اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

گۇلگە ورانعان تاۋ قالاسى ٴار ۇلت حالقىنا كوڭىلدىك سيلادى

  التاي گازەتىنىڭ ٴتىلشىسى ديداربەك زاكىرجان ۇلى حابارلايدى. «مەملەكەتتىك تازا قالا قۇرۋ» __ التاي تۇرعىندارىنا باقىتتى زاماننىڭ شۇلەن شۋاعىن توكتى. نەگە دەيسىز عوي، كۇن سايىن قالا تۇرعىندارىن جاڭا ٴداۋىردىڭ ٴار ۇلت حالقىنا سيلاعان مەيىرىن، جىلۋلىعىن، جاڭالىعىن سەزىندىرۋگە قۇلشىنىس جاساۋدا.

  التاي قالاسىنىڭ كوركىنە ٴسان قوسقان كوشە بويىنداعى تال ـ تەرەك، الۋان رەڭدى گۇل ـ ٴشوپ جۇرگىنشىلەرگە كوڭىلدىلىك سيلاسا، قالانىڭ اۋا تازالىعى مەن ورتاسىنىڭ گۇلگە ورانۋى قىران وزەنىنىڭ ەكى جاعالاۋىنداعى جاياۋلار جولى ساياحاتشىلاردىڭ سەيىل ـ سەرۋەن قۇرۋىنا جاراسىمدى ورتا ازىرلەدى، تاعى «التىنتاۋ» سالەمەتتىك جاياۋلار جولى ٴاربىر جۇرگىنشىلەرگە 100 مەتر ارالىققا قانشا مينۋت جۇرۋىنە بولاتىندىعىن مولشەرلەي الاتىن وراي جاراتۋمەن بىرگە «باي، قۇدىرەتتى، دەموكراتيالى، وركەنيەتتى، جاراسىمدى بولۋ؛ ەركىن، تەڭ، ٴادىل، زاڭمەن جونگە سالىناتىن بولۋ؛ وتانشىل، كاسىپشەڭ، ادال، تاتۋ ـ ٴتاتتى بولۋ» دەگەن سوتسياليستىك وزەكتى قۇن كوزقاراسىن ۇگىتتەۋ تاقتالارى قالانىڭ ۋنيۆەرسال قىزمەت وتەۋ قۋاتىن ايگىلەدى.

  كۇندىز الۋان گۇلگە ورانعان قىران وزەنىنىڭ ەكى جالاۋىنداعى الاڭقىلار مەن زاڭمەن باسقارۋ مادەنيەت الاڭى سىندى كوپتەگەن ورىندار كۇن باتىپ، سانسىز شىراقتار جۇلدىزشا جامىراعان كەشتە، قالا تۇرعىندارى الاڭداردا مىڭ بۇرالىپ بيگە باسىپ، دۋماندى مەرەكەلىك تۇسكە ەنىپ مادەني قيمىلدارمەن بوي جازادى. بۇل باقىتتى زاماننىڭ شاتتىعى.

  قاتىستى ورىنداردان ۇعىسۋىمىزشا ٴبىر ميلليون 100 نەشە مىڭ ٴتۇپ گۇل ـ ٴشوپ قالامىزدى كومگەرۋگە ەگىلىپ، بيىلعى جاسىلدانعان اۋماق 40 نەشە مىڭ شارشى مەترگە كەڭەيگەن.

  مىنە، بۇگىن قوڭىر كۇزدىڭ سالقىن سامالى التىن مەكەن التايدى ايمالاپ تۇر. سوسىن دا، جەر ـ الەم گۇلكە ورانىپ، ٴار ۇلت حالقىنا تىنىش، كورىكتى، باقىتتى جاڭا التايدىڭ گۇلدەي قۇلپىرعان جاڭالىعىن، بەرەكە ـ بىرلىگىن، رياسىز كوڭىلدىلىگىن، بال دامىندەي تاتتىلىك سيلايتىندىعىن ايگىلەيدى.

جاۋاپتى رەداكتور : ءاننا اكىمقان قىزى