اعاجاي-التاي تورابى   ›   اقپارات ايدىنى   ›   شينجياڭ حابارلارى

”شينجياڭداعى دۇنيە جۇزىلىك مادەنيەت مۇرا ورىندارىن قورعاۋ جانە پايدالانۋ“ جونىندە اقىلداسىپ، ۇكىمەت ىستەرىنە كەڭەس بەردى

اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن وتكىزدى

  ”شينجياڭداعى دۇنيە جۇزىلىك مادەنيەت مۇرا ورىندارىن قورعاۋ جانە پايدالانۋ“ جونىندە اقىلداسىپ، ۇكىمەت ىستەرىنە كەڭەس بەردى

  ءتىلشىمىز لي ياڭ 10 - ايدىڭ 8 - كۇنى ۇرىمجىدەن حابارلايدى. 10 - ايدىڭ 8 - كۇنى تۇستەن بۇرىن اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن وتكىزىپ، ”شينجياڭداعى دۇنيە جۇزىلىك مادەنيەت مۇرا ورىندارىن قورعاۋ جانە پايدالانۋ“ جونىندە اقىلداسىپ، ۇكىمەت ىستەرىنە كەڭەس بەردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.

  ءماجىلىس الىس ارالىقتى كەڭەسۋ ءتاسىلى ارقىلى اۆتونوميالى رايوندىق ساياسي كەڭەس ورگانىنىڭ نەگىزگى ءماجىلىس ورنىن جانە 14 ايماق، وبلىس، قالالىق ساياسي كەڭەستىڭ بولىمشە ءماجىلىس ورنىن قۇرىپ، ماجىلىسكە قاتىناسۋشىلارمەن بەينەەكران ارقىلى اڭگىمەلەستى. ماجىلىسكە قاتىناسۋشى 11 ۋاكىل نەگىزگى تاقىرىپتى ارقاۋ ەتىپ، ءىس جۇزىندىكپەن بىرلەستىرە وتىرىپ، سۇيەمەلدەۋ تەبىنىن كۇشەيتۋ، مادەني ەسكەرتكىشتەردىڭ ”مادەني ەسكەرتكىش ارقىلى تاريحتى دالەلدەۋ“ رولىن ساۋلەلەندىرۋ، مادەنيەت پەن ساياحاتتى توعىستىرۋدى جەبەۋ، جالپىلىق اقپارات قۇرالدارىنان پايدالانۋ ادىسىنەن پايدالانىپ ۇگىتتى كۇشەيتۋ، مادەنيەت مۇرالارىن قورعاۋدى جانە زەرتتەۋدى كۇشەيتۋ سياقتى جاقتاردان ۇسىنىس - پىكىر بەردى. كوپشىلىك بىلاي دەپ قارادى: سوڭعى جىلدارى اۆتونوميالى رايوندىق پارتكوم مەن ۇكىمەت مادەنيەت مۇرالارىن قورعاۋ جانە پايدالانۋ قىزمەتىنە باسا ءمان بەرىپ، شينجياڭداعى مادەنيەت مۇرالارىن زەرتتەۋ، قورعاۋ جانە پايدالانۋ تەبىنىن بارىنشا ارتتىرىپ، كورىنەرلىك تابىسقا قول جەتكىزدى. ءىشىنارا مۇشەلەر مىناداي ۇسىنىس بەردى: ساياسي دەڭگەيدى جوعارىلاتىپ، مادەنيەت مۇرالارىن قورعاۋ، پايدالانۋ قىزمەتىن ويداعىداي ىستەۋدە جاۋاپكەرشىلىك سەزىمدى، كوكەي تەستىلىك سەزىمدى كۇشەيتۋ؛ تۇتاس تۇلعالىق جوسپارلاۋدى كۇشەيتىپ، تۇيىنمەن جالپى جاقتى بىرلەستىرىپ، بۇكىل رايوندى قامتىعان مادەنيەت مۇرالارىن قورعاۋ جوسپارى جۇيەسىن قالىپتاستىرۋ؛ زەرتتەۋ تەبىنىن ارتتىرىپ، قورعاۋ شارالارىن تياناقتاندىرىپ، مادەنيەت مۇرالارىنىڭ شىن فاكت، تاريحي دالەلدىك رولىن تولىق ساۋلەلەندىرۋ؛ باسقارۋ قابىلەتىن ءوسىرىپ، كاسىپتىك دارىندىلار قوسىنىن قۇرۋ، كۇشەيتۋ؛ ءتۇزىم قۇرىلىسىن نىعايتىپ، ۇگىت قىزمەتىن كۇشەيتىپ، دۇنيە جۇزىلىك مادەنيەت مۇرالارىن جاندى پايدالانۋ كەرەك.

  نۇرلان ءابىلماجىن سوزىندە مىنانى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، شينجياڭداعى دۇنيە جۇزىلىك مادەنيەت مۇرالارىن قورعاۋ قىزمەتىن ويداعىداي ىستەۋدىڭ ماڭىزدى ءمانىن تولىق تانىپ، مادەنيەت مۇرالارى ورىندارىن قورعاۋدى جانە پايدالانۋدى شىنايى كۇشەيتىپ، جۇڭحۋانىڭ تاڭداۋلى، ءداستۇرلى مادەنيەتىنىڭ جاندانۋىن، جالعاسۋىن، سىرتقا شىعارىلۋىن ىلگەرىلەتىپ، مادەنيەت مۇرالارىن سويلەتىپ، تاريحتى سويلەتىپ، شينجياڭداعى ءار ۇلت حالقىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ىشكەرىلەي ورناتۋعا، ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتىپ، ”بەستى شىنايى مويىنداۋ“دى كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا باستاۋ كەرەك.

  نۇرلان ءابىلماجىن مىنانى اتاپ كورسەتتى: وسى رەتكى ءماجىلىستى ويداعىداي اشۋ ءۇشىن، مۇشەلەر مەن قاتىستى مامان - وقىمىستىلار مۇقيات ۇيرەنۋ، ىشكەرىلەي تەكسەرىپ - زەرتتەۋ جۇرگىزۋ نەگىزىندە، شينجياڭداعى دۇنيە جۇزىلىك مادەنيەت مۇرالارى ورىندارىنىڭ ماڭىزدى ورنى مەن ەرەكشە ءمانى جونىندەگى تۇسىنىك، تانىمدارىن تەرەڭدەتىپ، قۇندى، ۇتىمدى ۇسىنىس - پىكىرلەردى ورتاعا سالىپ، يدەيالىق اۋىس - كۇيىس جاساۋ، تانىمدى تەرەڭدەتۋ، ماسەلەلەردى زەرتتەۋ، قىزمەتتى ىلگەرىلەتۋ ماقساتىنا جەتتى. ماجىلىستە قالىپتاسقان ورتاق تانىم مەن ۇسىنىس - پىكىرلەردى جيناقتاپ، رەتتەپ دەر كەزىندە جوعارىعا مالىمدەۋ، كەڭەسۋدىڭ ناتيجەسىن بارىنشا كادەگە جاراتۋ كەرەك.

  اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامىزا، ءمۇتاللىپ وبۇل، يىلھام سابىر ماجىلىسكە قاتىناستى. اۆتونوميالى رايوندىق ساياسي كەڭەستىڭ ورىنباسار ءتوراعاسى، قوسىمشا باس حاتشى جاڭ بو نەگىزگى تاقىرىپتا ءسوز سويلەدى. اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىلارى قاتىستى جاعدايلاردى تانىستىردى، اۆتونوميالى رايوندىق حالىق ۇكىمەتىنىڭ قاتىستى جاۋاپتىلارى ماجىلىسكە قاتىناسۋشىلاردىڭ ۇسىنىس - پىكىرلەرىنە جاۋاپ قايتاردى.

جاۋاپتى رەداكتور : ءاننا اكىمقان قىزى