اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قوعامنىڭ ٴار سالاسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بايلانىسىمەن وتكىزىلگەن سالتاناتتى پاراتتى القادى

  التاي گازەتىنىڭ ٴتىلشىسى ياڭ ۋيشۋان، ەرىكتى تىلشىلەر شۇي ميڭيۋان، يان يان حابارلايدى. «تۋ شىعارۋ سالتىنا قاتىناسقاننان كەيىن، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ اسكەري پاراتىن كورىپ، ەرەكشە اسەرەلەندىم. وسى ٴبىر ۇلى داۋىردە، وسىنداي ٴبىر ٴىرى ەلدە تۋىلعاندىعىمدى ماقتانىش سەزىنەمىن» ـ دەدى ايماقتىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ كادرى رىن جيان.

  مەملەكەتتىك ەلەكتر تورى التاي توكپەن قامداۋ سەرىكتەستىگى قالا رايونىن توكپەن قامداۋ ورتالىعىنىڭ قاريدارلارعا قىزمەت وتەۋشى ديرەكتورى شىن جىفىڭ بىلاي دەدى: «اسكەري پارات وتە ايبىندى بولدى، ەرەكشە اسەر الدىم. ەلىمىز ۇلى گۇلدەنۋ سىندى داڭعىل جولعا قادام باستى، قالاقۇرىلىسى كۇن سايىن كەمەلدەندى، اۋىل ـ قىستاق قۇرىلىسى دا بارعان سايىن جاقسارىپ، وقۋ ـ اعارتۋ، عىلىم ـ تەحنيكا، ەمدەۋ قاتارلى جاقتاردا كۇن سايىن ۇقساماعان جەتىستىكتەرگە جەتتى. وسىنداي ٴبىر گۇلدەنىپ ـ كوركەيگەن، قۇدىرەتتى ەلدە تۋىلعانىمدى ماقتانش ەتەمىن. جۇڭحۋا ۇلاندارىنىڭ ۇزدىكسىز قۇلشىنۋىندا ‹جۇڭگو ارمانىنىڭ›، ٴسوزسىز، جۇزەگە اساتىندىعىنا كامىل سەنەمىن».

  التاي قامسىزداندىرۋ، بانكە سالاسىن باقىلاۋ ـ باسقارۋ بولىمشە مەكەمەسى كادرلار ٴىسى ٴبولىمىنىڭ كادرى ليۋ چياننيڭ بىلاي دەدى: «كەشە تاڭەرتەڭ مەكەمەدەگى قىزمەتتەستەرمەن بىرلىكتە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بايلانىسىمەن وتكىزىلگەن اسكەري پاراتتى كورىپ، كوزىمە ىستىق جاس الىپ، ەرەكشە تەبىرەندىم. ەلىمىزدىڭ بارعان سايىن قۇدىرەتتەنىپ، اسكەري ىستەرىنىڭ بارعان سايىن دامىعانىن سەزىندىم. جۇڭحۋا ۇلاندارىنىڭ تالىقپاي قۇلشىنعانىن سەزىندىم. قامسىزداندىرۋ، بانكە سالاسىن باقىلاۋ ـ باسقارۋ سالاسىنىڭ كادرى بولعان مەن فينانىس ارقىلى شەكارانى قورعاۋداي قىزمەت جاۋاپكەرلىگىمدى جالعاستى ويداعىداي ادا ەتىپ، وتانشىلدىق سەزىم مەن ٴىس جۇزىندىك ارەكەتىم ارقىلى ٴوزىمىنىڭ ارمانشىل ادام ەكەنىمدى دالەلدەيمىن».

  «46 جىلدىق پارتيا ىستاجىم بار پارتيا مۇشەسىمىن، اسكەري پاراتتى كورگەننەن كەيىن، كوپكە دەيىن اسەرلى كوڭىل كۇيىمدى باسا المادىم. 70 جىلدىق بوران ـ شاشىندى باستان وتكىزىپ، 70 جىل بويى ۇدەرە العا تارتتىق، ەلىمىز ەكونوميكاسىنىڭ بارعان سايىن دامۋىن، حالقىنىڭ بارعان سايىن باي ـ باقىتتى تۇرمىس كەشىرۋىن، مەملەكەت قۋاتىنىڭ بارعان سايىن كۇشەيۋىن تىلەيمىن، وتانىممەن ماقتانامىن» ـ دەدى التاي قالالىق قوعام حاۋىپسىزدىگى مەكەمەسىنىڭ زەينەتكەرى ياڭ زىچي.

  شينجياڭ التاي بولىمشە اسكەري رايونىنىڭ وفيتسەر ـ اسكەرلەرى اسكەري پاراتتىڭ تىكە تارالىمىن كوردى.«ەرىكتىلەر مارىشى» شىرقالعان كەزدە زالدا وتىرعان وفيتسەر ـ اسكەرلەر حالىق اسكەري ٴبولىمىنىڭ ايبىندى قۇدىرەتىن سەزىنىپ، قىزۋ شاپالاق سوقتى. التاي بولىمشە اسكەري رايونى ساياسي قىزمەت ٴبولىمىنىڭ مەڭگەرۋشىسى تان حايشىڭ تەبىرەنە بىلاي دەدى: «70 جىلدان بەرى، ەلىمىز ەرەكشە دامۋ ساپارىن باستان وتكىزىپ، جۇڭحۋا ۇلتى ۇلى گۇلدەنۋگە قاراي ارشىندى قادام تاستادى، ەلىمىزدىڭ ەرتەڭىنىڭ، ەلىمىزدىڭ كەلەرگى 70 جىلىنىڭ ٴتىپتى دە جاقسى بولاتىندىعىنا كامىل سەنەمىن».

  التاي قالالىق 3 ـ ورتالاۋ مەكتەپ پارتيا باس ياچەيكاسىنىڭ ورىنباسار شۋجيى يىن تاۋ بىلاي دەدى: «70 جىلدىڭ الدىندا، بەس مىڭ جىلدىق شۇعىلالى تاريحقا يە بايىرعى ەل جاڭا ومىرشەڭدىك كۇشكە يە بولدى. 70 جىلدىق ساپار بارىسىندا، جۇڭگو كوممۋنيستىك پارتياسىنىڭ باسشىلىعىندا، جۇڭحۋا الىپ ايداعارى ۇزدىكسىز ەڭسە كوتەرىپ، ارت ـ ارتىنان كەرەمەتتەر جاراتىپ، ٴار جاقتاعى قۇرىلىستا دۇنيەنى جالت قاراتقان تابىسقا قول جەتكىزدى. پارتيالى وقىتۋشى بولعان مەن قىزمەتىمدى جالعاستى ويداعىداي ىستەپ، پارتياعا كىرۋ سەرتىمدى ٴىس جۇزىندىك ارەكەتىم ارقىلى ايگىلەپ، وقۋ ـ اعارتۋدا قۇدىرەتتى ەل قۇرۋعا، وقۋ ـ اعارتۋدىڭ وسىزاماندانۋىن ىلگەرىلەتۋگە، حالىق رازى بولاتىن وقۋ ـ اعارتۋدى گۇلدەندىرۋگە كۇش ـ قۋاتىمدى ارنايمىن».

  ايماقتىق اكىمشىلىك مەكەمەسى كەڭسەسى پارتيا ياچەيكاسىنىڭ ورىنباسار شۋجيى پان حۋافىڭ بىلاي دەدى: «پارتيا مەن مەملەكەتتىڭ قارت قىزىل ارمياسى، قارت پارتيا مۇشەلەرى، ارداگەرلەرى 70 قايراتتانا العا ۇمتىلىپ، بۇگىنگى بەيبت، تىنىش، گۇلدەنگەن جۇڭگونى بارلىققا كەلتىردى، ٴبىزدىڭ العا باسپاۋعا، كەيۋگە قاقىمىز جوق. وتانىمىزدىڭ بولاشاقتا اناعۇرلىم قۇدىرەتتى، التايدىڭ ەرتەڭىنىڭ اناعۇرلىم كوركەم بولۋىن تىلەيمىن»

جاۋاپتى رەداكتور : ءاننا اكىمقان قىزى