اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

2019 ـ جىلعى شينجياڭ كوكتوعاي 1 ـ كەزەكتى اسىل تاس ىزدەۋ ساياحات قيمىلى باستالدى

اسىل تاس، قاس تاسى مادەنيەتىن ساۋلەلەندىرىپ، ساياحاتتىڭ ىقپال كۇشىن ارتتىردى

  التاي گازەتىنىڭ ءتىلشسى ياڭ ۋيشۋان حابارلايدى. 9 ـ ايدىڭ 6 ـ كۇنى كەشتە، 2019 ـ جىلعى شينجياڭ كوكتوعاي 1 ـ كەزەكتى اسىل تاس ىزدەۋ ساياحات قيمىلى كوكتوعاي كادرلار شۋەيۋنىندا باستالدى. سول كۇنى كەشتە، ەلىمىزدەگى اسىل تاس، قاس تاسى سالاسىنان كەلگەن سيلى قوناقتار، مەديا ءتىلشى ۋاكىلدەرى جانە جەكە اۆتوكولىكپەن ساياحاتتاۋشىلار وسى ارادا باس قوستى. ۇكىمەت جاقتىڭ تانىستىرۋىن تىڭداۋ، ۇگىتتىك قىسقا فيلم كورۋ قاتارلىلار وسى رەتكى قيمىلدىڭ ساپار ورنالاستىرۋىن، كورىنىستىك تاس ءبىلىمىن ءتۇسىندىردى. 9 ـ ايدىڭ 7 ـ كۇنىنەن 9 ـ كۇنىنە دەيىن ورىستەتىلەتىن اسىل تاس ىزدەۋ ساياحاتىنا دايىندىق قىزمەتىن ويداعىداي ىستەدى.

  ءتىلشى مىنانى ۇعىستى: كوكتوعاي اۋدانىنىڭ «اسىل تاس بايلىعى مول»، توڭىرەكتىڭ ءتورت بۇرىشىنا اتى ايگىلى. كوكتوعاي اماتسيت، جاقۇت، تۋمالين، كريستال، سابالاق قاس تاسى قاتارلى اسىل تاس، قاس تاستىڭ شىققان جەرى، وزىندىك ەرەكشەلىككە يە ەرتىس عاجايىپ تاسى دا بار. «جۇڭگوداعى اسىل تاس مەكەنى»، «جۇڭگوداعى كورىنىستىك تاس مەكەنى» اتاعىنا يە.

  «اسىل تاس ىزدەۋ ساياحاتى قيمىلىنىڭ كوكتوعاي اۋدانىندا وتكىزىلۋى دال كەزىندە ٴساتتى بولدى. بۇل رەتكى قيمىلعا ءاربىر قاتىناسۋشىلاردىڭ ەستەن كەتپەس كەشىرمەسى بولىپ قالاتىنىنا سەنەمىن» ـ دەدى جۇڭگو كورىنىستىك تاس قوعامى بەدەرلى تاس ارناۋلى كوميتەتىنىڭ مەڭگەرۋشىسى، جۇڭگو كورىنىستىك تاس قوعامىنىڭ ورىنباسار باستىعى ساۋ لەي.

  «بۇل رەتكى قيمىلدىڭ كوكتوعاي اۋدانىندا وتكىزىلۋى اسىل تاس، قاس تاسى مادەنيەتىن ساۋلەلەندىرۋگە تاماشا تەكشە ازىرلەپ بەرۋمەن بىرگە، ساياحات دەڭگەيىن جوعارىلاتىپ، ساياحاتتىڭ ىقپال قۋاتىن كۇشەيتۋدە بەلسەندى تۇرتكىلىك رول وينايدى. بۇدان كەيىن ءبىز وسى رەتكى قيمىلدى وراي ەتىپ، الۋان مازمۇنداعى تاقىرىپتىق قيمىلدى وتكىزىپ، سيلى قوناقتارعا اسىل تاس جانە كەن جۇلگەسىنىڭ سىرى مەن قاسيەتىن سەزىندىرەمىز» ـ دەدى كوكتوعاي اۋداندىق اسىل تاس، قاس تاسى، عاجايىپ تاس قوعامىنىڭ باستىعى جاڭ يۋەدۇڭ.

  قيمىلدا، ءار سالادان كەلگەن ۋاكىلدەر كونسەرت نومىرلەرىن تاماشالادى. مۇندا، دىبىس كەسكىندى ءنومىر __ «رەسپۋبليكا ۇمىتپايدى»، ءان __ «سۇيىكتى مەكەنىمىز__ كوكتوعاي» قاتارلى كونسەرت ٴنومىرلى كورەرمەندەردىڭ قىزۋ قارسى الۋىنا بولەندى.

  «بۇگىن كەشتەگى اشىلۋ سالتى مەن كونسەرت نومىرلەرى ماعان بۇل رەتكى قيمىلدىڭ تەرەڭ ٴمانىن سەزىندىردى. مەن وسى رەتكى ورايدى مىقتى يگەرىپ، كوكتوعاي رۋحىن اناعۇرلىم ويداعىداي تۇسىنەمىن ءارى امالياتتا ايگىلەيمىن» ـ دەدى «شينجياڭ گازەتىنىڭ» ءتىلشىسى جاڭ تيڭ.

  ۇعىسۋعا قاراعاندا، وسى رەتكى قيمىل ءبىر رەتكى اسىل تاس ىزدەۋ ساياحات قيمىلى بولىپ قالماستان، قايتا قاتىسۋشىلارعا اعا بۋىن كەن جۇمىشىلارىنىڭ مەملەكەت سىرتقى قارىزىن قايتارۋ ءۇشىن قاجىرلىلىقپەن كۇرەس جاساعان رۋحىن سەزىندىرگەن. 3 كۇنگە جالعاسقان قيمىلدا قاتىناسۋشىلار كوكتوعاي كەن باقشا كورىنىس رايونى (كوكتوعاي گەولوگيالىق كورمە سارايى، 3 ـ ءنومىرلى كەن جۇلگىسى، اياكوز كەن ۇڭگىرى)، كوكتوعاي قالاشىعىنداعى 2 ـ كەن، كوكتوعاي كورىنىس رايونى اسىل تاس شاتقالى كوكتوعاي اۋدانى اسىل تاس، قاس تاسى كوشەسى قاتارلى جەرلەرگە بارادى.

جاۋاپتى رەداكتور : ءاننا اكىمقان قىزى