اعاجاي-التاي تورابى   ›   اقپارات ايدىنى   ›   سۋرەتتى حابارلار

دۇنيە جاڭاردى

دۇنيە جاڭاردى

1949 - جىلى 10 - ايدىڭ 1 - كۇنى شينجياڭداعى ءار ۇلت حالقى بۇكىل ەل حالقىمەن بىرگە جۇڭحۋا حالىق رەسپۋبليكاسىنىڭ قۇرىلعاندىعىن قارسى الدى. 10 - ايدىڭ 20 - كۇنى جۇڭگو حالىق ازاتتىق ارمياسى 1 - دالا ارمياسىنىڭ 1 - ءبولىمى ديحۋاعا (قازىرگى ءۇرىمجى قالاسى) جەتتى، ءار ۇلت ءار سالا بۇقاراسى جولدىڭ ەكى جاعىندا تۇرىپ قارسى الدى.

1949 - جىلى 12 - ايدىڭ 17 - كۇنى شينجياڭنىڭ پارتيا، ۇكىمەت، ارميا باسشىلارى مەن ءار ۇلت، ءار سالا ۋاكىلدەرى پارات تەكشەسىندە تۇرىپ، اسكەري ءبولىمدى كوزدەن كەشىردى. 12 - ايدىڭ 17 - كۇنى شينجياڭ ولكەلىك حالىق ۇكىمەتى مەن شينجياڭ اسكەري رايونى رەسمي قۇرىلدى.

1955 - جىلى 10 - ايدىڭ 1 - كۇنى ءار ۇلت بۇقاراسى ءان ايتىپ، ءبي بيلەپ جۇڭحۋا حالىق رەسپۋبليكاسى قۇرىلعاندىعىنىڭ 6 جىلدىعىن جانە شينجياڭ ۇيعۇر اۆتونوميالى رايونى قۇرىلعاندىعىن قۇتتىقتادى.

 ازاتتىقتىڭ العاشقى كەزىندە، ءبىلىم دەڭگەيى جالپى بەتتىك تومەن بولعاندىقتان، شارۋالار سايلاۋدا ”بۇرشاق تاستاپ سايلاۋ“ سياقتى ادىستەردى قولداناتىن. سۋرەتتە: 1952 - جىلى كونەءشار اۋدانىنىڭ سەمەن رايونى 7 - اۋىلىنىڭ 3 - قىستاعىنداعى ەگىنشىلەر بۇرشاق تاستاپ سايلاۋ جۇرگىزۋدە.

1958 - جىلى قۇربان تۇلىم اتاي پيونەرلەرمەن بىرگە.

 وتكەن عاسىردىڭ 50 - جىلدارىندا شينجياڭ 1 - شىلدە توقىماشىلىق فابريكاسىنىڭ ايەل جۇمىسشىلارى ءوندىرىس ۇستىندە. كەزىندە ءبىر تال شەگە دە وندىرە المايتىن شينجياڭدا ازاتتىقتان كەيىن 1 - تامىز بولات - تەمىر زاۆودى، وكتابر تراكتور زاۆودى، 1 - شىلدە توقىماشىلىق فابريكاسى سياقتىلار ىركەس - تىركەس قۇرىلىپ، شينجياڭنىڭ وسى زامانعى ونەركاسىبىنىڭ نەگىزىن قالادى.

1955 - جىلى 10 - ايدا قارامايلى 1 - ءنومىرلى قۇدىعىنان شيكى مۇناي اتىلىپ شىقتى، بۇل جاڭا جۇڭگوداعى تۇڭعىش ۇلكەن مۇناي الابى − قارامايلى مۇناي الابىنىڭ دۇنيەگە كەلگەندىگىن ايگىلەدى، شينجياڭنىڭ مۇناي ونەركاسىبىنىڭ قاۋىرت دامۋىنىڭ شىمىلدىعى اشىلدى.

وتكەن عاسىردىڭ 50 - جىلدارىندا جاڭا جۇڭگوداعى ءبىرىنشى ۇرپاق ايەل تراكتورشى، شينجياڭ ءوندىرىس - قۇرىلىس بيڭتۋانىنىڭ تىڭ يگەرۋشى جۇمىسشىسى جين ماۋفاڭ. ول 3 - توپتاعى ءبىر يۋاندىق حالىق اقشاسىنىڭ وڭ بەتىندەگى كەيىپكەر ”ايەل تراكتورشى“نىڭ ءتۇپ تۇلعاسىنىڭ ءبىرى.

1959 - جىلى شينجياڭنىڭ گيمناستيكا اترەتىنىڭ مۇشەلەرى جاتتىقتىرۋشىنىڭ جەتەكشىلىگىندە باسپالداقشا تورنيككە جاتتىعۋدا.

1959 - جىلى قاشقار قالاسىنىڭ كوشەلەرىندە ”تۇيە كۇيمە“ پايدا بولدى، ءبىر كولىككە 15 ادام وتىرا الادى.

1959 - جىلى 11 - ايدا اقسۋدىڭ قىزىلجۇلدىز ايىڭىر حالىق گۇڭشىسى حۋاڭگۇڭ باسقارۋ رايونى استىق، ەگىس داقىلىنان مول ءونىم الدى، 73 جاستاعى ەگىنشى نايىپ اسەن بالالارىنا بىردەن ەتىك ساتىپ الىپ بەردى.

1955 - جىلى جازدا قۇلجا قالاسىنىڭ ورتا مەكتەپ وقۋشىلارى قالا ماڭىندا جازدىق دەمالىستارىن كوڭىلدى وتكىزۋدە.

جاۋاپتى رەداكتور : ءاننا اكىمقان قىزى