اعاجاي-التاي تورابى   ›   مادەنيەت ارناسى   ›   دەنساۋلىق

قالامپىردى دامدەۋىش رەتىندە قولدانۋدىڭ 5 سەبەبى

  قالامپىردى دامدەۋىش رەتىندە قولدانۋدىڭ 5 سەبەبى

  قالامپىر ءزىمبىر نەمەسە دارشىن سياقتى تانىمال ەمەس، بىراق دەنساۋلىق پەن سۇلۋلىققا پايداسى جاعىنان ولاردان كەم تۇسپەيدى. قالامپىردى تاماققا قوسۋدىڭ پايدالى تۇستارىن ۇسىنامىز.

  1. قالامپىر قانداعى قانت دەڭگەيىن قالپىنا كەلتىرەدى

  زەرتتەۋلەر بويىنشا، قالامپىردى دامدەۋىش رەتىندە تاماققا ۋاقىتىلى قولدانعان ادامداردىڭ بىرتىندەپ گليۋكوزا دەڭگەيى قالپىنا كەلەتىنى بايقالعان. عالىمدار ونىڭ قۇپياسىن قالامپىر قۇرامىنداعى مارگانەتسپەن تۇسىندىرەدى.

  2. قالامپىر – انتيوكسيدانتتار كوزى

  وسىمدىكتەر مەن دامدەۋىشتەر ــ انتيوكسيدانتتاردىڭ كەرەمەت كوزى، ونىڭ ىشىندە قالامپىر ۇزدىكتەرىنىڭ بىرىنە جاتادى. انتيوكسيدانتتار جاستىقتىڭ نەگىزگى "قورعاۋشىلارى". ولار تەرى جاسۋشالارىن السىرەتەتىن بوس راديكالداردى بەيتاراپسىزداندىرادى. زەرتتەۋلەر قالامپىردىڭ انتيوكسيدانتتىق قاسيەتتەرى قاۋىپتى ىسىكتەردىڭ الدىن الاتىنىن دالەلدەدى. سوندىقتان اۋرۋلاردىڭ الدىن الۋ ماقساتىندا قالامىپردى تاماققا ءجيى قولدانۋ كەرەك.

  3. قالامپىر ءتىس اۋرۋىن جەڭىلدەتەدى

  XIII عاسىردىڭ وزىندە قالامپىردى اۋىز قۋىسىنىڭ اۋىرسىنۋىن باسۋعا قولدانعان. وعان سەبەپشى – ونىڭ قۇرامىنداعى ەۆگەنول زاتى. سوندىقتان كۇندەلىكتى ءتىس تازارتۋعا قۇرامىندا ەۆگەنولى بار نەمەسە قالامپىر سىعىندىسى بار ءتىس پاستاسىن قولدانۋعا بولادى. ءتىسىڭىز قاتتى اۋىرسا، قالامپىردان مىناداي ءدارى جاساۋعا بولادى: اينەك ىدىسقا 0،5 شاي قاسىق قالامپىر ۇنتاعىن 0،5 شاي قاسىق كوكوس مايىمەن ارالاستىرىڭىز. وسى قوسپانى ءتىس ششەتكامەن اۋىرعان تىسكە سالىڭىز. ونى كۇنىنە 3 رەت جاساۋعا بولادى.

  4. قالامپىر مارگانەتسكە باي

  قالامپىر ـــ مارگانەتستىڭ نەگىزگى كوزى. مارگانەتس كالتسيمەن بىرگە سۇيەكتەر مەن بۋىندار دەنساۋلىعىنا جاۋاپ بەرەدى. مارگانەتس سۇيەك ءتىنىنىڭ تۇزىلۋىنە قاتىسادى جانە سۇيەكتەر تىعىزدىعىن ارتتىرادى.

  5. قالامپىر يممۋندى جۇيەنى كوتەرۋگە كومەكتەسەدى

  قالامپىر بىزگە جۇقپامەن كۇرەسۋگە كومەكتەسەتىن لەيكوتسيتتەر مولشەرىن ارتتىرادى.

جاۋاپتى رەداكتور : ءاننا اكىمقان قىزى