اعاجاي-التاي تورابى   ›   اقپارات ايدىنى   ›   شينجياڭ حابارلارى

”جۇڭگونىڭ جونگە سالۋى“ ءۇشىن شينجياڭ كۇشىن قوسامىز

”جۇڭگونىڭ جونگە سالۋى“ ءۇشىن شينجياڭ كۇشىن قوسامىز

− رايونىمىزداعى ءار ۇلت كادر - بۇقاراسى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن قىزۋ تالقىلادى

  ەلدى جونگە سالۋ ەرتەدەن قازىرگە دەيىنگى سانسىز مەملەكەتتى جونگە سالۋشىلار تىنباي تالپىنعان مۇرات ءارى جۇڭگو كوممۋنيستىك پارتياسىنىڭ جۇڭگو حالقىن باستاپ تالماي مۇرات ەتكەن تالپىنىسى.

  ەندى عانا جابىلعان پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلدادى، بۇل رايونىمىزداعى ءار ۇلت كادر - بۇقاراسى اراسىندا قىزۋ اڭىس قوزعادى.

  كوپشىلىك مىنالاردى ءبىلدىردى: پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”جۇڭگونىڭ جونگە سالۋى“نىڭ تىڭ ءورىسىن اشتى، ءسوز جوق، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ءتۇزىم سەنىمىن بەكەمدەپ، قاجىرلىلىقپەن ءورىس اشا ىلگەرىلەپ، اقىل - پاراساتتى، كۇش - قۋاتتى ۇيىستىرىپ، ءتۇزىم ارتىقشىلىعىن مەملەكەتتى جونگە سالۋ قۋاتىنا اناعۇرلىم ويداعىداي اينالدىرىپ، ”جۇڭگونىڭ جونگە سالۋى“ ءۇشىن شينجياڭ كۇشىن قوسامىز.

■ يدەيانى بىرلىككە كەلتىرىپ، ءتۇزىم سەنىمىن بەكەمدەيمىز

  ءتۇزىم − مەملەكەتتى ورنىقتىرۋدىڭ، ەلدى بەكەمدەۋدىڭ ءتۇبىرلى نەگىزى، ۇلى ىستەردى جۇزەگە اسىرۋدىڭ كەپىلى.

  ”جالپى ءماجىلىس ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى كوپ جاقتان كورنەكتى ابزالدىلىققا يە ەكەندىگىن باسا دارىپتەدى. بۇل ابزالدىلىقتار پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ عىلمي نازاريالارىنا تاباندى بولىپ، ساياسي ورنىقتىلىقتى ساقتاپ، مەملەكەتتىڭ قاشاندا سوتسياليزم بەتالىسىمەن العا باسۋىنا شىنايى كەپىلدىك ەتەتىن كورنەكتى ابزالدىلىعى سياقتى 13 جاقتى قامتيدى، ول ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى جونىندەگى ءبىر رەتكى عىلمي، جۇيەلى، وبيەكتيۆ جان - جاقتى قورىتىندى، جۇڭگوشا سوتسياليزم عىلمي ءتۇزىم جۇيەسىنىڭ ابزالدىلىعىن جان - جاقتى كورسەتتى، ول ءبىزدىڭ جۇڭگوشا سوتسياليزم جولى سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋىمىزدىڭ نەگىزگى دايەگى، رايونىمىزدىڭ ’شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى باياندى كوركەيتۋ‘دى ىشكەرىلەي ىلگەرىلەتۋىنە دە ايقىن باعدار كورسەتتى“، - دەدى اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى ابي سالام، ”ءبىز سەنىمدى بەكەمدەپ، اماليات بارىسىندا مەملەكەت ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن ويداعىداي ساۋلەلەندىرەمىز“.

  ءماجىلىس حالىقتىڭ قوجايىن بولۋ ءتۇزىم جۇيەسىنە تاباندى بولىپ جانە ونى كەمەلدەندىرىپ، سوتسياليستىك دەموكراتيالىق ساياسيدى دامىتۋ كەرەك دەپ العا قويدى. اۆتونوميالى رايوندىق حالىق قۇرىلتايىنىڭ ۋاكىلى ماينۇر ومار مىنالاردى ءبىلدىردى: حالىق قۇرىلتايى ءتۇزىمىنىڭ پارمەندى ومىرشەڭدىك كۇشكە جانە ايقىن ابزالدىلىققا يە بولۋىنداعى سەبەپتىڭ تەتىگى ونىڭ حالىقتىڭ اراسىنا تەرەڭ تامىر تارتىپ، ءتۇزىم جۇيەسى ارقىلى حالىقتىڭ قوجايىن بولۋىن قامتاماسىز ەتۋىندە. حالىق قۇرىلتايىنىڭ ۋاكىلى رەتىندە، ءسوز جوق، جالپى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق ءۇشىن ءۇن قاتىپ، دامۋ ءۇشىن اقىل - كەڭەس ۇسىنىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە كۇش قوسامىن.

  جالپى ءماجىلىس العا قويعان جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جالپى تۇلعالىق نىساناسىن جۇزەگە اسىرۋدا، حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى رەتىندەگى رولىن ويداعىداي ساۋلەلەندىرۋ − ماڭىزدى جولداردىڭ ءبىرى. اۆتونوميالى رايوندىق ساياسي كەڭەس كەڭسەسى زەرتتەۋ كەڭسەسىنىڭ ورىنباسار مەڭگەرۋشىسى زوۋ يانفىڭ مىنالاردى ءبىلدىردى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، سانالى تۇردە جالپى ءماجىلىستىڭ رۋحىن يدەيامەن، ارەكەتپەن بىرلىككە كەلتىرىپ، ءتۇزىم سەنىمىن ونان ارى بەكەمدەپ، بورىش ارقالاۋدى كۇشەيتىپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگىنە جانە ساياسي كەڭەس تۇزىمىنە ويداعىداي تاباندى بولامىن، ويداعىداي كەمەلدەندىرەمىن.

■ ىرىقتىلىقپەن ىسكەرلىك كورسەتىپ، جالپى ءماجىلىستىڭ رۋحىن دايەكتىلەندىرەمىز

  عاسىردا بولماعان ۇلى جاڭا جاعدايدا تۇرعاندا، ۇلتتىڭ گۇلدەنۋىنىڭ شەشۋشى ساتىندە، ءسوز جوق، رەفورمانى تەرەڭدەتۋ، جاڭالىق اشا دامۋ ارقىلى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جۇزەگە اسىرۋدى جەدەلدەتۋ كەرەك.

  اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي مىنالاردى ءبىلدىردى: جالپى ءماجىلىستىڭ رۋحىن ىشكەرىلەي ۇيرەنۋدە، دايەكتىلەندىرۋدە، تياناقتاندىرۋدا نازاردى شينجياڭ قىزمەتىنىڭ باس نىساناسىنا شوعىرلاندىرىپ، دامۋدى جاڭالىق اشۋ ارقىلى جەبەۋ ستراتەگياسىن اتقارىپ، جىبەك جولى ەكونوميكالىق بەلدەۋى جاڭالىق اشۋ ارقىلى دامۋدى جەبەۋ سىناق رايونىن، ءۇرىمجى - سانجى - شىحىزى دەربەس جاڭالىق اشۋدان ۇلگى كورسەتۋ رايونىن قۇرۋدى تۇتقا ەتىپ، عىلىم - تەحنيكادا جاڭالىق اشۋ مەن ءتۇزىلىس - مەحانيزمدە جاڭالىق اشۋدى جىلدام ىلگەرىلەتۋ كەرەك.

  ءۇرىمجى ەكونوميكالىق - تەحنيكالىق اشۋ رايوندىق (توۋتۇنحى رايونى) پارتكومىنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار باستىعى لي حىزۋ مىنالاردى ءبىلدىردى: اشۋ رايونى جالپى ءماجىلىس ورتاعا قويعان نىسانا - مىندەت بويىنشا ءتۇزىم تانىمىن اناعۇرلىم كۇشەيتىپ، ”ءبىر بەلدەۋ، ءبىر جول“ قۇرىلىسى سياقتى ماڭىزدى تاريحي ورايدى مىقتى يگەرۋ ارقىلى ءتۇزىلىس - مەحانيزم رەفورماسىن كۇش سالا تەرەڭدەتىپ، پارتيا قۇرىلىسىنىڭ ءتۇزىلىس - مەحانيزمى سياقتىلاردى اناعۇرلىم اقاۋسىزداندىرىپ، كەمەلدەندىرىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل جۇزەگە اسىرۋىمىز كەرەك.

  ”وسى بىرنەشە جىلدا قوعامدىق جونگە سالۋدا ۇزدىكسىز جاڭالىق اشۋعا، ورنىقتىلىقتىڭ پايداسىن ۇزبەي تاراتۋعا ىلەسە، شينجياڭ حالىقارالىق ۇلكەن بازارى كورىنىس رايونى ءبىر سەكىرىپ شينجياڭنىڭ ساياحات التىن تانىسقىسىنا اينالدى، بۇدان ءبىزدىڭ ىستەگەن سايىن كۇش - قۋاتىمىز تاسقىندادى“. ءۇرىمجى قالاسى تيانشان رايونى ۇلكەن بازار شاعىن رايونى باسقارۋ كوميتەتى ۇلكەن بازار الەۋمەتتىك اۋماعى پارتيا ياچەيكاسىنىڭ شۋجيى باي يۇنجيان: ”ءبىز، ءسوزسىز، جالپى ءماجىلىس رۋحىن قاز - قالپىندا نەگىزگى ساتىدا دايەكتىلەندىرىپ، تياناقتاندىرىپ، الەۋمەتتىك اۋماقتى جونگە سالۋدىڭ تىڭ جولى جونىندە ۇزدىكسىز ىزدەنىس جاسايمىز“، - دەدى.

■ اتقارۋدى كۇشەيتىپ، ءتۇزىمنىڭ قۋاتىن تاسقىنداتامىز

  ءتۇزىمنىڭ ومىرشەڭدىگى اتقارۋدا. رايونىمىزداعى ءار ۇلت كادرلارى مەن بۇقاراسى مىنانى ءبىلدىردى: ءتۇزىمنىڭ بەدەلىن باتىل قورعاپ، ءىس جۇزىندىكتى تياناق ەتىپ، ءتۇزىمدى ناقتاپ اتقارىپ، ساياساتتى تۇبەگەيلى تياناقتاندىرىپ، ءتۇزىمنىڭ رولىن مۇمكىندىكتىڭ بارىنشا تاسقىنداتامىز.

  بايىنعولين موڭعۇل اۆتونوميالى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى ياۋ شينچياڭ بىلاي دەدى: وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى، ءسوزسىز، جالپى ءماجىلىستىڭ رۋحىن باتىل دايەكتىلەندىرىپ، تياناقتاندىرىپ، ءىس جۇزىندىكتى تياناق ەتىپ، ساياحاتتى دامىتۋ وي جەلىسىن ايقىنداپ، كاسىپ سالاسى ءتۇزىم قۇرىلىسىن ارناعا ءتۇسىرىپ، ساياحات كاسىبىنىڭ جوعارى ساپالى دامۋىن ۇزدىكسىز ىلگەرىلەتەدى.

  جالپى ءماجىلىس بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ تۇزىمىنە تاباندى بولۋدى جانە ونى كەمەلدەندىرۋدى العا قويدى. قورعاس قالاسى قاراسۋ ءمالىسى پارتيا قىزمەت كوميتەتىنىڭ شۋجيى جوۋ حۇڭ مىنالاردى ءبىلدىردى: ءمالى تۇرعىنداردىڭ ”360 گرادۋس“ مادەنيەت ارەكەتىن باعالاۋدى اتقارىپ، جەكەلەردىڭ، وتباسىلارىنىڭ ءنومىرى قاتارىن تۇرعىزىپ، تۇرعىنداردىڭ قوجايىندىق تانىمىن قاۋلاتتى. بۇدان كەيىن مەن جالپى ءماجىلىستىڭ رۋحىمەن قىزمەت امالياتىنا جەتەكشىلىك ەتىپ، تۇرعىنداردىڭ ءوزىن جونگە سالۋىنىڭ جاڭا قوزعالىس ەنەرگياسىن ۇزدىكسىز تاسقىنداتىپ، ءمالىمىزدى اناعۇرلىم كوركەم دە جاراسىمدى ەتىپ قۇرامىز.

  ”قىستاقتا تۇراتىن ءبىرىنشى شۋجي رەتىندە، مەن جالپى ءماجىلىستىڭ رۋحىن مۇقيات ۇيرەنۋدى، دايەكتىلەندىرۋدى ءىس جۇزىندىك ارەكەتىمە اينالدىرامىن“. قىزىلسۋ قىرعىز اۆتونوميالى وبلىستىق پارتكوم ۇگىت ءبولىمىنىڭ اتۇش قالاسى ازاق اۋىلى مەيى قىستاعىندا تۇراتىن ءبىرىنشى شۋجيى مۇساجان نۇرلا: ”مەن قاشاندا ۋاقىتتى ۇتا بىلەتىن، ۋاقىتپەن جارىساتىن جاۋاپكەرشىلىك سەزىمدى، بورىشتىلىق سەزىمدى ساقتاپ، كەدەيلىكتەن ارىلتۋدان قامال الۋ، ۇلتتار ىنتىماعى سياقتى ءتۇرلى قىزمەتتى ويداعىداي يگەرىپ، بۇكىل قىستاقتاعىلاردى باستاپ پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىن“، - دەدى.

     (تىلشىلەرىمىز جاڭ يانفاڭ، فان حۇڭي، شيە حۇيبيان، ءجازيرا نەسىپبەك، جاۋ چۇنحۋا، ما ينيڭ، لياڭ ليحۋا، يۇي شي، تاڭ كاندۇڭ، حى ليڭ، ەرىكتى ءتىلشى جاڭ يىنبو جازعان)

جاۋاپتى رەداكتور : ءاننا اكىمقان قىزى