اعاجاي-التاي تورابى   ›   مادەنيەت ارناسى   ›   دەنساۋلىق

ءتىستى بۇزاتىن "پايدالى" تاعام تۇرلەرى

  

بالا كەزىمىزدەن تاتتىلەر ءتىستى بۇزادى دەپ وسىرەدى. دەگەنمەن، دارىگەرلەر تىسكە كامپيت پەن تورتتان باسقا پايدالى تاعام تۇرلەرى دە اسەر ەتەتىندىگىن ايتادى.

  1. كامپيتتەر اراسىندا كارامەل كوش باستايدى:

  كارامەلدىڭ قۇرامىندا قانت كامپيتتىڭ باسقا تۇرىمەن سالىستىرعاندا كوبىرەك. سوندىقتان ولار ەمالدىڭ شوگۋىنە اسەر ەتىپ، ميكروبتاردىڭ كوبەيۋىنە قولايلى جاعداي تۋدىرادى.

  2. تاڭقۋراي، قاراجيدەك، قاراقات پەن قۇلپىناي:

  بۇل جيدەك تۇرلەرى اعزاعا قانشالىقتى پايدالى بولسا، سونشالىقتى تىسكە كەرى اسەرىن تيگىزەدى. ولاردىڭ قۇرامىنداعى قىشقىل ەمالدى "جەسە"، تابيعي بوياعىشتارى ءتىستىڭ سارعايۋىنا سەبەپ بولادى.

  3. كەپتىرىلگەن جەمىستەر:

  كامپيتتەر سەكىلدى كەپتىرىلگەن جەمىستەر قانتقا باي، ونىڭ ۇستىنە ولاردى شايناۋ وتە قيىن. ءتىس اراسىندا قالاتىن قالدىقتارى باكتەريالاردىڭ تۋىنا الىپ كەلەدى.

  4. شاي نەمەسە كوفە:

  بۇل سۇيىقتىقتاردىڭ تىسكە زيانى بۇرىننان ايتىلادى. قارا شاي مەن كوفەدە دە ءتىستىڭ سىرتقى كەلبەتىنە اسەر ەتەتىن بوياعىشتار بار. ودان بولەك، كوفە دەنەدەگى كالتسيدى شايىپ جىبەرەدى. ال، كالتسي – ءتىستىڭ باستى ەلەمەنتى.

  5. شاراپ: شاراپ قۇرامىندا ادام اعزاسىنا پايدالى پوليفەنول بار. بىراق، ەمالدىڭ قاس جاۋى دا – پوليفەنول. ولار ءتىستىڭ سارعايۋىنا سەبەپ بولادى. ودان بولەك اۋىز قۋىسىنداعى قىشقىلدى-سىلتىلىك ورتانىڭ بۇزىلۋىنا اكەلەدى.

جاۋاپتى رەداكتور : ءاننا اكىمقان قىزى