اعاجاي-التاي تورابى   ›   حابارلاندىرۋ

زاڭعا قايشى ينفورماتسيا تاراتقان 6 تيپتىك دەلونى تەكسەرىپ ءبىر جاقتى ەتتى

اۆتونوميالى رايوندىق ينتەرنەت ينفورماتسياسى كەڭسەسى سياقتى قاتىستى تاراۋلار

زاڭعا قايشى ينفورماتسيا تاراتقان 6 تيپتىك دەلونى تەكسەرىپ ءبىر جاقتى ەتتى

  ءوز حابارىمىز. جاقىندا اۆتونوميالى رايوندىق ينتەرنەت ينفورماتسيا كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى مالىمدەگەن دەرەكتەرگە نەگىزدەلىپ، ينتەرنەتتە زاڭعا قايشى ينفورماتسيا تاراتقان 23 - توپتاعى 6 تيپتىك دەلونى زاڭ بويىنشا تەكسەرىپ ءبىر جاقتى ەتتى ءارى جاريالادى. تەكسەرۋدەن دەلوعا قاتىستى ادامداردىڭ ينتەرنەت سياقتى تۇعىردان پايدالانىپ، ءدىني ۇشقارىلىققا، ۇلتتىق بولشەكتەۋشىلدىككە، سونداي - اق جالعان ينفورماتسياعا قاتىستى مازمۇنداردى جازۋ، سۋرەت، دىبىس بەينە كەسكىنى ارقىلى ۋاعىزداپ، ساقتاپ، تاراتىپ، «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى»، «ينتەرنەتتە ينفورماتسيالىق قىزمەت وتەۋدى باسقارۋ ءادىسى» قاتارلى زاڭعا، زاڭ ەرەجەگە قايشىلىق جاساعاندىعى انىقتالدى، قوعام حاۋىپسىزدىگى ورگاندارى قاتىستى ادامداردى زاڭ بويىنشا تەكسەرىپ ءبىر جاقتى ەتتى.

  ءبىرىنشى دەلو: ىلە قازاق اۆتونوميالى وبلىسىنداعى توراپكەر ساي XXتىڭ ينتەرنەت الدامشىلىعى دەلوسى

  2019 - جىلى 3 - ايدىڭ 3 - كۇنى توراپكەرلەر ساي XXتىڭ (ايەل، ۇيعۇر، 24 جاستا، نوپوسى: ىلە وبلىسى قۇلجا اۋدانىنا قاراستى) ينتەرنەت ارقىلى توردا نەسيە كارتچكاسىن ءبىتىرۋ، قارىز اقشانىڭ راسميات اقىسىن تاپسىرۋ سياقتىلاردى سىلتاۋ ەتىپ، ءۇرىمجى، ىلە، قاشقار، حوتان، اقسۋ سياقتى جەردەگى 70تەي بۇقارانى الداعاندىعىن، دەلوعا ساياتىن سومانىڭ 120 مىڭ يۋانعا جەتكەندىگىن اشكەرەلەدى. تەكسەرىپ انىقتاۋ ارقىلى سونداي - اق قاتىستى زاڭعا، زاڭ ەرەجەگە نەگىزدەلىپ، قوعام حاۋىپسىزدىگى ورگانى زاڭ بويىنشا ساي XXتى قىلمىستىق ءىس بويىنشا قاماۋعا الدى.

   ەكىنشى دەلو: سانجى حۇيزۋ اۆتونوميالى وبلىسىنداعى توراپكەر يە XXتىڭ ينتەرنەت الدامشىلىعى دەلوسى

  2019 - جىلى 7 - ايدىڭ 11 - كۇنى توراپكەرلەر يە XXتىڭ (ەر، قازاق، 29 جاستا، نوپوسى: سانجى حۇيزۋ اۆتونوميالى وبلىسى فۋكاڭ قالاسىنا قاراستى) ينتەرنەت ارقىلى بازار باعاسىنان ارزان الما قول تەلەفونىن ساتۋدى سىلتاۋ ەتىپ، جىجياڭ ولكەسى يۇيياۋ قالاسىنداعى توراپكەردى الداعاندىعىن، دەلوعا ساياتىن سومانىڭ 3800 يۋانعا جەتكەندىگىن اشكەرەلەگەن. تەكسەرىپ انىقتاۋ ارقىلى سونداي - اق قاتىستى زاڭعا، زاڭ ەرەجەگە نەگىزدەلىپ، قوعام حاۋىپسىزدىگى ورگانى زاڭ بويىنشا يە XXتى قىلمىستىق ءىس بويىنشا قاماۋعا الدى.

  ءۇشىنشى دەلو: التاي ايماعىنداعى توراپكەر ەر XXتىڭ ۇشقارىلىقتى ۋاعىزدايتىن بۇيىمداردى زاڭسىز ساقتاۋ دەلوسى

  2019 - جىلى 7 - ايدىڭ 16 - كۇنى توراپكەرلەر ەر XXتىڭ (ەر، قازاق، 37 جاستا، نوپوسى: التاي ايماعى التاي قالاسىنا قاراستى) تىڭشۇن ميكرو بۇلتىندا ءدىني ۇشقارىلىق يدەياسىن ۋاعىزدايتىن سۋرەت، جازبا ينفورماتسيالارىن ساقتاعاندىعى اشكەرەلەنگەن. تەكسەرىپ انىقتاۋ ارقىلى سونداي - اق قاتىستى زاڭعا، زاڭ ەرەجەگە نەگىزدەلىپ، قوعام حاۋىپسىزدىگى ورگانى زاڭ بويىنشا ەر XXتى قىلمىستىق ءىس بويىنشا قاماۋعا الدى.

  ءتورتىنشى دەلو: سانجى حۇيزۋ اۆتونوميالى وبلىسىنداعى توراپكەر ۋ XXتىڭ وسەك - اياڭ تاراتۋ دەلوسى

  2019 - جىلى 8 - ايدىڭ 6 - كۇنى توراپكەرلەر ۋ XXتىڭ (ايەل، حانزۋ، 47 جاستا، نوپوسى: سانجى حۇيزۋ اۆتونوميالى وبلىسى سانجى قالاسىنا قاراستى) ءۇنحات توبىندا اۆتونوميالى رايونىمىزدىڭ ورنىقتىلىقتى قورعاۋ ساياساتىنا قاتىستى وسەك - اياڭ، ينفورماتسيا تاراتقاندىعىن اشكەرەلەگەن. تەكسەرىپ انىقتاۋ ارقىلى سونداي - اق قاتىستى زاڭعا، زاڭ ەرەجەگە نەگىزدەلىپ، قوعام حاۋىپسىزدىگى ورگانى زاڭ بويىنشا ۋ XXكە سىن ايتىپ تاربيە بەردى ءارى ايىپ سالدى.

  بەسىنشى دەلو: قاشقار ايماعىنداعى توراپكەر مۇ XXتىڭ ينتەرنەتتەن پايدالانىپ بادىك ينفورماتسيا تاراتۋ دەلوسى

  2019 - جىلى 4 - ايدىڭ 26 - كۇنى توراپكەرلەر مۇ XXتىڭ (ەر، ۇيعۇر، 27 جاستا، نوپوسى: قاشقار ايماعى قاعىلىق اۋدانى ۇجىرا اۋىلىنا قاراستى( QQ توبىندا قىرۋار بادىك كەسكىن جانە زيناقورلىق ينفورماتسياسىن تاراتقاندىعىن اشكەرەلەگەن. تەكسەرىپ انىقتاۋ ارقىلى سونداي - اق قاتىستى زاڭعا، زاڭ ەرەجەگە نەگىزدەلىپ، قوعام حاۋىپسىزدىگى ورگانى زاڭ بويىنشا مۇ XXتى اكىمشىلىك ءىس بويىنشا قاماۋعا الدى ءارى ايىپ سالدى.

  التىنشى دەلو: قۇمىل قالاسىنداعى توراپكەر چي XXتىڭ توردا بادىك بۇيىمداردى ساتۋ، تاراتۋ ارقىلى پايدا تابۋ دەلوسى

  2019 - جىلى 8 - ايدىڭ 8 - كۇنى توراپكەرلەر چي XXتىڭ (ەر، حانزۋ، 32 جاستا، قۇمىل قالاسى يجوۋ رايونىنىڭ ادامى) ءۇنحاتتا بادىك جارنامالاردى تاراتۋ جانە بادىك سۋرەتتەر مەن كەسكىندەردى ساتۋ ارقىلى زاڭسىز پايدا تۇسىرگەندىگىن اشكەرەلەگەن. تەكسەرىپ انىقتاۋ ارقىلى سونداي - اق قاتىستى زاڭعا، زاڭ ەرەجەگە نەگىزدەلىپ، قوعام حاۋىپسىزدىگى ورگانى زاڭ بويىنشا چي XXتى قىلمىستىق ءىس بويىنشا قاماۋعا الدى.

   ينتەرنەت ينفورماتسياسى تاراۋى، قوعام حاۋىپسىزدىگى ورگانى مىنانى ەسكەرتەدى: ينتەرنەت كەڭىستىگى − زاڭ جۇرمەيتىن ورىن ەمەس، ينتەرنەتتەن پايدالانىپ زورلىقتى كۇش لاڭكەستىككە، ۇلتتىق بولشەكتەۋشىلدىككە، ءدىني ۇشقارىلىققا، سونداي - اق ۇلتتار ىنتىماعىن، مەملەكەتتىڭ تۇتاستىعىن بۇلدىرۋگە قاتىستى مازمۇنداردى جازۋ، سۋرەت، دىبىس بەي−نە كەسكىنى ارقىلى ۋاعىزداعانداردىڭ، ساقتاعانداردىڭ، تاراتقانداردىڭ؛ قوپارىلىس جابدىعىن، مىلتىق، شەكتەلگەن سايماندارى جاساۋ، قولدانۋ ءادىسىن، ونەرىن ۇيرەتكەندەردىڭ، سونداي - اق جالعان ينفورماتسيا، قورلاۋ، قۇقاي كورسەتۋ، ويدان فاكت قۇراستىرىپ باسقالارعا جالا جابۋ سياقتى مازمۇنداعى جازۋ، سۋرەت، دىبىس بەينە كەسكىنىن تاراتقانداردىڭ جاۋاپكەرشىلىگى زاڭ بويىنشا قۋزاستىرىلادى. جوعارىدا ايتىلعان جازۋ، سۋرەت، دىبىس بەينە كەسكىندەرىن ساقتاعاندار دەرەۋ وزدىگىنەن ءوشىرۋى، جوعالتۋى كەرەك، ءوزى وشىرە الماسا، جوعالتا الماسا، جەرگىلىكتى قوعام حاۋىپسىزدىگى ورگانىنىڭ سايكەسىپ ءبىر جاقتى ەتۋىنە تاپسىرۋىنا بولادى. قالىڭ توراپكەرلەردىڭ قاتىستى زاڭعا، زاڭ ەرەجەگە قاتاڭ بويسۇنىپ، ينتەرنەتتەن مادەنيەتتى، زاڭدى پايدالانىپ، اقاۋسىز، ءتارتىپتى ينتەرنەت ورتاسىن بىرگە قورعاۋىن ءۇمىت ەتەمىز.

   قالىڭ توراپكەرلەردىڭ ينتەرنەتتەگى زاڭعا قايشى ينفورماتسيالاردى بەلسەندىلىكپەن اشكەرەلەۋىن قارسى الامىز، اشكەرەلەۋدە ەڭبەك سىڭىرگەندەر دەر كەزىندە سيلانادى.

  اشكەرەلەۋ ءتاسىلى:

  تور ادرەسى: www.xjwljb.com

  تەلەفون ءنومىرى: 0991-2384777

  ەلەكتروندى حات ساندىعى: xjwljb@xjts.cn

  ميكرو بلوگ: 新疆网络举报@

  ءۇنحات الەۋمەتتىك تۇعىرى: 新疆网络举报

  ساقشىعا مالىمدەپ اشكەرەلەۋ تەلەفون ءنومىرى: 110

  كەلتەحات ارقىلى ساقشىعا مالىمدەۋ ءنومىرى: 12110

جاۋاپتى رەداكتور : ءاننا اكىمقان قىزى