اعاجاي-التاي تورابى   ›   اقپارات ايدىنى   ›   ماڭىزدى حابارلار

شي جينپيڭ وقىتۋشىلارعا مەرەكەلىك سالەم جولدادى

    شينحۋا اگەنتتىگىنىڭ حابارى: 35 ـ رەتكى وقىتۋشىلار مەرەكەسى قارساڭىندا، 2019-جىلعى وقىتۋشىلار مەرەكەسىن قۇتتىقتاۋ جانە مەملەكەتتىك وقۋ-اعارتۋ جۇيەسىندەگى وزات كوللەكتيۆ جانە ۇزدىك جەكەلەردى ماداقتاۋ جينالىسى 9-ايدىڭ 10-كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حالىق سارايىندا ماداقتالعان ۋاكىلدەرمەن ىقىلاسپەن كەزدەسىپ، ماداقتالىپ-سيلانعان وزات كوللەكتيۆ پەن ۇزدىك جەكەلەردى قىزۋ قۇتتىقتادى، بۇكىل ەلدەگى قالىڭ وقىتۋشىلار مەن وقۋ-اعارتۋ قىزمەتكەرلەرىنە مەرەكەلىك سالەم جولدادى.
    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى.
    تۇستەن بۇرىن ساعات 11 دە شي جينپيڭ قاتارلىلار حالىق سارايىنىڭ سولتۇستىك زالىنا كەلدى، زالدان دۋ قول شاپالاق ٴۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن قول الىسىپ، اڭگىمەلەسىپ، ەستەلىك سۋرەتكە ٴتۇستى.
    ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان كەزدەسۋدە بىرگە بولدى ٴارى ماداقتاۋ ـ سيلاۋ جينالىسىندا ٴسوز سويلەدى. ول بىلاي دەدى: جاڭا جۇڭگو قۇرىلعان 70 جىلدان بەرى، ەلىمىزدىڭ وقۋ ـ اعارتۋىندا وراسان زور وزگەرىستەر تۋىلدى، وقىتۋشىلار ەلگە ونەگە بولىپ، ادام تاربيەلەپ، مەملەكەتتىڭ دامۋى مەن العا باسۋىنا ماڭىزدى ۇلەس قوستى. وقىتۋشىلاردىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، احىلاق، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزىمنىڭ قۇرىلىسشىلارى مەن ٴىزباسارلارىن جەتىلدىرۋدى ارقاۋ ەتىپ، پارتيا ٴۇشىن ادام، مەملەكەت ٴۇشىن دارىندى تاربيەلەپ، ٴمورال ارقىلى ادام تاربيەلەپ، ونەگە كورسەتىپ، قاجىرلىلىقپەن زەرتتەۋ جۇرگىزىپ، كەڭ پەيىلدىك پەن قاتاڭ سۇيىسپەنشىلىكتى ٴوزارا ۇشتاستىرىپ، پارتيا مەن حالىق رازى بولاتىن «تورتتە» جاقسى وقىتۋشى بولۋىن ٴۇمىت ەتەمىن. جەر-جەر، قاتىستى تاراۋلار وقىتۋشىلاردىڭ مامىلەسىن ونان ارى جوعارىلاتىپ، وقىتۋشىلىق كاسىپتىڭ باۋراۋ قۋاتىن كۇشەيتىپ، وقىتۋشىلاردى قۇرمەتتەيتىن، وقۋ-اعارتۋعا ٴمان بەرەتىن تاماشا اۋقىم قالىپتاستىرۋ كەرەك.


    ماجىلىستە «مەملەكەتتىك 718 ۇلگىلى وقىتۋشى»، «مەملەكەتتىك وقۋ-اعارتۋ جۇيەسىندەگى 79 ۇزدىك قىزمەتكەر»، «مەملەكەتتىك وقۋ-اعارتۋ جۇيەسىندەگى 597 وزات كوللەكتيۆ» جانە 1432 «مەملەكەتتىك تاڭداۋلى وقىتۋشى»، 158 «مەملەكەتتىك ۇزدىك وقۋ-اعارتۋ قىزمەتكەرى» ماداقتالىپ سيلاندى، 1355 ٴتۇرلى «مەملەكەت دارەجەلى وقىتۋ ناتيجەسى سيلىعى» بەرىلدى. وسىنىڭ الدىندا وقۋ-اعارتۋ مينيسترلىگى «مەملەكەت بويىنشا ٴبىلىم بەرىپ، ادام تاربيەلەۋدەگى ۇلگىلەردەن» 10 ادامدى تاڭداپ كورسەتتى.
    مەملەكەتتىك ۇلگىلى وقىتۋشىلاردىڭ ۋاكىلى، حىبەي ولكەسى شينجي قالاسى چيڭحىۋان مەكتەبىنىڭ وقىتۋشىسى جاڭ مىڭۋي،مەملەكەتتىك وقىتۋ ارقىلى ادام تاربيەلەۋدەگى ۇلگىلەردىڭ ۋاكىلى، گۋاڭشيدىڭ بيحاي قالاسى ۋيجوۋ ارالى بالا باقشاسىنىڭ وقىتۋشىسى فان ۋيلي، مەملەكەتتىك وقۋ-اعارتۋ جۇيەسىندەگى وزات كوللەكتيۆتەردىڭ ۋاكىلى، سۋجوۋ قۇرىلىس قاتىناس جوعارى دارەجەلى كاسىپتىك تەحنيكالىق مەكتەپتىڭ باستىعى حاۋ يۇنلياڭ، مەملەكەت دارەجەلى وقىتۋ ناتيجەسى سيلىعىنىڭ يەگەرى، سىچۋان ۋنيۆەرسيتەتىنىڭ پروفەسسورى شيە حىپيڭ ماجىلىستە جەكە ـ جەكە ٴسوز سويلەدى.

جاۋاپتى رەداكتور : ءاننا اكىمقان قىزى