اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي تاۋى جۇڭگوشا دارىلىك ءشوپ مۇراجايى رەسمي اشىلدى

التاي گازەتىنىڭ ءتىلشىسى جۇڭ چۇنچۇن حابارلايدى. 9 ـ ايدىڭ 28 ـ كۇنى التاي تاۋى جۇڭگوشا دارىلىك ءشوپ مۇراجايى اشىلۋ سالتىن وتكىزىپ، قوعامعا اقىسىز اشىق ۇستالدى. ايماقتىق پارتكومنىڭ ورىنباسار شۋجيى، ۇگىت ءبولىمىنىڭ باستىعى دۋجاۋحۇي اشىلۋ سالتىنا قاتىناستى.

اشىلۋ سالتىندا دۋ جاۋحۇي بىلاي دەدى: «التاي تاۋى جۇڭگوشا دارىلىك ءشوپ مۇراجايىنىڭ سالىنىپ بولىپ، ىسكە قوسىلۋى ايماعىمىزدىڭ جۇڭگوشا دارىلىك ءشوپتى ولشەمدەندىرۋ قۇرىلىسىنىڭ تىڭ دامۋ ساتىسىنا قادام تاستاعاندىعىنان دەرەك بەرەدى. ايماعىمىزدىڭ جۇڭگوشا شيپاگەرلىك، ءدارى ـ دارمەك كاسىبىنە مۇراگەرلىك ەتىپ، جۇڭگوشا شيپاگەرلىك، ءدارى ـ دارمەك، ۇلتىق شيپاگەرلىك، ءدارى ـ دارمەك مادەنيەتىن ساۋلەلەندىرۋدە بەلسەندى رول ويناپ، ايماعىمىزدىڭ ساياحات كاسىبىنىڭ گۇلدەنۋىن ـ دامۋىن جەبەپ، ساياحات قالاسىنىڭ تىڭ وبرازىن جاراتۋعا سەپتىگىن تيگىزەدى. سونىمەن بىرگە، جۇڭگوشا دارىلىك ءشوپ مۇراجايىنىڭ قىزمەت رولىنىڭ ورنىن ءداپ باسىپ تاۋىپ، وزىندىك ابزالدىلىعىن تولىق ساۋلەلەندىرىپ، التايدىڭ جۇڭگوشا شيپاگەرلىك، ءدارى ـ دارمەك كاسىبىنىڭ دامۋىن جالعاستىرىپ، كاسىپتىك دارىندىلاردى ۇيرەنۋ ورتاسىمەن قامداپ، حالىق بۇقاراسىنىڭ جۇڭگوشا دارىلىك ءشوپ بىلىمدەرىنە دەگەن تۇسىنىگىن ۇزدىكسىز تەرەڭدەۋىن، ونى التايدىڭ جۇڭگوشا شيپاگەرلىك، ءدارى ـ دارمەك مادەنيەتىن زەرتتەيتىن اۋىس ـ كۇيىس ورتالىعىنا، التايدىڭ سىرتقى ۇگىتىن جەبەۋدىڭ تەرەزەلىگىنە اينالدىرىپ، التايدىڭ مادەنيەت ساياحاتىنىڭ دامۋى ءۇشىن زور ۇلەس قوسۋىن ءۇمىت ەتەمىن».

ۇعىسۋعا قاراعاندا، التاي تاۋى جۇڭگوشا دارىلىك ءشوپ مۇراجايى  ءشوپ ءدارى ۇلگىسى، جۇڭگوشا ءشوپ ءدارى جاساۋ، جۇڭگوشا ءشوپ دارىلەرىن ءوندىرۋ، اشۋ شوعىرلى ءبىرتۇلعالاندىرىلعان ۋنيۆەرسال مۇراجاي ەكەن. يەلەگەن جەر اۋماعى 10 مىڭ شارشى مەتر، قۇرىلىس اۋماعى 1700 شارشى مەترگە جەتكەن. بۇل مۇراجايدا جيىنى 3 كورمە زالى بار،  وعان دارىگە پايدالاناتىن وسىمدىك سۋرەتىنەن 500 نەشەسى، بالاۋىزدان جاسالعان وسىمدىك ۇلگىسىنەن 400 نەشەسى، قۇمىراعا شىلانعان وسىمدىك ۇلگىسىنەن 120 نەشەسى جانە 300 نەشە ناقتى زات ۇلگىسى قويىلعان. جۇڭگوشا دارىلىك ءشوپتىڭ سىرتقى  ءپىشىنى، ءوسىپ ـ جەتىلۋ ورتاسى مەن گۇلى، جەمىسى، تامىرى، تۇقىمىنىڭ دارىلىككە پايدالاناتىن ءبولىمى تانىستىرىلعان. سونىمەن بىرگە، ايماعىمىزداعى اۋدانداردا (قالادا) وسىرىلگەن جاسىل ءتۇستى ەكولوگيالىق، جوعارى سورتتى دارىلىك ءشوپ ماتەريال ءونىمى، ايماعىمىزداعى ايگىلى كاسىپورىندار، ءدارى زاۆودتارى، التاي ايماعىنداعى ءدارى ماتەريالىن شيكىزات ەتىپ مانەرلەنگەن ونىمدەر ايگىلەنگەن.

جاۋاپتى رەداكتور : ءاننا اكىمقان قىزى