اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ماسەلەنى قاداعالاپ، رەتكە سالىپ تۇزەتۋدى مىقتى يگەرىپ، حالىقتىڭ قيىنشىلىعىن شىنايى شەشتى

  التاي گازەتىنىڭ ءتىلشىسى جۇڭ چۇنچۇن، ەرىكتى ءتىلشى يان يۇنشيا حابارلايدى. «اۋەلگى ماقساتتى ۇمىتپاي، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلگەننەن بەرى، ايماقتىق مۇگەدەكتەر بىرلەستىگى مۇگەدەكتەرگە تيىمدىلىك جاساۋ، مۇگەدەكتەرگە كومەكتەسۋ ساياساتىن تۇبەگەيلى تياناقتاندىرىپ، ناقتى قىزمەتتى شىعار ءتۇيىن ەتىپ، ماسەلەنى جەتەكشى ەتۋگە تاباندى بولىپ، ماسەلەنى رەتكە ساپ تۇزەتىپ، مۇگەدەكتەر ەرەكشە اڭىس ەتكەن ماسەلەلەردى شەشتى.

  ۇعىسۋعا قاراعاندا، مۇگەدەكتەر قاۋىمى ەرەكشە اڭىس ەتكەن «كومەكشى اسپاپتىڭ دالمە ـ ءدال بولۋى» جانە «مۇگەدەكتەردىڭ جەكەلەي كاسىپ كوزىن اشۋ نىسانى» قاتارلى ماسەلەلەرگە قاراتا نەگىزگى تاقىرپتىق تاربيەمەن بىرلەستىرىپ، ايماقتىق مۇگەدەكتەر بىرلەستىگىندەگى پارتيا مۇشەلەرى مۇگەدەكتەر قاۋىمىمەن ەتەنە سىرلاس بولىپ، كەڭ كولەمدە پىكىر جيناپ، ماسەلەنىڭ ءتۇپ تامىرىن ىزدەپ، وڭاۋ ءتاسىلىن دالمە ـ ءدال تاۋىپ، ماسەلەنى قاداعالاپ، رەتكە سالىپ تۇزەتۋدى مىقتى يگەردى.

  ايماقتىق مۇگەدەكتەر بىرلەستىگى مۇگەدەكتەردىڭ جەكەلەي كاسىپ كوزىن اشۋداعى قارجى جەتىسپەۋ ماسەلەسىنە قاراتا، مۇگەدەكتەردىڭ جەكەلەي كاسىپ كوزىن اشۋ قوسىمشا قاراجاتىن اتقارۋ ءادىسى جانە قىزمەت گراپپاسىن بەلگىلەپ، 10 ـ ايدىڭ سوڭىنا دەيىن نىساندى تياناقتاندىرۋعا كۇش سالادى. بۇل نىسان اتقارىلعاننان كەيىن، ايماقتىق مۇگەدەكتەر بىرلەستىگى ايماعىمىزداعى75 جەكەلەي كاسىپ كوزىن اشۋشى مۇگەدەكتەرگە 150مىڭ يۋان قوسىمشا قاراجات تاراتىپ، مۇگەدەكتەردى كاسىپتەنۋگە شابىتتاندىرىپ، ولاردىڭ ٴوندىرىس ـ تۇرمىس دەڭگەيىن جوعارىلاتادى.

  نەگىزگى تاقىرپتىق تاربيەنى ورىستەتۋ بارىسىندا ايماقتىق مۇگەدەكتەر بىرلەستىگى ماسەلەنى جەتەكشى ەتۋگە تاباندى بولىپ، ۇيرەنە ءجۇرىپ وزگەرتىپ، بۇقارالىق كوزقاراس، بۇقارالىق لۋشياندى يدەياعا تەرەڭدەي سىڭىرىپ، ناقتى ارەكەتپەن تياناقتاندىردى. بۇقارالىق قىزمەتتى ورىستەتۋگە 10 پارتيا مۇشەسىن نەگىزگى ساتىعا جىبەرىپ، ۋاقىتتىق ەكى پارتيا گرۋپپاسىن قۇرىپ، اي سايىن بۋىرىلتوعاي اۋدانى جەتارال قالاشىعى الماباق قىستاعىنداعى 32 مۇگەدەك قىستاق تۇرعىندارىنا ەرىكتى قىزمەت وتەدى.

  ايماقتىق مۇگەدەكتەر بىرلەستىگى پارتگۋرپپاسىنىڭ شۋجيى، باس القاسى جاڭ حۇڭمەي تىلشىگە: «ەرىكتى قىزمەت وتەۋدى تىڭعىلىقتى ورىستەتۋ ءۇشىن، ەرىكتى قىزمەت وتەۋ بارىسىندا ءبىز الماباق قىستاعىنداعى مۇگەدەكتەردى ساۋىقتىرۋ قىزمەت وتەۋ پۋنكتىنە سۇيەنىپ، قول ـ اياعى مۇگەدەك تۇرعىندارعا باعىتتاي وتىرىپ ساۋىقتىرۋ قىزمەتىن ورىستەتتىك. قول ـ اياعى مۇگەدەك 2 ادامعا ساۋىقتىرۋعا جەتەكشىلىك قىزمەتىن جۇرگىزدىك ءارى وتباسى تۇرمىس ورتاسى مەن ساۋىقتىرۋدىڭ ونىمدىلىگىن بىرلەستىرە وتىرىپ، ىشكەرىلەي ساۋىقتىرۋ جوباسىن جاساپ، ولاردىڭ كۇندەلىك تۇرمىستا ساۋىقتىرۋ جاتتىعۋىن كۇشەيتىپ، تۇرمىس ساپاسىن جاقسارتۋىنا شابىت بەردىك» ـ دەدى.

  سونىمەن بىرگە، ايماقتىق مۇگەدەكتەر بىرلەستىگىندەگى پارتيا مۇشەلەرىنەن قۇرالعان ەرىكتى قىزمەت وتەۋ اترەتى كورۋ، سويلەۋ، ەستۋ مۇشەلەرىندە اقاۋ بار وتباسىلارىن ارالاپ حال سۇراۋ جانە ساياسات ۇگىتتەۋ قيمىلىن جۇرگىزىپ، بۇقارالىق قىزمەتتى ناقتى تياناقتاندىردى، حالىق بۇقاراسىنا تىكەلەي قىزمەت وتەۋ بارىسىندا ۇيرەنىپ، ستيلدە بۇرىلىس جاساپ، ءىس جۇزىندىك ارەكەتتەرى ارقىلى اۋەلگى ماقسات پەن بورىشتى امالياتتا ايگىلەدى.

  جاڭ حۇڭمەي تىلشىگە: «بۇدان كەيىن ءبىز جالعاستى ۇيرەنۋ مەن امالياتتى ۇشتاستىرىپ، مۇگەدەكتەرگە تيىمدىلىك جاساۋ، مۇگەدەكتەرگە كومەكتەسۋ ساياساتىن ويداعىداي تياناقتاندىرىپ، مۇگەدەكتەردى وقىتۋ، كاسىپتەندىرۋ، كەدەيلىكتەن ارىلتۋ، قوعامدىق قامتاماسىزداندىرۋ قىزمەتىن تىڭعىلىقتى ورىستەتىپ، مۇگەدەكتەردىڭ تابىس سەزىمى مەن باقىت سەزىمىن شىنايى كۇشەيتەمىز» ـ دەدى.

جاۋاپتى رەداكتور : ءاننا اكىمقان قىزى