اعاجاي-التاي تورابى   ›   مادەنيەت ارناسى   ›   ونەگە

بالا تاربيەسى: ويلانباستان ايتىلاتىن وتىرىكتەر

  

بالا ءۇشىن اتا-انادان ارتىق جاقىن ادام جوق. سوندىقتان ولارعا ۇلكەن سەنىم ارتادى. ولاردىڭ ايتقانى – زاڭ ءارى ارقاشان شىندىق. كەيدە بالالاردىڭ وسى سەنىمىن ءوزىمىزدىڭ ىڭعايىمىز ءۇشىن قولدانامىز. ارينە، بارلىق جاعدايدا بالاعا جاقسى بولعانىن قالايمىز. بىراق، بالاعا وتىرىك ايتۋعا بولا ما؟

  1. "قورىقپا، مۇلدە اۋىرمايدى!"

  ءبىز وسىلايشا ۋادە بەرگىنىمىزبەن، بىرنەشە سەكۋندتان سوڭ، ەكپە ينەسى بالانىڭ دەنەسىنە باتىپ، اۋىرادى. مۇنىڭ ءوزى بالانىڭ دارىگەر، اتا-انا مەن ادام بالاسىنا دەگەن سەنىمىن جوعالتۋى ءۇشىن جەتكىلىكتى.

  2. "بولدى! مەن كەتتىم، سەن قال وسىندا"

  ويىن الاڭىنان نە قىزىقتى ورتادان بالانى الىپ كەتۋدىڭ ەڭ وڭاي ءتاسىلى بولعانىمەن، بالا ءسىزدىڭ بۇل سوزدەرىڭىزدىڭ تەككە ايتىلعانىن ۇقپايدى. ال، ەسەيە كەلە، سىزگە دەگەنى سەنىمى ازايىپ، اتا-انا ماحابباتىنا كۇمانمەن قارايتىن بولادى.

  3."سەنىڭ قولىڭنان ءبارى كەلەدى!"

  ارينە، بالانى كەيدە ماقتاپ وتىرۋ كەرەك. ونىڭ ءبيى، ايتقان ءانى جاقسى بولعانىن ايتىپ، ماقتاپ قويساڭىز بالانىڭ وزىنە دەگەن سەنىمى ارتا تۇسەدى. دەگەنمەن، ءسال ەس بىلگەن شاعىندا ونىڭ قاتەلىكتەرىن دە كورسەتە ءبىلىڭىز. ويتكەنى، ماقتاۋ كۇتۋ ادەتكە اينالادى.

  4. "كورەمىز..."

  بالالاردىڭ ەڭ ءجيى ەستيتىن ءسوزى "كورەمىز" ەكەنى جاسىرىن ەمەس. ويىنشىق الىپ بەرۋدى وتىنگەن بالانى تەك وسى سوزبەن قاناعاتتاندىرىپ قويامىز. بىراق، بۇل ءسوزدىڭ "ەشقاشان" ءسوزىنىڭ ەۆفەميزمى ەكەنىن جاقسى بىلەمىز. ءبالانى تەككە ۇمىتتىرگەنشە، "جوق" دەپ، سەبەبىن ءتۇسىندىرىڭىز.

  5. "ەگەر تاماعىڭدى تاۋىسپاساڭ، وسپەيسىڭ"

  ادامنىڭ بويى، سالماعى مەن ءوسۋ قارقىنىنىڭ 95%-ى گەنەتيكامەن تىعىز بايلانىستى. سوندىقتان، بالانى كۇشتەپ تاماقتاندىرۋدىڭ قاجەتى جوق. ويتكەنى، بالا ەرەسەكتەرگە قاراعاندا ءوزىنىڭ تويعانىن الدەقايدا جىلدام ۇعادى. كۇشتەپ تاماقتاندىرۋ بالانىڭ بويىنداعى تويىمسىزدىقتى وياتادى.

جاۋاپتى رەداكتور : ءاننا اكىمقان قىزى