اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«1-قازان» التىن اپتالىعىندا تازالىق جۇمىسشىلارى قىزمەت ورنىندارىنان تاپجىلمادى

  «1-قازان» التىن اپتالىعىندا تازالىق جۇمىسشىلارى قىزمەت ورنىندارىنان تاپجىلمادى

  ءوز ءتىلشىمىز قۇرمانگۇل جەڭىسبەك قىزى حابارلايدى. «1-قازان» التىن اپتالىعىندا، ادامدار جاقسىلاپ تىنىققىسى كەلەدى، كەيبىرەۋلەر ساياحاتقا شىعۋعا، كەيبىرەۋلەر كوشە ارالاپ زات ساتىپ الۋعا شىعادى، جۇرتتىڭ ءبارى ۇزاق دەمالىسىن كوڭىلدى وتكىزۋدىڭ قامىنا كىرىسكەندە ورتا تازالىعى جۇمىسشىلارى جول بويى ۋاقىتپەن جارىسىپ، قوقىر-قوقسىقتى دەر كەزىندە تازالاۋعا كەپىلدىك ەتىپ، قالا تۇرعىندارىنا تازا دا جايلى تاماشا ورتا ازىرلەيدى.

  كۇزگى تەڭەلۋ كەزىندە، جەر بەتى جاپىراقتارعا تولىپ، ورتا تازالىعى جۇمىسشىلارىنىڭ قىزمەت سالماعى اۋىرلادى. ونىڭ ۇستىنە مەملەكەت مەرەكەسىنىڭ ۇزاق دەمالىسىندا ادام كوپ بولاتىندىقتان، ولار ءتىپتى دە قاربالاستىققا ءتۇستى. ادامدار جايلى ورتادان يگىلىكتەنۋمەن بىرگە، ماڭايىنداعى ورتا تازالىعى جۇمىسشىلارىنا ٴارقاشان كوڭىل ٴبولۋى، ولاردى ٴتۇسىنۋى جانە ايالاۋى كەرەك.

  التاي قالاسىنداعى ورتا تازالىعى جۇمىسشىسى ۋاڭ يۇيجيە بىلاي دەدى: «دەمالىس كۇندەرى قىزمەت ورنىندا بولامىز، شارشاپ-شالدىققانىمىزبەن ىشتەي كوڭىلدى بولامىز، ويتكەنى بيىل جاڭا جۇڭگو قۇرىلعاندىعىنىڭ 70 جىلدىعى، ال بۇگىن مەملەكەت مەرەكەسى، قۋانىشتى كۇن، قالانىڭ اجارلاندىرۋشىسى بولعان ءبىز تازا دا جانعا جايلى قالا ورتاسىن جاراتۋعا بورىشتىمىز جانە جاۋاپكەرشىلىگىمىز، وتانىمىزدىڭ ٴتىپتى دە گۇلدەنىپ-كوركەيۋىن تىلەيمىز».

  اۋدارعان: ءاننا اكىمقان قىزى

جاۋاپتى رەداكتور : ءاننا اكىمقان قىزى