اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ساياحات بازارى ءتارتىبىن رەتكە سالىپ وڭاپ، زاڭعا، ەرەجەگە قايشى تيجارات قيمىلدارىنا سوققى بەردى

  التاي گازەتىنىڭ ۇسىنىس ەتىلگەن ءتىلشىسى ۋي زىيۋن، ەرىكتى ءتىلشى ما شاڭكۇن حابارلايدى. ساياحات بازارىن جۇيەلەندىرىپ، تارتىپكە ءتۇسىرىپ، قالىپڭ ساياحاتشىلار مەن ساياحات كاسىبىمەن شۇعىلداناتىنداردىڭ باس اماندىعى مەن مال ـ مۇلىك حاۋىپسىزدىگىن قامتاماسىزداندىرۋ، حاۋىپسىز، اقاۋسىز، ءتارتىپتى، جانعا جايلى، مادەنيەتتى، جاراسىمدى ساياحات ورتاسىن جاراتۋ ءۇشىن، تاياۋدان بەرى، قابا اۋداندىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى قاتىستى تاراۋلارمەن (ورىندارمەن) بىرلەسىپ، ساياحات بازارىنا ارناۋلى تەكسەرۋ جۇرگىزدى.

  مەملەكەتتىك 4A دارەجەلى كورىنىس رايونى اققايىڭ باقشاسىندا تەكسەرۋ گرۋپپاسى باسىم كوپ ساۋدا ورىندارىنىڭ زاڭعا بويسۇنىپ، ادالدىقپەن تيجارات جۇرگىزەتىنىندىگىن، الايدا، ءىشىنارا ساۋداگەرلەردىڭ بەلگىلەمە بويىنشا كىناشكا ينفورماتيساسىن، راسىمىن دەركەزىندە جاڭالاماعانىن، ساتىپ العان زاتتارىندا تالون جوق ەكەنىن، ازىقتىق ماتەريالدارىنىڭ مازمۇنى تولىق جازىلماعاندىعىن بايقادى.

  تەكسەرۋ بارىسىندا بايقالعان ماسەلە جونىندە تەكسەرۋ گرۋپپاسى ناق مايداندا ناقتىلى وزگەرتۋ پىكىرىن ورتاعا قويۋمەن بىرگە، شەكتى مەرزىم ىشىندە رەتكە سالىپ تۇزەتۋدى تالاپ ەتتى. سونىمەن ءبىر ۋاقىتتا، تەكسەرۋ گرۋپپاسىنداعىلار تاعى ءارقايسى ساياحات كاسىپورىندارىنا ساياحات بازارى حاۋىپسىزدىگىن قامتاماسىزداندىرۋعا وسكەلەڭ دارەجەدە ءمان بەرىپ، ماسەلەنى دەر كەزىندە بايقاپ، مالىمدۋدى، رەتكە سالىپ تۇزەتىپ، كومەسكى كىناراتتاردى وركەنىندە جويىپ، ساياحات بازارىنىڭ حاۋىپسىزدىگىنە، گۇلدەنۋىنە، ٴتارتىپتى جۇرىلۋىنە كەپىلدىك ەتۋدى تالاپ ەتتى.

  ۇعىسۋعا قاراعاندا، وسى رەتكى ارناۋلى تەكسەرۋدە تاعى ساياحات بازارى ءوندىرىس حاۋىپسىزدىگى ءتۇزىمىن قۇرعان ـ قۇرماعاندىعىن، حاۋىپسىزدىك قۇرىلعىلارى مەن جابدىقتارى كەمەلدىلىگىن، ءورت ءوشىرۋ اسپابى مەن توك تاراتۋ جابدىعىنىڭ تولىق پا تولىق ەمەستىگىن، كاسىپپەن شۇعىلدانۋشىلاردىڭ كىنەشكاسى بار ـ جوقتىعىن، ازىق ـ تۇلىكتىڭ كەلۋ قاينارىن جانە ساقتالۋىن، ساۋدا ورىندارىندا جالعان ۇگىت جاساۋ جاعدايى قاتارلىلارعا ءتۇيىندى تەكسەرۋ جۇرگىزگەن.

  وسى رەتكى ارناۋلى تەكسەرۋ ساياحات كاسىبىمەن شۇعىلدانۋشىلاردىڭ زاڭعا بويسۇنىپ، ادالدىقپەن تيجارات جۇرگىزۋ، ساپالى قىزمەت وتەۋ تانىمىن جوعارىلاتىپ، ساياحات بازارى ءتارتىبىن جۇيەلەندىردى، جاراسىمدى، اقاۋسىز ساياحات ورتاسىن جاراتىپ، ساياحاتتىڭ تۇلعالىق وبرازىن جانە ساياحاتشىلاردىڭ ريزالىعىن الدى. كەلەسى قادامدا، قابا اۋدانى ساياحات بازارىنا تەكسەرۋ تەبىنىن اناعۇرلىم كۇشەيتىپ، زاڭعا، بەلگىلەمەگە قايشى ارەكەتتەرگە قاتاڭ سوققى بەرەدى.

جاۋاپتى رەداكتور : ءاننا اكىمقان قىزى