اعاجاي-التاي تورابى   ›   اقپارات ايدىنى   ›   سۋرەتتى حابارلار

تۋدى بيىك ۇستاپ، ءبىر نيەتپەن ىنتىماقتاسىپ، قايراتتانا العا ۇمتىلىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ءۇشىن قاجىماي - تالماي ەكپىندەي ىلگەرىلەيىك

شي جينپيڭ ”ۇلى ۇدەرىس، شۇعىلالى جەتىستىك − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى“ن ەكسكۋرسيالاعاندا بىلاي دەپ باسا دارىپتەدى

تۋدى بيىك ۇستاپ، ءبىر نيەتپەن ىنتىماقتاسىپ، قايراتتانا العا ۇمتىلىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ ءۇشىن قاجىماي - تالماي ەكپىندەي ىلگەرىلەيىك

لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى ەكسكۋرسيالادى

9 - ايدىڭ 23 - كۇنى پارتيا مەن مەملەكەت باسشىلارى شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ كورمە سارايىندا ”ۇلى ۇدەرىس، شۇعىلالى جەتىستىك − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى“ن ەكسكۋرسيالادى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 23 - كۇنى بەيجيڭ كورمە سارايىنا بارىپ، ”ۇلى ۇدەرىس، شۇعىلالى جەتىستىك − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى“ن ەكسكۋرسيالادى. ول بىلاي دەپ باسا دارىپتەدى: جاڭا جۇڭگو قۇرىلعان 70 جىلدان بەرى، پارتيامىز اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، تالاي - تالاي قيىندىقتاردى، حاۋىپ - قاتەرلەر مەن بوگەتتەردى جەڭىپ، تاريح بەتىنەن وشپەس ورىن الاتىن تالاي - تالاي ادامزات كەرەمەتتەرىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. 70 جىلدان بەرى ەلىمىز قول جەتكىزگەن تاريحي جەتىستىكتەر، تۋىلعان تاريحي وزگەرىستەر تەك جۇڭگو كوممۋنيستىك پارتياسى عانا جۇڭگوعا باسشىلىق ەتە الاتىندىعىن، تەك سوتسياليزم عانا جۇڭگونى قۇتقارا الاتىندىعىن، تەك رەفورما جاساۋ، ەسىك اشۋ عانا جۇڭگونى دامىتا الاتىندىعىن، سوتسياليزمدى دامىتا الاتىندىعىن، ماركسيزمدى دامىتا الاتىندىعىن، تەك جۇڭگوشا سوتسياليزم جولى عانا جۇڭگونى گۇلدەنۋگە، بايۋعا، قۇدىرەتتەنۋگە باستاي الاتىندىعىن تولىق ءتۇسىندىردى. 70 جىلدان كەيىن ساپارعا قايتا اتتاناردا، بۇگىن ارشىن ادىممەن قايتا اتتايمىز باسىنان. جاڭا جۇڭگونىڭ ايبىنى اسقاق دامۋ ۇدەرىسىن، كۇللى دۇنيەنى اسەرلەندىرگەن شۇعىلالى جەتىستىكتەردى، توتەنشە قاستەرلى تاجىريبە مەن وي تولعاۋلاردى ويداعىداي كورسەتىپ، ويداعىداي ۇگىتتەپ، بۇكىل پارتيانى، بۇكىل ەلدەگى ءار ۇلت حالقىن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسۋعا ىنتالاندىرىپ، جۇڭگوشا سوتسياليزم ۇلى تۋىن بيىك ۇستاپ، ءبىر نيەتپەن ىنتىماقتاسىپ، قايراتتانا العا ۇمتىلىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن قاجىماي - تالماي ەكپىندەي ىلگەرىلەۋ كەرەك.

  لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى ەكسكۋرسيالادى.

  تۇستەن كەيىن مولشەرمەن ساعات 4تەن 10 مينۋت وتكەندە، پارتيا مەن مەملەكەت باسشىلارىنان شي جينپيڭ قاتارلى جولداستار بەيجيڭ كورمە سارايىنا كەلىپ، كورمە زالىنا كىرىپ كورمەنى ەكسكۋرسيالادى. كورمەدە جۇڭگوشا سوتسياليزم جولىن اشۋ جانە دامىتۋ، سوتسياليستىك وسىزاماندانعان مەملەكەت قۇرۋ نەگىزگى تاقىرىپ، جىلناما ۇلگىسى ۋاقىت نەگىزگى جەلىسى ەتىلىپ، 5 بولىك ورنالاستىرىلعان، جوبالانعان، سونداي - اق ءار رەتكى پارتيا قۇرىلتايى مەن ورتالىق كوميتەتتىڭ ماڭىزدى جالپى ماجىلىستەرى، بەسجىلدىق جوبا (جوسپار) سياقتى جاقتارداعى كەزەڭ اتتاعان نەگىزگى جەلى ايگىلەنىپ، 150 ”جاڭا جۇڭگوداعى ءبىرىنشى“ تاڭدالىپ كورسەتىلگەن، ءار 10 جىلدىڭ اراسىنا قاھارمان - ۇلگىلەر قابىرعا تامى ورنالاستىرىلىپ، دىبىس، ساۋلە، ەلەكتر سياقتى كوپ مەديالى عىلىم - تەحنيكالىق كورسەتىلىم تاسىلدەرى تولىق پايدالانىلىپ، جاڭا جۇڭگو قۇرىلعان 70 جىلدان بەرگى جۇڭگو كوممۋنيستىك پارتياسىنىڭ جۇڭگو حالقىن باستاپ كوركەيۋ جولىندا قۇلشىنىپ، قاجىرلىلىقپەن كۇرەس جۇرگىزىپ جۇزەگە اسىرعان ۇلى شارىقتاۋ جان - جاقتى، ستەرەولى تۇردە كورسەتىلىپ، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرىپ ۇلكەن ءىس تىندىراتىن ساياسي ارتىقشىلىعى ايقىن ايگىلەنىپ، جاڭا جۇڭگو قۇرىلعان 70 جىلداعى وراسان زور وزگەرىستىڭ استارىنداعى تەرەڭ قيسىن ىشكەرىلەي اشىپ كورسەتىلگەن.

  مەملەكەت قۇرۋ سالتاناتى سىندى تاريحي ءساتتى ەستەلىككە العان بەينە كەسكىن، جاڭا جۇڭگو سالعان العاشقى تەمىر جول چىڭدۋ - چۇڭچيڭ تەمىر جولىنىڭ سالىنىپ ءبىتىپ پويەز قاتىناۋىن ەسكە الۋعا ارنالعان بۇدىرماق ناقىش، جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى بارلىق زاڭدى ۇقىعى قالپىنا كەلگەن ءسات بەينەلەنگەن سۋرەت، 1977 - جىلى جوعارى مەكتەپ ەمتيحانىنىڭ قالپىنا كەلۋىنە بايلانىستى نەشە ۇرپاق ادامنىڭ تاعدىرىنىڭ وزگەرۋىن مەڭزەيتىن كورىنىس، انحۇي شياۋگاڭ قىستاعىنداعى 18 ديقاننىڭ ”جاپپاي كوتەرمەگە الۋ“ كەلىسىمىنە قىزارتىپ بارماق باسقان ءساتىن كورسەتەتىن بۇقارا بەينەسى، شاڭحاي پۋدۇڭىنىڭ وركەندەۋ، ەسىك اشۋ ارقىلى ەسكى بەينەسىنىڭ جاڭارعانىن بەينەلەيتىن بەينەجازبا، 1998 - جىلعى تاسقىنعا قارسى اتتانىپ قاتەردەن قۇتقارۋدا جۇدىرىقتاي جۇمىلىپ، جۇرت جىگەرىنەن بەرىك قامال ورناتقانىن كورسەتەتىن كورىنىس، بەيجيڭ وليمپياداسىنىڭ سالتاناتىن قايتا كوز الدىعا اكەلەتىن جارىق - كولەڭكەلىك جوبا، جۇڭگونىڭ دەربەس زەرتتەپ اشقان تۇڭعىش تەز نەيتروندى يادرولىق رەاكتورىنىڭ مودەلى، رەفورمانى جاپپاي تەرەڭدەتۋ بارىسىن كورسەتەتىن تۇسىندىرمە، جوعارى ساپالى دامۋدى ايگىلەيتىن جەتىستىكتەر، ”تۇنىق سۋ، جاسىل تاۋ − باعالى بايلىق“ جاندى امالياتىن ايگىلەيتىن قۇم مودەل، حالىق ازاتتىق ارمياسىنىڭ كوماندير - جاۋىنگەرلەرىنىڭ ارميانى قۇدىرەتتەندىرۋ نىساناسىنىڭ جەتەكشىلىگىندە ەرلىكپەن العا ۇمتىلعانىن ايگىلەيتىن كورمە تاقتا، كەدەيلىكتەن ارىلتۋدان قامال الۋدىڭ جاڭا ىلگەرىلەۋشىلىگىن كورسەتەتىن ناقتى كورىنىس، وڭىرلىك دامۋ ستراتەگياسىن كەسكىندەگەن كارتا، ەلىكتەمەلى اي ارباسى، ”تيانيان“ سياقتىلاردىڭ مودەلى، دۇنيە جۇزىندەگى ەڭ ۇزىن تەڭىز كوپىرى شياڭگاڭ - جۋحاي - اۋمىن كوپىرىنىڭ مودەلى، جان - جاقتى ديپلوماتيانى ايگىلەيتىن كورمە تاقتا... كورمە ءدالىزى ۋاقىت - كەڭىستىك تۋنەلىندەي اسەر بەرىپ، تىزىلگەن سۋرەتتەر، كورمە تاقتالار، ناقتى زات مودەلدەر، بەينەجازبا ماتەريالدار، ءوزارا ىقپالداسقان كەشىرمەلەر شي جينپيڭ قاتارلى باسشى جولداستاردىڭ نازارىن وزىنە اۋداردى، ولار ءالسىن - ءالى كىدىرىپ قاراپ، تۇسىندىرۋلەردى مۇقيات تىڭداپ، قاتىستى جاعدايلاردى سۇراستىرىپ وتىردى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەس مۇشەلەرى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى، ت. ب كورمەنى ەكسكۋرسيالادى.

جاۋاپتى رەداكتور : ءاننا اكىمقان قىزى