اعاجاي-التاي تورابى   ›   اقپارات ايدىنى   ›   ماڭىزدى حابارلار

جۇڭحۋا حالىق رەسپۋبليكاسىنىڭ مەملەكەت وردەنىمەن جانە مەملەكەت داڭق اتاعىمەن ماراپاتتاۋ سالتى بەيجيڭدە سالتاناتپەن وتكىزىلدى

جۇڭحۋا حالىق رەسپۋبليكاسىنىڭ مەملەكەت وردەنىمەن جانە مەملەكەت داڭق اتاعىمەن ماراپاتتاۋ سالتى بەيجيڭدە سالتاناتپەن وتكىزىلدى

  شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەن، مەدال بەردى ءارى ماڭىزدى ءسوز سويلەدى

  لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، ۋاڭ چيشان قاتىناستى، ۋاڭ حۋنيڭ باسقاردى

  9 - ايدىڭ 29 - كۇنى جۇڭحۋا حالىق رەسپۋبليكاسىنىڭ مەملەكەت وردەنىمەن جانە مەملەكەت داڭق اتاعىمەن ماراپاتتاۋ سالتى بەيجيڭدەگى حالىق سارايىنىڭ جينسى زالىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەن، مەدال بەردى ءارى ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  9 - ايدىڭ 29 - كۇنى جۇڭحۋا حالىق رەسپۋبليكاسىنىڭ مەملەكەت وردەنىمەن جانە مەملەكەت داڭق اتاعىمەن ماراپاتتاۋ سالتى بەيجيڭدەگى حالىق سارايىنىڭ جينسى زالىندا سالتاناتپەن وتكىزىلدى. شي جينپيڭ قاتارلى پارتيا مەن مەملەكەتتىڭ باسشىلارى مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىمەن بىرگە ەستەلىك سۋرەتكە ءتۇستى. □ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

  شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى (تىلشىلەر زوۋ ۋي، حۋاڭ يۋە). جۇڭحۋا حالىق رەسپۋبليكاسىنىڭ مەملەكەت وردەنىمەن جانە مەملەكەت داڭق اتاعىمەن ماراپاتتاۋ سالتى 9 - ايدىڭ 29 - كۇنى تۇستەن بۇرىن بەيجيڭدەگى حالىق سارايىنىڭ جينسى زالىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەن، مەدال بەردى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: قاھارماندى قادىرلەگەندە عانا قاھارماندار شىعادى، قاھارمان بولۋعا تالپىنعاندا عانا قاھارماندار تولاسسىز جارىققا شىعادى. قاھارمان ۇلگىلەر ءوز ارەكەتتەرىمەن ۇلىلىقتىڭ قاراپايىمدىلىقتان تۋىندايتىنىن، قاراپايىمدىلىقتان ۇلىلىق تۋاتىنىن قايتالاي دالەلدەدى. تەك مىعىم مۇرات - سەنىم، قاجىماس كۇرەسكەرلىك رۋح بولىپ، نىق قاداممەن ءاربىر جاي ءىستى ويداعىداي ىستەي بىلسە، بارلىق جاي ادامداردىڭ بارلىعى وزگەشە ومىرگە يە بولادى، بارلىق جاي قىزمەتتىڭ بارلىعىنان وزگەشە جەتىستىك جاراتۋعا بولادى.

  شي جينپيڭ بىلاي دەپ باسا دارىپتەدى: بارلىق ۇلى جەتىستىك جالعاستىرا كۇرەس جۇرگىزۋدىڭ ناتيجەسى، بارلىق ۇلى ءىس الدىڭعىلاردىڭ ءىزىن باسىپ، بولاشاققا جول اشۋ بارىسىندا ىلگەرىلەتۋدى قاجەت ەتەدى. جاڭا ءداۋىردىڭ زور ءىس تىندىرۋعا بولاتىن ءداۋىر ەكەنى ءشۇباسىز. بۇكىل پارتيا، بۇكىل ەلدەگى ءار ۇلت حالقى قاھارمان ۇلگىلەردەي تاباندى بولىپ، قاھارمان ۇلگىلەردەي كۇرەس جۇرگىزىپ، جاڭا داۋىردەگى حالىق رەسپۋبليكاسىنىڭ ايبىندى جەڭىس جىرىن بىرگە جازۋى كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان ماراپاتتاۋ سالتىنا قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ باسقاردى.

  ساعات 9 مولشەرىندە، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى قوناقتار كولىگىنە توپتىق وتىرىپ، تۇرعان جەرلەرىنەن جولعا شىعىپ، مەملەكەت قوناقتارىن قورعاۋ اترەتىنىڭ قورعاۋىندا حالىق سارايىنا قاراي بەت الدى. حالىق سارايىنىڭ شىعىس قاقپاسىنىڭ سىرتىندا قىزىل تۋدى بيىك ۇستاعان قۇرمەت قاراۋىلى جولدىڭ ەكى جاعىنا بولىنە قاتار تۇزەدى، مىلتىق اسىنعان قۇرمەت قاراۋىلى باسپالداقتا ايبىندى تۇردە تاپجىلماي تۇردى، جاستار مەن ورەندەر ىستىق ىنتامەن الاقايلاپ قۇرمەت ءبىلدىردى. مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى قىزىل كىلەمدى بويلاي باسپالداقپەن جوعارى كوتەرىلىپ، حالىق سارايىنىڭ شىعىس قاقپاسىنا كىردى. پارتيا مەن مەملەكەتتىڭ وردەنمەن، داڭقپەن ماداقتاۋ - سيلاۋ قىزمەت كوميسسياسىنداعى باسشى جولداستار وسى ارادا ولاردى توپتىق قارسى الدى.

  حالىق سارايىنىڭ جينسى زالى دۋماندى دا ايبىندى بەينەگە شومدى. قىزىل ءتۇستى الىپ ارتقى كورىنىستىك تاقتاداعى رەسپۋبليكا وردەنى، دوستىق وردەنى، مەملەكەت داڭق اتاعى مەدالىنىڭ ورنەگى جارقىراپ تۇردى. ارتقى كورىنىستىك تاقتا الدىنا كوزگە شوقتاي باسىلاتىن 18 بەس جۇلدىزدى قىزىل تۋ ەكى جاققا بولىنە قويىلدى، ازاتتىق ارميا قۇرمەت قاراۋىلىنىڭ 18 ەر تۇلعالى قۇرمەت قاراۋىلى وردەن الۋ تۇعىرىنىڭ ەكى جاعىنا مىلتىقتارىن سەرت ۇستاپ، قاسقايا تۇردى.

  ساعات 9دان 58 مينۋت وتكەندە، شات مەرەيلى مۋزيكا ۇنىمەن شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىمەن ءماجىلىس زالىنا بىرگە كىرگەندە، تۇتاس زالداعىلار ورىندارىنان تۇرىپ، قىزۋ شاپالاق سوقتى.

  ساعات 10دا، ماراپاتتاۋ سالتى باستالدى. ازاتتىق ارميانىڭ اسكەري وركەسترى «ەرىكتىلەر مارشىن» ورىندادى، تۇتاس زالداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  ۋاڭ حۋنيڭ شي جينپيڭ قول قويعان جۇڭحۋا حالىق رەسپۋبليكاسى ءتوراعاسىنىڭ بۇيرىعىن وقىدى. ءتوراعا بۇيرىعىندا مىنالار اتاپ كورسەتىلدى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ، جاڭا جۇڭگونىڭ قۇرىلىسى مەن دامۋىنا كورنەكتى ۇلەس قوسقان، ەڭبەك سىڭىرگەن ۇلگىلى قايراتكەرلەردى سالتاناتپەن ماداقتاۋ - سيلاۋ، ۇلت رۋحىن جانە ءداۋىر رۋحىن اسقاقتاتۋ ءۇشىن، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 13 - ءماجىلىسىنىڭ قارارىنا ساي، يۇي مين قاتارلى 8 ادام رەسپۋبليكا وردەنىمەن ماراپاتتالدى، راۋل كاسترو رۇز قاتارلى 6 ادام دوستىق وردەنىمەن ماراپاتتالدى، يە پەيجيان سياقتى 28 ادام مەملەكەت داڭق اتاعىمەن ماراپاتتالدى.

  2 تۋ قورعاۋشى بەس جۇلدىزدى قىزىل تۋدى بيىك ۇستاپ، 3 قۇرمەت قاراۋىلى رەسپۋبليكا وردەنىن، دوستىق وردەنىن جانە مەملەكەت داڭق اتاعى مەدالىن قولدارىنا الىپ، نىق قاداممەن سالت وتەتىن ناق مايدانىنا كىردى.

  ايبىندى دا اسەرلى «وتانعا قۇرمەت» مۋزيكاسىمەن شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەندى، مەدالدى ءبىر - بىردەن تارتۋ ەتتى ءارى ولارمەن ىقىلاسپەن قول الىسىپ، قۇتتىقتادى، تۇتاس زالدا قىزۋ شاپالاق ءۇنى تولاستامادى. پيونەرلەر وسى ەڭبەك سىڭىرگەن ۇلگىلى قايراتكەرلەرگە جايناعان گۇل شوقتارىن ۇسىنىپ، سالەم بەرىپ، قۇرمەت ءبىلدىردى.

  تۇتاس زالدا كوتەرىلگەن قىزۋ شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن پارتيا ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇگىن رەسپۋبليكا وردەنىنە جانە مەملەكەت داڭق اتاعىنا يە بولعان قاھارمان ۇلگىلەردى، دوستىق وردەنىنە يە بولعان حالىقارالىق دوستاردى قىزۋ قۇتتىقتاپ، ولارعا وسكەلەڭ قۇرمەت ءبىلدىردى.

     شي جينپيڭ بىلاي دەپ اتاپ كورسەتتى: بۇگىن ماداقتالىپ - سيلانعان مەملەكەت وردەنى مەن مەملەكەت داڭق اتاعىنىڭ يەگەرلەرى پارتيا مەن حالىقتىڭ ءىسى ءۇشىن ۇلەس قوسقان سان - ساناقسىز ەگەي قايراتكەرلەردىڭ ۋاكىلدەرى. ولاردىڭ تۇلا بويىنان جۇڭحۋا ۇلتىنىڭ رۋحى جانە سوتسياليستىك وزەكتى قۇن كوزقاراسى جاندى تۇردە ايگىلەندى، ولاردىڭ ىزگى ىستەرى مەن ۇلەستەرى رەسپۋبليكانىڭ تاريحىنا ماڭگى جازىلادى.

  شي جينپيڭ بىلاي دەپ باسا دارىپتەدى: پارتيا مەن مەملەكەت ەجەلدەن قاھارمان ۇلگىلەردى ماداقتاپ - سيلاۋعا ايرىقشا ءمان بەرىپ كەلەدى. بۇگىن ءبىزدىڭ ەڭ جوعارى مارتەبەمەن قاھارمان ۇلگىلەردى ماداقتاپ - سيلاۋىمىزدىڭ ماقساتى دا ولاردىڭ بويىندا ايگىلەنگەن ادالدىق، تاباندىلىق، قاراپايىمدىلىق سىندى ايقىن قاسيەتتەردى اسقاقتاتۋ بولىپ تابىلادى. قاھارمان ۇلگىلەردىڭ بارلىعى پارتيا مەن حالىقتىڭ ىستەرى ءۇشىن العا قويعان ماقساتتان تايماي، قانشاما ساتسىزدىككە جولىقسا دا العان بەتىنەن قايتپادى، بارلىعى پارتيا مەن حالىق ەڭ قاجەت ەتەتىن جەردە اتوي سالىپ، شەپ بۇزىپ، قايسارلىقپەن ايانباي كۇرەستى، بارلىعى جاي قىزمەت ورنىندا ءوزىن ۇمىتا قىزمەت ىستەپ، قالتقىسىز ۇلەس قوستى، ولاردىڭ ىشىندەگى كوپتەگەن جولداستار اتى - ءجونىن جاسىرىپ كۇللى دۇنيەنى ءدۇر سىلكىنتكەن ىستەردى ىستەگەندەردىڭ تيپتەرى، ولار وزىمەن مۇلدە ساناسپايتىن ءبىر ءتۇرلى ۇلى دەڭگەيدى ايگىلەدى. ماداقتالىپ سيلانعان جولداستاردىڭ داڭقتى قاستەرلەپ، كۇش ۇستىنە كۇش جالعاپ، باتىل نانىممەن، ۇستانىممەن، سەنىممەن اناعۇرلىم كوپ ادامعا يگى ىقپال جاساۋىن ءۇمىت ەتەمىن. ءار دارەجەلى پارتكوم مەن ۇكىمەت قاھارمان ۇلگىلەرگە ءمان بەرىپ، كوڭىل ءبولىپ، قامقورلىق جاساپ، بۇكىل قوعامنىڭ قاھارمانداردى ارداقتاۋىن، قاھارمانداردان ۇيرەنۋىن ىلگەرىلەتىپ، ناقتى ارەكەتتەرىمەن ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش قوسۋ كەرەك.

  شي جينپيڭ بىلاي دەپ اتاپ كورسەتتى: بۇگىن ماداقتالىپ سيلانعانداردىڭ قاتارىندا تاعى بىزگە ۇزاق ۋاقىتتان بەرى قولداۋ جانە كومەك كورسەتىپ كەلە جاتقان جۇڭگو حالقىنىڭ كونە دوستارى، جاقسى دوستارى بار. ءبىز ولاردىڭ جۇڭگونىڭ دامۋىنا قوسقان ۇلەسىنە شىن جۇرەكتەن العىس ايتامىز. جۇڭگو حالقى دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، پلانەتامىزدىڭ ونان ارى كوركەم بولۋىنا مۇمكىندىك جاساۋدى قالايدى.

  سالتتا رەسپۋبليكا وردەنىنىڭ يەگەرى حۋاڭ شۇيحۋا، دوستىق وردەنىنىڭ يەگەرى ماحا چاكري سيريندورن مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى اتىنان لەبىز ءبىلدىردى.

     ماراپاتتاۋ سالتىنان كەيىن، شي جينپيڭ قاتارلى باسشى جولداستار كوپشىلىكپەن ەستەلىك سۋرەتكە ءتۇستى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ءبىر ءبولىم ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ءبىر ءبولىم ورىنباسار ءتوراعالارى، ورتالىق اسكەري ىستەر كوميتەتىنىڭ مۇشەلەرى ماراپاتتاۋ سالتىنا قاتىناستى.

  ورتالىقتاعى پارتيا، ۇكىمەت، ارميا، بۇقارالىق ورىنداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى جانە ولاردىڭ تۋىس - تۋعاندارىنىڭ ۋاكىلدەرى، تۇرعان ورىندارىنىڭ ۋاكىلدەرى، 1 - تامىز وردەنى يەگەرلەرىنىڭ، مەملەكەتتىك وزاتتاردىڭ، ۇلگىلى قايراتكەرلەردىڭ ۋاكىلدەرى، قاتىستى مەملەكەتتەردىڭ جۇڭگودا تۇراتىن ەلشىلەرى، ءار سالا كادر - جۇرتشىلىعى ۋاكىلدەرى سياقتىلاردان 1000 عا تاياۋ ادام ماراپاتتاۋ سالتىنا قاتىناستى.

جاۋاپتى رەداكتور : ءاننا اكىمقان قىزى