اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىڭ ەكولوگيالىق ورتاسىن قورعاۋعا تاماشا ورتا ازىرلەدى

  التاي گازەتىنىڭ ءتىلشىسى ياڭ ۋيشۋان حابارلايدى. 9 ـ ايدىڭ 2 ـ كۇنى ايماقتىق اۋىل شارۋاشىلىعى، اۋىل ـ قىستاق مەكەمەسىنىڭ بالىق شارۋاشىلىعىن باسقارۋ ورتالىق پۋنكتى قىزمەتكەرلەردى ءبىر ءبولىم اۋدانداردىڭ (قالانىڭ) تابيعي سۋ الابىندا، وزەندەردە بالىق اۋلاۋعا تيىم سالۋ ارناۋلى تەكسەرۋىنە ۇيىمداستىردى.

  تەكسەرۋ بارىسىندا بالىق اكىمشىلىگىندەگى زاڭ اتقارشى قىزمەتكەلەر بۋىرشىن وزەنى مەن قابا وزەنىنىڭ جاعالاۋىن كۇندىز ـ ءتۇنى ارالاپ تەكسەرۋ جۇرگىزدى، زاڭعا قايشى ەشقانداي ارەكەتتى بايقامادى. سونىمەن بىرگە، بالىق اكىمشىلىگىندەگى زاڭ اتقارۋشىلار تۇرعىندارعا، ساۋداگەرلەرگە بالىق اۋلاۋعا تيىم سالۋ ۇگىت قاعازى، ۇگىت قولدانباسى قاتارلىلاردى تاراتىپ، ءار ۇلت بۇقاراسىنىڭ ايماعىمىزدىڭ بالىق اۋلاۋعا تيىم سالۋ مەزگىلىندەگى قاتىستى بىلىمگە بولعان تۇسىنىگىن تەرەڭدەتتى.

  ايماعىمىزدىڭ بالىق شارۋاشىلىعى بايلىعىن ءونىمدى قورعاۋ ءۇشىن، ايماعىمىز تابيعي سۋ ايدىنىندا، وزەندە تۇتاس جىل بويى بالىق اۋلاعا تيىم سالدى. جۋىق جىلداردان بەرى، ايماقتىق اۋىل شارۋاشىلىعى، اۋىل ـ قىستاق مەكەمەسىنىڭ بالىق اكىمشىلىگىن باسقارۋ ورتالىق پۋنكتى تابيعي سۋ ايدىنىندا بالىق اۋلاعا تيىم سالۋدى باسقارۋ قىزمەتىن ويداعىداي ىستەدى، ايماعىمىزدىڭ ەكولوگيانى قورعاۋدىڭ 1 ـ شايقاسىن ويداعىداي جۇرگىزۋ تالابىن ارقاۋ ەتىپ، بالىق اۋلاۋعا تيىم سالۋ قىزمەتىن تىڭعىلىقتى ورىستەتتى. زاڭعا قايشى بالىق اۋلاۋ دەلوسى جىل سايىن ازايىپ، باعىمشىلىق سۋ ايدىنىنداعى بالىق تۇرىمەن قامداۋدى قامتاماسىزداندىرىپ، بالىق شارۋاشىلىعى ءوندىرىسىن ءتارتىپتى جۇرگىزدى. كەزەكتە، ايماعىمىزدىڭ تابيعي سۋ ايدىنىنداعى، وزەندەگى بالىق ءتۇرى كوبەيىپ، بالىق شارۋاشىلىعى ءونىمدى قالىپىنا كەلتىرىلدى.

  «ايماعىمىزدىڭ تابيعي سۋ ايدىنىندا، وزەندەردە زاڭ اتقارۋ تەبىنىن جالعاستى كۇشەيتىپ، ‹التاي ايماعىنىڭ تابيعي سۋ ايدىنىندا بالىق اۋلاۋعا تيىم سالۋ مەزگىلى ءتۇزىمى جونىندەگى حابارلاندىرۋدى› قاتاڭ اتقارىپ، ءار دارەجەلى زاڭ اتقارۋشى قىزمەتكەرلەردى تەكسەرۋ تەبىنىن كۇشەيتۋگە كەز ـ كەلگەن ۋاقىتتا ۇيىمداستىرامىز، وزەن اعارىن باقىلاۋ تەبىنىن كۇشەيتىپ، بالىق اۋلاۋعا تيىم سالۋ كەزىندەگى زاڭ ـ تۇزىمگە قايشىلىق جاساپ، بالىق اۋلاعان ارەكەتتەردى قاتاڭ تەكسەرىپ ءبىرجايلى ەتىپ، ايماعىمىزدىڭ ەكولوگيالىق ورتاسىن قورعاۋعا تاماشا ورتا ازىرلەيمىز» ـ دەدى ايماقتىق اۋىل شارۋاشىلىعى، اۋىل ـ قىستاق مەكەمەسى پارتگرۋپپاسىنىڭ مۇشەسى، بالىق اكىمشىلىگىن باسقارۋ ورتالىق پۋنكتىنىڭ باستىعى لۇي تاۋ.

جاۋاپتى رەداكتور : ءاننا اكىمقان قىزى