اعاجاي-التاي تورابى   ›   زاڭ-تارازى   ›   تارازى

3 تاراۋ ازىق - تۇلىك، ءدارى - دارمەك حاۋىپسىزدىگىندەگى «تورتتە بارىنشا قاتاڭ بولۋدى» تياناقتاندىرىپ، زاڭعا قايشى ارەكەتتە جەكە تۇلعالارعا دەيىن جازالاماق

  ءتىلشىنىڭ 10 - ايدىڭ 17 - كۇنى ەڭ جوعارى حالىق پروكۋراتۋراسىنىڭ اقپار جاريالاۋ ماجىلىسىنەن ۇعىسۋىنشا، ەڭ جوعارى حالىق پروكۋراتۋراسى، مەملەكەتتىك بازار باقىلاۋ - باسقارۋ باس مەكەمەسى، مەملەكەتتىك ءدارى - دارمەك باقىلاۋ - باسقارۋ مەكەمەسى 2019 - جىلى 9 - ايدان 2020 - جىلى 12 - ايعا دەيىن بۇكىل ەل كولەمىندە «ازىق - تۇلىك، ءدارى - دارمەك حاۋىپسىزدىگىندەگى ‹تورتتە بارىنشا قاتاڭ بولۋدى› تياناقتاندىرۋ» ارناۋلى قيمىلىن بىرلەسىپ ورىستەتىپ، زاڭ بويىنشا قاتاڭ سوققى بەرۋدە تاباندى بولىپ، زاڭعا قايشى ارەكەتتەردە جەكە تۇلعالارعا دەيىن جازالاۋدى ۇيعارعان. بۇدان سىرت، ەڭ جوعارى حالىق پروكۋراتۋراسى تاعى دا «بۇكىل ەلدەگى پروكۋراتۋرا ورگاندارىنىڭ، بازار باقىلاۋ - باسقارۋ تاراۋلارىنىڭ، ءدارى - دارمەك باقىلاۋ - باسقارۋ تاراۋلارىنىڭ ازىق - تۇلىك، ءدارى - دارمەك حاۋىپسىزدىگىندە ‹تورتتە بارىنشا قاتاڭ بولۋ› تالابىن تياناقتاندىرۋداعى ارناۋلى ارەكەت قىزمەت جوباسىن» جاريالادى. «قىزمەت جوباسىندا» مىنالار دارىپتەلدى: ازىق – تۇلىك، ءدارى – دارمەك سالاسىنداعى ازاماتتىق ىستەر الەۋمەتتىك يگىلىك ارىز – شاعىمىنداعى جازالاۋ سيپاتىندىق تولەم ءتۇزىمىن ورناتۋ جونىندە ىزدەنىس جاساپ، زاڭعا قايشىلىق جاساۋشىلاردىڭ زاڭعا قايشى وزىندىك قۇنىن ارتتىرىپ، زاڭعا قايشىلىق جاساپ قىلمىس وتكىزگەندەردىڭ تولەۋگە شاماسى كەلمەيتىن بوداۋ بەرۋىنە مۇمكىندىك جاساۋ كەرەك.
 

  وسى رەتكى اقپار جاريالاۋ ءماجىلىسىن ەڭ جوعارى حالىق پروكۋراتۋراسىنىڭ اقپارات مالىمدەمەشىسى شياۋ ۋەي باسقاردى. ەڭ جوعارى حالىق پروكۋراتۋراسى پروكۋرورلار القاسىنىڭ مۇشەسى، 4 - پروكۋراتۋرا مەڭگەرمەسىنىڭ باستىعى جىڭ شينجيان، مەملەكەتتىك بازار باقىلاۋ - باسقارۋ باس مەكەمەسى زاڭ اتقارۋدى تەكسەرۋ مەكەمەسىنىڭ باستىعى ياڭ حۇڭسان، مەملەكەتتىك ءدارى - دارمەك باقىلاۋ - باسقارۋ مەكەمەسى ساياسات، زاڭ - ەرەجە مەڭگەرمەسىنىڭ ورىنباسار باستىعى ۋ لييا اقپار جاريالاۋ ماجىلىسىنە قاتىناستى ءارى تىلشىلەردىڭ سۇراۋىنا جاۋاپ بەردى.

جاۋاپتى رەداكتور : ءاننا اكىمقان قىزى