي سۇراقتار قويۋ.

  • نە سەبەپتى ۇنامايدى؟

  • نەگە بۇل ارەكەتىم دۇرىس بولمادى؟

  • سەنى رەنجىتەتىندەي نە ايتتىم؟

  • نەگە ونداي پىكىر قالدىردىڭ؟

  وسىلايشا ونىڭ بۇلاي ايتۋ سەبەبىن تۇسىنەتىن بولاسىز. كوبىنە ايتىلعان پىكىر مەن سىن استىندا ءدالى قازىرگى ساتپەن بايلانىسى جوق، وتكەن كۇندەردىڭ وكپە-نازى جاتادى. بۇل كەڭەستى قارىم-قاتىناستى رەتتەۋدىڭ دە ءتيىمدى ءتاسىل رەتىندە قاراستىرعانىڭىز ءجون.

  2. بارلىق ەموتسيانى تۇنشىقتىرا وتىرىپ، ءسال ويلانىڭىز — مۇمكىن، سىزگە ايتىلعان سىندا شىندىق بار شىعار؟ ادام ءۇشىن ءوز ارەكەتىنىڭ دۇرىس ەمەسىن، باعىتىنىڭ بۇرىس ەكەنىن ۇعۋ بارىنەن قيىنى. ءبىراق، ماسەلەنى شەشۋ ءۇشىن ەڭ ماڭىزدى قادام ـــ وي جەلەگىنەن وتكىزۋ.

  3. كەلىسە قويماساڭىز دا، وزگەنىڭ پىكىرىڭ قابىلداۋدى ۇيرەنىڭىز. بارلىق سىنمەن كۇرەسۋدىڭ ەڭ ءتيىمدى ءارى قيىن جولى.

  4. شىندىقتى ايتۋدان جانە بەلگىلى ءبىر شەك قويۋدان جاسقانباڭىز. ەگەر سىزگە سىن ۇناماسا ايتىڭىز. ءوزىڭىزدڭ شىنايى ەموتسيالارىڭىزبەن ءبولىسىڭىز.

  5. سىننىڭ ورىندى ەكەنىن ۇقساڭىز، وندا مىندەتتى تۇردە راقمەت ايتىڭىز. ويتكەنى، سىن ـــ مىنسىزدەككە باستايتىن جول.

جاۋاپتى رەداكتور : ءاننا اكىمقان قىزى