اعاجاي-التاي تورابى   ›   اقپارات ايدىنى   ›   شينجياڭ حابارلارى

حيلۇڭجياڭ ولكەسىنىڭ ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

  ءتىلشىمىز شيە حۇيبيان 10 - ايدىڭ 18 - كۇنى كوكتوعايدان حابارلايدى. 10 - ايدىڭ 14 - كۇنىنەن 16 - كۇنىنە دەيىن، حيلۇڭجياڭ ولكەلىك پارتكومنىڭ ورىنباسار شۋجيى چىن حايبو حيلۇڭجياڭ ولكەسىنىڭ ۋاكىلدەر ۇيىرمەسىن باستاپ شينجياڭعا كەلىپ، شينجياڭعا باعىتتامالى كومەكتەسۋ قىزمەتى جونىندە تەكسەرۋ - زەرتتەۋ جۇرگىزىپ، ەكى جەردىڭ سەلبەستىگىن، اۋىس - كۇيىسىن ىلگەرىلەتتى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اڭگىمە ماجىلىسكە جانە قاتىستى قيمىلدارعا قاتىناستى.

  10 - ايدىڭ 15 - كۇنى تۇستەن بۇرىن، حيلۇڭجياڭ . التاي جانە بيڭتۋان 10 - شىسىنىڭ باعىتتامالى كومەكتەسۋ قىزمەت اڭگىمە ءماجىلىسى 10 - شىنىڭ بەيتۇن قالاسىندا وتكىزىلدى. چىن حايبو مىنالاردى ءبىلدىردى: شينجياڭعا باعىتتامالى كومەكتەسۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى مازمۇنى، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ستراتەگيالىق شاراسى. ءبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شينجياڭعا كومەكتەسۋ قىزمەتىن اناعۇرلىم ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن كۇش - قۋاتىمىزدى ارناۋىمىز كەرەك.

  چىن حايبو بىلاي دەپ باسا دارىپتەدى: جاڭا داۋىردەگى شينجياڭعا باعىتتامالى كومەكتەسۋ قىزمەتى جاڭا جاعدايعا، جاڭا تالاپقا ءدوپ كەلۋدە، ساياسي دەڭگەيدى اناعۇرلىم جوعارىلاتىپ، شينجياڭعا كومەكتەسۋ قىزمەتىن كەلەلى ساياسي مىندەت ەتىپ، وسكەلەڭ ساياسي سانالىلىق جانە ارەكەت سانالىلىعى ارقىلى ءتۇرلى قىزمەت مىندەتتەرىنىڭ تياناقتانۋىن ءۇرتىس ويداعىداي يگەرۋ كەرەك. شينجياڭعا كومەكتەسۋ قىزمەتىنىڭ جوعارى ساپالى دامۋدى جۇزەگە اسىرۋىن ءۇرتىس ىلگەرىلەتىپ، ءتۇرلى قىزمەت شارالارىنىڭ دالمە - ءدال اتقارىلۋىنا شىنايى كەپىلدىك ەتىپ، ۇلتتاردىڭ ارالاسۋىن، ىشتەسۋىن، توعىسۋىن كۇش سالا جەبەۋ كەرەك. حالىق تۇرمىسىن جاقسارتۋدى ماڭىزدى ءتۇيىن ەتۋگە تاباندى بولىپ، ”قان بەرۋ“ مەن ”قان جاساۋ“دىڭ بايلانىسىن ويداعىداي يگەرىپ، كاسىپ ارقىلى شينجياڭعا كومەكتەسۋ، مادەنيەت، وقۋ - اعارتۋ ارقىلى شينجياڭعا كومەكتەسۋ، اقىل - پاراسات ارقىلى شينجياڭعا كومەكتەسۋ تەبىنىن ارتتىرىپ، كەدەيلەردى دالمە - ءدال سۇيەمەلدەۋ ۇلگىسىندە جاڭالىق اشۋدى تەرەڭدەتىپ، كومەككە يە بولعان جەرلەردىڭ قان جاساۋ يقۋاتىن كۇشەيتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە كۇش ۇستەۋ كەرەك. حيلۇڭجياڭ ولكەسىنىڭ 3 - توپتاعى شينجياڭعا باعىتتامالى كومەكتەسۋ قىزمەتىنىڭ سوڭعى قىزمەتتەرىن باستان - اياق ويداعىداي جاقسى ىستەپ، وسكەلەڭ جاۋاپكەرشىلىك سەزىممەن جانە بورىشتىلىق سەزىممەن جوبالاۋ - اتقارۋ جانە نىسان قۇرىلىسى مىندەتىن ويداعىداي ورىنداپ، كەلەسى كەزەكتى شينجياڭعا كومەكتەسۋ قىزمەتى ءۇشىن بەرىك نەگىز قالاۋ كەرەك.

  نۇرلان ءابىلماجىن بىلاي دەپ اتاپ كورسەتتى: حيلۇڭجياڭ ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە ايرىقشا ءمان بەرىپ، شىنايى يگەرىپ، ناقتى ىستەۋگە تاباندى بولىپ، شىن سەزىم، ادال نيەتتەرىن ارناپ، التاي ايماعىنىڭ جانە بيڭتۋان 10 - شىسىنىڭ ءتۇرلى ىستەرىنىڭ دامۋىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ ءۇشىن ماڭىزدى ۇلەس قوستى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، 7 - كەزەكتى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن جاپپاي دايەكتىلەندىرىپ، تۇلعالىق جاۋاپكەرشىلىكتى باتىلدىقپەن ارقالاپ، كەدەيلىكتەن ارىلتۋدان قامال الۋ، كادر - دارىندىلار ارقىلى شينجياڭعا كومەكتەسۋ، كاسىپ ارقىلى شينجياڭعا كومەكتەسۋ، حالىق تۇرمىسىن قامتاماسىزداندىرۋ جانە ونى جاقسارتۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ سياقتى جاقتارعا نازاردى شوعىرلاندىرا وتىرىپ كۇش سالىپ، شينجياڭعا كومەكتەسۋ باسىمدىعىنان ويداعىداي پايدالانىپ، ۇزدىك تاجىريبەلەردى ۇيرەنىپ، ناقتى ىستەر سەلبەستىگىن تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتكەن جۇڭگوشا سوتسياليستىك شينجياڭدى قۇلشىنا قۇرۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين اڭگىمە ءماجىلىستى باسقاردى.

  شينجياڭداعى كەزىندە، حيلۇڭجياڭ ولكەسىنىڭ ۋاكىلدەر ۇيىرمەسى التاي قالاسىنداعى، كوكتوعاي اۋدانىنداعى، بۋرىلتوعاي اۋدانىنداعى، شىڭگىل اۋدانىنداعى جانە بيڭتۋان 10 - شىسى بەيتۇن قالاسىنداعى شيپاحانالارعا، مەكتەپتەرگە، اۋىل - قىستاقتارعا بارىپ، شينجياڭعا كومەكتەسۋ نىساندارىنىڭ ىلگەرىلەتىلۋ جاعدايىن تەكسەردى، كەدەي وتباسىلارىنان احۋال ۇعىسىپ، حال سۇرادى، حيلۇڭجياڭ ولكەسىنەن شينجياڭعا كومەكتەسۋگە كەلگەن كادر - دارىندىلارعا امانداستى، حال سۇرادى.

  بيڭتۋان پارتكومىنىڭ تۇراقتى مۇشەسى، ورىنباسار سىليڭيۋان ياۋ شينمين جوعارىداعى قيمىلدارعا قاتىناستى.

جاۋاپتى رەداكتور : ءاننا اكىمقان قىزى