اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي قالاسىنىڭ قاتىناس ساقشىلارى مەملەكەت مەرەكەسىندە مىندەت وتەپ، قىزمەت ورنىندارىندا تاپجىلماي، اماندىقتى ساقتادى

  التاي قالاسىنىڭ قاتىناس ساقشىلارى مەملەكەت مەرەكەسىندە مىندەت وتەپ، قىزمەت ورنىندارىندا تاپجىلماي، اماندىقتى ساقتادى

  ءوز ءتىلشىمىز جۋ داندان حابارلايدى. مەملەكەت مەرەكەسى كەزىندە، جول قاتىناس شىرعالاڭىنىڭ تۋىلۋىنان ٴونىمدى ساقتانۋ جانە ازايتىپ، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەزىندەگى جول حاۋىپسىزدىگى جاعدايىنىڭ ۇزدىكسىز ورنىقتى بولۋىنا كەپىلدىك ەتۋ ءۇشىن التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىندەگىلەر قىزمەت ورنىنان تاپجىلماي بۇكىل قالانىڭ جول قاتىناسىنىڭ حاۋىپسىز، ىركىلىسسىز بولۋىن قامتاماسىزداندىردى.

  مەملەكەت مەرەكەسى كەزىندە التاي قالالىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى اۆتوموبيل، ادام كوپ جۇرەتىن جولداردا جول وڭاي توسىلىپ قالاتىندىقتان، مىندەتىن ويداعىداي اتقارىپ، جول قاتىناس حاۋىپسىزدىگىن قورعاپ، حالىق بۇقاراسىنىڭ قاتىناس حاۋىپسىزدىگىنە كەپىلدىك ەتتى.

  10-ايدىڭ 1-كۇنى، التاي قالاسىنىڭ ٴارقايسى ورىندارى مەن الەۋمەتتىك اۋماقتارىنداعى تۋ شىعارۋ تۇيىندەرىندە ادام كوپ بولدى. التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ ءتارتىپ ساقتاۋ ورتا اترەتىندەگى حالىق ساقشىلارى تاڭەرتەڭگى ساعات 7 دەن باستاپ قىزمەت وتەدى. حالىق ساقشىسى چين گاڭ بىلاي دەدى: «جاڭا جۇڭگو قۇرىلعاندىعىنىڭ 70 جىلدىعىن قۇتتىقتاپ جاتقان ساليقالى ساتتە ٴبىز قىزمەت ورنىمىزدان تاپجىلماي، قاتىناسقا ويداعىداي جەتەكشىلىك ەتىپ، قالا تۇرعىندارىنىڭ ٴجۇرىس-تۇرىسىنىڭ حاۋىپسىزدىگىنە كەپىلدىك ەتەمىز».

  ۇعىسۋعا قاراعاندا، قاتىناس شىرعالاڭىنىڭ تۋىلۋىنان ٴونىمدى ساقتانۋ جانە ونى ازايتۋ ٴۇشىن، التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى جۇمىستى ۇيلەسىمدى ورنالاستىرىپ، جول باسقارۋ، مەڭگەرۋدى كۇشەيتىپ، تۇراقتى قورعانىس ٴتۇيىنى مەن شارلاۋ، مىندەت وتەۋدى ٴوزارا ۇشتاستىرىپ، قاراستى رايونداعى جولداردا مىندەت وتەپ، قىزمەت ونىمدىلىگىن ارتتىردى، ۇلكەن اترەت مەرەكە كەزىندە جۇرگىنشىلەر مەن اۆتوكولىكتەردىڭ كوبەيۋ جاعدايىن ەسكەرىپ جولاۋشىلار بەكەتىنە بارىپ، اۆتوكولىكتىڭ بەكەتتەن شىعۋ وتكەلىن شىنايى يگەرىپ، حاۋىپسىز قاتىناس ٴتارتىبىن قورعاپ، اۆتوكولىكتى حاۋىپسىز، وركەنيەتتى جۇرگىزۋگە كەپىلدىك ەتتى.

  التاي قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ ورىنباسار باستىعى ۋان شين بىلاي دەدى: «ٴبىز وتكەن جىلعى قىزمەت تاجىريبەلەرىنەن ۇلگى الىپ، قىزمەت وي جەلىسىن دەر كەزىندە رەتتەپ، جاۋاپكەرشىلىكتى تياناقتاندىرىپ، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ، قاتىناس حاۋىپسىزدىگىن قورعاۋ قىزمەتىن ٴتۇرلى شارالاردى قاتار قولدانىپ بەلسەنە ورنالاستىردىق. سونىمەن بىرگە مەرەكە كەزىندە قاتىناس حاۋىپسىزدىگى جونىندەگى ۇگىتتى كۇشەيتىپ، ۇلكەن اترەت ‹ميكرو ساقشى ىستەرى› تۇعىرىنان پايدالانىپ، مەملەكەت مەرەكەسىندە ‹ەكىنى جاريالاپ، ٴبىردى ەسكەرتۋ› تالابىن ورىنداپ، قاتىناس شىرعالاڭىنىڭ تۋىلۋىنان ٴونىمدى ساقتاندىق جانە ونى ازايتتىق.

  اۋدارعان: ءاننا اكىمقان قىزى

جاۋاپتى رەداكتور : ءاننا اكىمقان قىزى