اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«1 ـ قازان» كەزىندە ايماعىمىز جيىنى ءبىر ميلليون 510 مىڭ ادام ـ رەت ساياحاتشى قابىلدادى

  التاي گازەتىنىڭ ءتىلشىسى حۋ جۇنشيۋ حابارلايدى. التىن كۇزدەگى التايدا الۋان گۇلدەر جايناپ، ورمان ـ توعايدا قۇستار سايراپ، ءبىر جىلداعى ساياحاتتىڭ قاۋىرت مەزگىلى جەتىپ كەلدى. ساناققا قاراعاندا، 10 ـ ايدىڭ 1 ـ كۇنىنەن 7 ـ كۇنىنە دەيىن ايماق ءبىر ميلليون 510 مىڭ ادام ـ رەت ساياحاتشى قابىلداپ، ساياحاتتىڭ جالپى تۇتىنۋى ءبىر ميلليارد 776 ميلليون يۋانعا جەتىپ، بىلتىرعى سول تۇستاعىدان جەكە ـ جەكە %21.77 جانە %35.13 ارتتى، مۇنىڭ ىشىندە قاناس كورىنىس رايونى 565 مىڭ 100 ساياحاتشى قابىلداپ، ساياحاتتىڭ جالپى تۇتىنىمى 678 ميلليون يۋانعا جەتىپ، بىلتىرعى سول تۇستاعىدان %29.7 جانە %37.92 ارتتى؛ كوكتوعاي كورىنىس رايونى 211 مىڭ 400 ادام ـ رەت ساياحاتشى قابىلداپ، ساياحاتتىڭ جالپى تۇتىنىمى 254 ميلليون يۋانعا جەتىپ، ۇقساس مەزگىلدەگىدەن جەكە ـ جەكە %49 جانە %52 ارتقان.

  «1 ـ قازان» كەزىندە قاناس، قوم، كوكتوعاي سياقتى كورىنىس رايوندارىنىڭ كۇزگى كورىنىسى شينجياڭنىڭ ءىشى ـ سىرتىنداعى ساياحاتشىلاردىڭ ەرەكشە قارسى الۋىنا يە بولىپ، جەر ـ جەردەگى فوتو سۋرەت اۋەسكەرلەرى كوركەم التاي كورىنىسىن اپپارات كوزى ارقىلى ەستەلىككە الدى. 10 ـ ايدىڭ 3 ـ كۇنى ءبىر كۇندە قاناس كورىنىس رايونى 112 مىڭ ادام ـ رەت ساياحاتشى قابىلدادى. سونىمەن بىرگە، توڭكەرىستىك ساياحات بايلىعى بار كوكتوعاي كورىنىس رايونى قابىلداعان ساياحاتشى ءۇرتىس ارتتى. جەر ـ جەردەگى ساياحاتشىلار كوكتوعاي مەملەكەتتىك كەن باقشاسىنان توڭكەرىستىك تاريحتى ۇعىسىپ، وتانشىلدىق اندەردى بىرگە شىرقاپ، پارتياعا كىرۋ سەرتىن، پارتيانىڭ شۇعىلالى تاريحى مەن شۇعىلالى ساتتەرىن جانە اعا بۋىنداردىڭ سۇبەلى ەڭبەگىن ەسكە الىپ، وتانشىلدىق جانە توڭكەرىستىك تاريحي تاربيەنى قابىلداپ، جاڭا جۇڭگو قۇرىلعاندىعىنىڭ 70 جىلدىعىن بىرگە قۇتتىقتادى.

  10 ـ ايدىڭ 7 ـ كۇنى «باتىس تەرىستىكتەگى ءبىرىنشى اق قايىڭ ورمانى» اتالعان قابا اۋدانىنىڭ اق قايىڭ كورىنىس رايونىندا «2019 ـ جىلعى قاباداعى قايىڭدى ورمانداعى مارافون» قيمىلى وتكىزىلىپ، ەلىمىزدىڭ جەر ـ جەرىنەن كەلگەن 2000 ساياحاتشى مارافون اكەلگەن شاتتىقتان ءلاززات الدى.

  تاياۋ جىلداردان بەرى، ايماق اۆتونوميالى رايوننىڭ ساياحات ارقىلى شينجياڭدى گۇلدەندىرۋ ستراتەگياسىن اتقارۋ ورايىن مىقتى يگەرىپ، «ساياحات كاسىبىن نەگىزگى تۇلعا ەتۋ، 1 ـ كاسىپتى جەتەلەۋ، 2 ـ كاسىپتى سۇيەمەلدەۋگە» تاباندى بولىپ، 1 ـ كاسىپ پەن 2 ـ كاسىپتى ارقاۋ ەتىپ، شەكارا قورعانىس ساياحاتى، قورشاعان ورتانى قورعاۋ ساياحاتى، قار شاڭعى ساياحاتى، التىن، اسىل تاس، قاس تاسى ساياحاتى جانە ۇلتتىق سالت ـ سانا، مادەنيەت ساياحاتىن قالىپتاستىرىپ، ساياحاتتىڭ جوعارى ساپالى دامۋىن ىلگەرىلەتتى.

  ساياحات بازارى ءتارتىبىنىڭ ورنىقتىلىعىنا كەپىلدىك ەتۋ ءۇشىن، بيىل ايماقتىڭ ساياحات تاراۋلارى «حاۋىپسىز، ءتارتىپتى، ساپالى، ءونىمدى بولۋداي» ءتورت ءبىر تۇتاس دەمالىستاعى ساياحات قىزمەت نىساناسى بويىنشا، مەرەكە كەزىندەگى ساياحاتتى سايكەستىرۋ مەحانيزمىن دەر كەزىندە ىسكە قوسىپ، ساياحات بازارى، قاتىناس ـ تاسىمال، حاۋىپسىزدىكتى قامتاماسىزداندىرۋ، ساپانى باقىلاپ ـ باسقارۋ، تۇتىنۋعا جەتەكشىلىك ەتۋ سياقتى قىزمەتتەردى كۇش سالا ويداعىداي ىستەدى. «1 ـ قازان» مەزگىلىندە ساياحاتتاۋ، تاماقتانۋ، جاتىن ورىن قاتارلى ءارقايسى بۋىندار ءتارتىپتى، مەرەكە ورتاسى جاراسىمدى، تاتۋ ـ ءتاتتى بولىپ، «حاۋىپسىزدىك شىرعالاڭى تۋىلماۋ» نىساناسىن جۇزەگە اسىردى.

جاۋاپتى رەداكتور : ءاننا اكىمقان قىزى