اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كوكتوعاي اۋەجايىنىڭ جولاۋشى تاسىمال مولشەرى 4 جىلدان بەرگى ەڭ جوعارى دەڭگەيگە جەتتى

  ەرىكتى ٴتىلشى پان ميڭشيڭ حابارلايدى. جاقىندا ٴتىلشىنىڭ كوكتوعاي اۋەجايىنان ۇعىسۋىنشا، 8 ـ ايدا كوكتوعاي اۋەجايىنىڭ جولاۋشى قابىلداۋ ـ جونەلتۋ مولشەرى ٴۇرتىس ارتىپ، اۋەجاي ىسكە قوسىلعان 4 جىلدان بەرگى ەڭ جوعارى دەڭگەيگە جەتتى.

  8 ـ ايدىڭ 31 ـ كۇنىنە دەيىن، كوكتوعاي اۋەجايىندا جيىنى 224 رەت كەزەكشى ۇشاق قاتىناپ، 8128 جولاۋشى (رەت) تاسىمالدادى، ۇشۋ ـ قونۋدى قامتاماسىزداندىرۋ، جولاۋشى قابىلداۋ ـ جونەلتۋ مولشەرى تاريحتاعى ەڭ جوعارى دەڭگەيگە جەتىپ، وتكەن جىلعى ۇقساس مەزگىلدەگىدەن جەكە ـ جەكە %578.7، %187.4 ارتتى.

  بيىل 8 ـ ايدا كوكتوعاي اۋەجايىنا كۇنىنە ورتا ەسەپپەن 262 جولاۋشى (رەت) كىرىپ ـ شىعىپ، ۇقساس مەزگىلدەگىدەن %187.9 ارتتى.

  جازعى دەمالىس كەزىندەگى جولاۋشى تاسىمال مولشەرىنە تالداۋ جاساعاندا، كوكتوعاي اۋەجايىنا كىرىپ ـ شىققان جولاۋشىلار نەگىزىنەن ساياحاتشىلاردى نەگىز، ساۋدا ىستەرى ساپارىن قوسىمشا ەتكەن. اۋەجايدان شىعاتىن جولاۋشىلار نەگىزىنەن چىڭدوۋ، چۇڭچيڭ، تيانجين، چيڭداۋ، شي ـ ان، سانيا، كۇنميڭ، شيامىن قاتارلى ەل ىشىندەگى قالالاردى نەگىز ەتسە، اۋەجايعا كەلگەن جولاۋشىلار نەگىزىنەن قاناس، كوكتوعاي سىندى ەكى كورىنىس رايونىن نەگىز ەتكەن.

  ساياحاتشىلاردىڭ ٴجۇرىس ـ تۇرىس قاجەتىن قاناعاتتاندىرۋ ٴۇشىن، كوكتوعاي اۋەجايى ٴتۇرلى شارا قولدانىپ، ساياحاتشىلاردىڭ ٴجۇرىس ـ تۇرىس ونىمدىلىگىن جوعارىلاتتى، قازىرگى بار اۋە لەنياسى نەگىزىندە اۆياتسيا سەرىكتەستىكتەرىمەن بەلسەنە قارىم ـ قاتىناس جاساپ، تاسىمال قۋاتىن لايىقتى ارتتىردى. سونىمەن بىرگە، اۆياتسيا سەرىكتەستىكتەرىمەن سايكەسىپ، جازعى تاسىمال كەزىندە اۆياتسيا ساياحاتىن تانىستىرۋ قيمىلىن ورىستەتىپ، اۋەجايداعى كەزەكشى ۇشاقتىڭ اۋقىمدىق ۇگىتىن جان ـ جاقتىلى، كوپ ارنامەن كۇشەيتتى، جازعى دەمالىس كەزىندەگى جولاۋشىلاردىڭ ساپار قاجەتىن مۇمكىندىكتىڭ بارىنشا قاناعاتتاندىردى.

  سونىمەن بىرگە، كوكتوعاي اۋەجايى «شىنايى سۇيىسپەنشىلىكپەن قىزمەت وتەۋ» ۇستانىمىن ورناتىپ، بەلسەندى، ىرىقتى تۇردە ىسكە كىرىسىپ، قارتتار ، اۋرۋلار، مۇگەدەكتەر، سابيلەر، جۇكتى ايەلدەر قاتارلىلارعا الدىمەن ۇشاققا شىعۋ راسمياتىن ٴبىتىرىپ بەردى ٴارى ۇشاققا شىعۋعا جەتەكشىلىك ەتۋ جانە الدىمەن ۇشاققا شىعارۋ ارقىلى جولاۋشىلاردىڭ قاتارعا تۇرىپ كۇتۋ ۋاقىتىن قىسقارتتى.

  تاياۋ جىلداردان بەرى، كوكتوعاي اۋەجايى بەلسەنە ارەكەتكە كەلىپ ايماعىمىزدىڭ دارالىق ەرەكشەلىككە يە بايلىق ابزالدىلىعىنا سۇيەنىپ، «جەر ٴجانناتى ـ قاناس» پەن كوكتوعاي كورىنىس رايونىن بايلانىستىرىپ، كورىنىس رايونى ساياحاتىن «ەڭ سوڭعى ٴبىر شاقىرىمعا» دەيىن جەتكىزدى.

جاۋاپتى رەداكتور : ءاننا اكىمقان قىزى