اعاجاي-التاي تورابى   ›   اقپارات ايدىنى   ›   شينجياڭ حابارلارى

اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسى وتكىزىلدى

اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسى وتكىزىلدى

  ءتىلشىمىز جاۋ جىيۇن 11 - ايدىڭ 2 - كۇنى ۇرىمجىدەن حابارلايدى. 11 - ايدىڭ 2 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، ءتىرى شوشقا شارۋاشىلىعىنىڭ تيبىن جاڭالاپ، دارەجەسىن ءوسىرۋدى جەدەلدەتۋ، قوعامدىق سەنىمدىلىك جۇيەسى قۇرىلىسىن جەدەل ىلگەرىلەتۋ، سەنىمدىلىكتى نەگىز ەتكەن جاڭاشا باقىلاۋ - باسقارۋ مەحانيزمىن ورناتۋ سياقتى قىزمەتتەردى اقىلداستى.

  ءماجىلىس مىنانى باسا دارىپتەدى: رايونىمىزدىڭ ءتىرى شوشقا شارۋاشىلىعىنىڭ تيبىن جاڭالاپ، دارەجەسىن ءوسىرۋدى جەدەلدەتۋ − ءتىرى شوشقا شارۋاشىلىعىنىڭ جوعارى ساپالى دامۋىن جەبەپ، شوشقا ەتىمەن قامداۋدى قامتاماسىزداندىرۋ قابىلەتىن جاپپاي جوعارىلاتۋ جونىنەن ماڭىزدى رەال ءمان الادى. اۋىل - قىستاقتى گۇلدەندىرۋ ستراتەگياسىن اتقارۋدى مىقتاپ ارقاۋ ەتىپ، جاڭا دامۋ ۇستانىمىنان جازباي، جوعارى ساپالى دامۋدى جەبەپ، بازاردى باعدار ەتىپ، شينجياڭ كولەمىندەگى بازارلاردى قامداۋدى قامتاماسىزداندىرۋعا تابان تىرەپ، ەل ءىشى بازارىن بەلسەنە اشىپ، شينجياڭنىڭ سىرتقا باعىتتالعان ءتىرى شوشقا شارۋاشىلىعىنىڭ ابزالدىلىعىن بەكەمدەۋ، كەڭەيتۋ؛ تيبىن جاڭالاۋدى نىسانا ەتىپ، ءناسىل شارۋاشىلىعىن كەمەلدەندىرىپ، بازانى ساپالىلاندىرىپ، ءتىرى شوشقا شارۋاشىلىعىنىڭ ساپا حاۋىپسىزدىگى مەن شارۋاشىلىق دەڭگەيىن، ورەسىن جوعارىلاتۋ؛ كاسىپورىندى نەگىزگى تۇلعا ەتىپ، بايلىق ورنالاستىرىلۋىن ساپالىلاندىرىپ، تۇتاس شارۋاشىلىق تىزبەگى قۇرىلىسىن ىلگەرىلەتىپ، ءتىرى شوشقا شارۋاشىلىعىنىڭ توعىسا دامۋىن جەبەۋ؛ جاسىل بولۋدى بەتكە الىپ، كوپ ۇلگىدەگى ەكولوگيالىق شوشقا باعۋ شارۋاشىلىعىن دامىتىپ، ءناجىستى، لاس سۋدى بايلىققا اينالدىرىپ پايدالانۋ سالىستىرماسىن جوعارىلاتىپ، ءتىرى شوشقا شارۋاشىلىعىنىڭ قورشاعان ورتامەن سايكەسە دامۋىن جەبەپ، شينجياڭدى باتىس سولتۇستىك وڭىردەگى ماڭىزدى ءتىرى شوشقا ناسىلىمەن قامداۋ بازاسى جانە تاۋار شوشقا ءوندىرىس بازاسى ەتىپ قۇرىپ شىعۋ كەرەك.

  ءماجىلىس مىنانى اتاپ كورسەتتى: سەنىمدىلىكتى نەگىز ەتكەن جاڭاشا باقىلاۋ - باسقارۋ مەحانيزمىن ورناتۋ − سەنىمدىلىكتىڭ باقىلاۋ - باسقارۋ مەحانيزمىندە جاڭالىق اشۋ، باقىلاۋ - باسقارۋ قابىلەتى مەن ورەسىن جوعارىلاتۋ جاعىنداعى نەگىزدىك رولىن ساۋلەلەندىرىپ، بازار نەگىزگى تۇلعاسىنىڭ ومىرشەڭدىك كۇشىن اناعۇرلىم قوزداتىپ، جوعارى ساپالى دامۋدى جەبەۋ جونىنەن ماڭىزدى ءمان الادى. زاڭعا، ەرەجەگە ساي كەلۋ، رەفورما جاساۋ، جاڭالىق اشۋ، سايكەسىپ بىرگە باسقارۋ سىندى نەگىزگى پرينسيپ بويىنشا، سەنىمدىلىكتى باقىلاۋ - باسقارۋدى نىعايتۋدى كۇش سالۋ ءتۇيىنى ەتىپ، باقىلاۋ - باسقارۋ ۇستانىمىندا، باقىلاۋ - باسقارۋ تۇزىمىندە جانە باقىلاۋ - باسقارۋ تاسىلىندە جاڭالىق اشىپ، بازار نەگىزگى تۇلعاسىنىڭ تۇتاس تىرشىلىك پەريودىمەن ساباقتاسقان، ىستەن بۇرىنعى، ءىس بارىسىنداعى، ىستەن كەيىنگى تۇتاس باقىلاۋ - باسقارۋ بۋىنىن ۇشتاستىرعان جاڭاشا باقىلاۋ - باسقارۋ مەحانيزمىن ورناتىپ جانە ونى كەمەلدەندىرىپ، باقىلاۋ - باسقارۋ قابىلەتى مەن ورەسىن ۇزدىكسىز جوعارىلاتىپ، بازار ءتارتىبىن اناعۇرلىم جۇيەلىلەندىرىپ، ساۋدا ورتاسىن ساپالىلاندىرىپ، جوعارى ساپالى دامۋدى جەبەۋ كەرەك.

  ءماجىلىس تاعى باسقا دا جۇمىستاردى اقىلداستى.

جاۋاپتى رەداكتور : ءاننا اكىمقان قىزى