اعاجاي-التاي تورابى   ›   اقپارات ايدىنى   ›   سۋرەتتى حابارلار

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى ادەبيەت - كوركەمونەر ساۋىق كەشى «كۇرەس جۇرگىزەيىك، جۇڭحۋا ۇلاندارى» بەيجيڭدە وتكىزىلدى

 جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى ادەبيەت - كوركەمونەر ساۋىق كەشى «كۇرەس جۇرگىزەيىك، جۇڭحۋا ۇلاندارى» بەيجيڭدە وتكىزىلدى

  شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ساۋىق كەشكە كەلىپ كوردى

  9 - ايدىڭ 29 - كۇنى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى ادەبيەت - كوركەمونەر ساۋىق كەشى «كۇرەس جۇرگىزەيىك، جۇڭحۋا ۇلاندارى» بەيجيڭدەگى حالىق سارايىندا وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى 4000نان استام كورەرمەنمەن بىرگە كونسەرتتى كوردى. كونسەرت اياقتالعاننان كەيىن، شي جينپيڭ قاتارلىلار ساحناعا شىعىپ، ارتيستەرمەن جانە قىزمەتكەرلەرمەن ەستەلىك سۋرەتكە ءتۇستى. □ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى (ءتىلشى ليۋ حۋا، جۋ جيچاي). 70 جىلدىق وراسان زور وزگەرىس، 70 جىلدىق ايبىندى ساپار. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى ادەبيەت - كوركەمونەر ساۋىق كەشى «كۇرەس جۇرگىزەيىك، جۇڭحۋا ۇلاندارى» 9 - ايدىڭ 29 - كۇنى كەشتە بەيجيڭدە وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى 4000نان استام كورەرمەنمەن بىرگە كونسەرتتى كورىپ، جاڭا جۇڭگو قۇرىلعان 70 جىلدان بەرگى شۇعىلالى ۇدەرىستى بىرگە ەسكە الىپ، ۇلى وتانعا بىرگە جارقىن بولاشاق تىلەدى.

  حالىق سارايىنىڭ 10 مىڭ ادامدىق زالى قۋانىشتى ۇندەر مەن شادىمان كۇلكىگە تولدى. 2 - قابات تەكشەدەگى كەرمە تۋ ايرىقشا كوز تارتادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قايراتتانا قول جەتكىزەيىك! سارايدىڭ ارتقى كوگىلدىر شىمىلدىعىنا قۇلپىرعان بايشەشەك ورنەكتەرى ءتۇسىرىلىپ، قىزۋ مەرەيلى راي كورسەتىپ تۇر. ەكى قىزىل تۋ پىشىنىندەگى ساحنا قابىرعاسى ساحنا الدىندا جايناپ، 36 قۇرمەت قاراۋىلى ەكى جاققا ءبولىنىپ تىزىلگەن.

  19 ساعات 55 مينۋتتا شات مەرەيلى مۋزيكا ءۇنى ىشىندە شي جينپيڭ قاتارلى باسشى جولداستار زالعا كىرىپ، قارت جولداستاردىڭ ۋاكىلدەرىمەن ىقىلاستى تۇردە قول الىسىپ، ولارعا وسكەلەڭ قۇرمەت ءبىلدىردى، بۇكىل زالدان دۋ قول شاپالاق ءۇنى كوتەرىلدى.

  ”كوممۋنيستىك پارتيا بولماسا، جاڭا جۇڭگو بولماق ەمەس...“ ادامدى جىگەرلەندىرەتىن اۋەننىڭ شىرقالۋىنا مەڭزەس، كولەمدى مۋزيكالىق ءبي ەپوس «كۇرەس جۇرگىزەيىك، جۇڭحۋا ۇلاندارى» شىمىلدىعىن اشتى. ساۋىق كەش ”كۇرەس جۇرگىزۋدى“ نەگىزگى جەلى ەتىپ، 4 تاراۋعا ءبولىندى.

  1 - تاراۋ ”قاندى كۇرەس جۇرگىزۋ“ باستالىسىمەن، سيمفونيا جانە ءبي «قوزعال، قوزعال» جۇڭحۋا ۇلتىنىڭ اۋىر ازاپتى قيىن كۇندەرىن جۇرت ەسىنە ءتۇسىردى، وسىدان سوڭ اسقاق ءان - ءبي «ينتەرناتسيونال ءانى» جۇڭگو كوممۋنيستىك پارتياسىنىڭ قۇرىلۋى سىندى عالامات ۇلى وقيعانى قايتا كورسەتتى، سيمفونيا، حور جانە ءبي «نانچاڭ كوتەرىلىسى»، «شيجياڭيۋە . جيڭگاڭشان»، «قارلى تاۋدان، سازدى دالادان ءوتۋ»، «يان - ان جىرى»، «كۇركىرە، حۋاڭحى»، «دۋجياڭ، دۋجياڭ» سياقتىلار ۋاقىت جۇلگەسىمەن جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ، 28 جىل نە ءبىر ماشاقاتتى كۇرەستەر جۇرگىزىپ جاڭا جۇڭگونى قۇرعان ۇلى بارىسىن جاندى ەلەستەتتى.

  2 - تاراۋ ”قاجىرلىلىقپەن كۇرەس جۇرگىزۋ“ اسقاق ايبىندى حورمەن جانە ءبي «شىعىس قىزاردى»مەن باستالىپ، جاڭا جۇڭگونىڭ قىزۋ دۋماندى سوتسياليستىك توڭكەرىس پەن قۇرىلىس جىلدارىن ەسكە ءتۇسىردى.

  «ماداق جىرى»، «ەڭسە كوتەرگەن باسىبايلى شارۋا ءان سالعاندا» ءار ۇلت پەرزەنتتەرىنىڭ جاڭا ءومىر باستاعان تەڭدەسسىز قۋانىشىن شىرقاسا، «قاھارمانعا ماداق جىرى»، «مەنىڭ وتانىم» مەكەندى، وتاندى قورعايتىن وتانشىلدىق سۇيىسپەنشىلىكتى جىرلادى، «داڭعىل جولمەن كەلەمىز»، «مەن وتانعا مۇناي ارنايمىن» اي - كۇنگە ءامىر شاشا الامىز جاڭارتۋعا كوك ءجۇزىن دەيتىن تاسقىنداعان جىگەردى بەينەلەدى... سيمفونيالىق ۋاقيعالى قويىلىم «رەسپۋبليكاعا ماحاببات»تا ”ەكى بومبى، ءبىر سەرىك“ ارداگەرى گو يۇڭحۋايدىڭ وتانعا ءوزىن ارناپ، ۇشاق قۇلاۋدىڭ الدىندا دەنەسىمەن قۇندى حۇجاتتى قورعاپ قالعان كورىنىس زالداعى ءاربىر كورەرمەندى اسەرلەندىردى.

  3 - تاراۋ ”ىنتىماقتاسا كۇرەس جۇرگىزۋ“ ءان اۋەنىمەن جانە بيمەن رەفورما جاساۋ، ەسىك اشۋ ىستەرىنە دەگەن تەرەڭ سۇيىسپەنشىلىك پەن ماداقتى بەينەلەدى. «توست كوتەرۋ ءانى»، «ءۇمىت اتىزىندا»، «كوكتەم حيكاياسى»، «جاڭا داۋىرگە وتكەندە»، «جياڭشان» قاتارلىلار مەملەكەتتىڭ كۇن سايىن دامىپ گۇلدەنگەنىن، حالىقتىڭ باقىتتى، بالداي ءتاتتى ءومىرىن جىرلادى؛ «شىعىس مەرۋەرتى»، «جەتى بالانىڭ ءانى»، «اتا مەكەن بۇلتتارى» سياقتىلار وتانعا دەگەن تەرەڭ ساعىنىشتى سەزىمدى، مەملەكەتتىڭ ءبىر تۇتاستىعىنا دەگەن كوكەي تەستى تىلەكتى بەينەلەدى؛ «تاسقىنمەن شايقاس»، «ماڭگى ايرىلماۋ»، «چاڭجياڭ جىرى» قاتارلىلار جۇڭحۋا پەرزەنتتەرىنىڭ تامىرى جالعاسىپ، بىرلىك قامالىن ورناتقان تەڭدەسسىز كۇشىن ايگىلەدى. كلاسسيكالىق اندەر، شەبەر وينالعان قويىلىمدار اساۋ تولقىندى، جەر - الەمدى سىلكىندىرگەن دامۋ كەرەمەتتەرىن كوز الدىعا اكەلدى.

  4 - تاراۋ ”كۇرەس جۇرگىزەيىك، جۇڭحۋا ۇلاندارى“ پارتيانىڭ 18 - قۇرىلتايىنان بەرگى جۇڭگوشا سوتسياليزم جاڭا داۋىرگە وتكەن اسقاق ايبىندى كورىنىستى ايگىلەدى. مانەرلەپ وقۋ «حالىققا قۇرمەت» حالىقتىڭ جەر - دۇنيەنى جاڭارتقان ۇلى كۇشىنە ماداق ايتسا، «شۇعىلا شاشقان جۇڭحۋا» اتتى ءان - بيدە حۋاشيا پەرزەنتتەرىنىڭ وتاننىڭ تىنىش - امان بولىپ، گۇلدەنىپ - كوركەيۋىنە دەگەن تەرەڭ سۇيىسپەنشىلىگى بەينەلەندى، «بىردە - ءبىرى كەم بولسا بولمايدى» كەدەيلىكتەن ارىلتۋدان قامال الۋداعى كەرەمەتتەردى كەستەلەدى، «ارميانى قۇدىرەتتەندىرۋ شايقاس جىرى» جاڭا داۋىردەگى اسكەريلەردىڭ ارىندى جىگەرىن جەتكىزدى، «تۇنىق سۋ، جاسىل تاۋلارىم» جاسىل دامۋدىڭ جاندى امالياتىن كەسكىندەدى، «بەيبىتشىلىك − تاعدىرلاس ورتاق تۇلعا» ءبىر - بىرىنە قارايلاساتىن جارقىن بولاشاققا ۇندەۋ تاستادى، «اۋەلگى ماقساتتى ۇمىتپايىق»، «گۇلدەنۋدىڭ كۇش - قۋاتى» تەرەڭ سەزىمگە تولى مەلوديامەن جانە اسەرلى ءان ماتىندەرىمەن «اسقار تاۋ، اساۋ وزەندەردەن ءوتىپ كەلگەن جولىمىزدى ۇمىتپايمىز» دەيتىن ايبىندى ۋادەنى، ”كوپ بولىپ ءبىر نيەتپەن العا ۇمتىلاتىن“ ۇلى ماقساتقا تولى اسقاق سەزىمدى شىرقادى.

  ”كۇرەس جۇرگىزەيىك، جۇڭحۋا ۇلاندارى، توسا المايدى ەشبىر بوگەت جاڭا ءداۋىر قادامىن. كۇرەس جۇرگىزەيىك، جۇڭحۋا ۇلاندارى، شەكسىز نۇرلى جاڭا ءداۋىر − بولاشاقتىڭ پاراعى...“ ساۋىق كەش ”كۇرەس جۇرگىزەيىك، جۇڭحۋا ۇلاندارى“ اتتى كولەمدى ءان - ءبي ىشىندە شىمىلدىعىن جاپتى. ساراي اسەم نۇرمەن جارقىراپ، ءان داۋىسى مەن شاپالاق ءۇنى توعىسىپ، دۋماندى شاتتىق شالقارىنا اينالىپ، شارىقتاۋ شەگىنە كوتەرىلدى.

  بۇكىل زالداعىلار ورىندارىنان تۇرىپ، «وتاندى جىرلايمىز» ءانىن اسقاقتاتا شىرقادى. شي جينپيڭ قاتارلىلار ساحناعا شىعىپ ساۋىق كەش ارتيستەرىمەن جانە قىزمەتكەرلەرمەن ىقىلاسپەن قول الىسىپ، كونسەرتتىڭ ءساتتى بولعانىن قۇتتىقتادى، سونداي - اق كوپشىلىكپەن بىرگە سۋرەتكە ءتۇسىپ، ەستەلىك قالدىردى، بۇكىل زال ىشىنەن شاتىرلاعان قول شاپالاق ءۇنى ۇزاققا دەيىن تولاستامادى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى ساۋىق كەشتى تاماشالادى.

  سونداي - اق ورتالىقتاعى پارتيا، ۇكىمەت، ارميا، بۇقارالىق ورىنداردىڭ ءار تاراۋىنداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ساقا جولداستاردىڭ ۋاكىلدەرى، ”رەسپۋبليكا وردەنى“نىڭ، ”دوستىق وردەنى“نىڭ، ”1 - تامىز وردەنى“نىڭ جانە مەملەكەت داڭق اتاعىنىڭ يەگەرلەرىنىڭ ۋاكىلدەرى، مەملەكەتتىك وزاتتاردىڭ، ۇلگىلى قايراتكەرلەردىڭ ۋاكىلدەرى، مەملەكەتتىك ءتۇيىندى قامقورلىق جاسالاتىن وبيەكتىلەردىڭ ۋاكىلدەرى، از ۇلتتاردىڭ ۋاكىلدەرى، شياڭگاڭدىق، اۋمىندىق باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋباۋلاردىڭ جانە وتانعا ورالعان چياۋميندەردىڭ، چياۋميندەردىڭ ءۇي ىشىندەگىلەردىڭ ۋاكىلدەرى، ءار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى جانە جۇڭگودا قىزمەت ىستەيتىن شەتەلدىك مامانداردىڭ ۋاكىلدەرى، ازاتتىق ارمياداعى جانە قارۋلى ساقشى بولىمدەرىندەگى كوماندير - جاۋىنگەرلەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، ت. ب ساۋىق كەشتى كەلىپ كوردى.

جاۋاپتى رەداكتور : ءاننا اكىمقان قىزى