اعاجاي-التاي تورابى   ›   اقپارات ايدىنى   ›   شينجياڭ حابارلارى

راھيلامحان: قازىرگى تۇرمىسىم ەڭ جاقسى

راھيلامحان: قازىرگى تۇرمىسىم ەڭ جاقسى

 تىلشىلەرىمىز سۇي يۇنيان، جىڭ جو

  8 - ايدىڭ 26 - كۇنى تۇستەن كەيىن ءتىلشى كەريا اۋدانىنداعى وتباسى ەلەكتر جابدىقتارىن ارناۋلى ساتاتىن ءبىر دۇكەنگە كەلدى، 2 قاباتتىق بازاردا زات العالى كەلگەن الارمانداردىڭ اياعى ۇزىلمەيدى، الارمانداردى ءجون كورسەتۋشى ىستىق ىقىلاسپەن قارسى الىپ، ونىمدەردى مۇقيات تانىستىرۋدا. اق جەيدە قىزمەت كيىمىن كيگەن، جۇمىس بەلگىسىن تاققان راھيلامحان ءماتسايدى 2 - قاباتتاعى كەڭسەدە الدڭعى كەزەكتى ءوتىمدى جەدەلدەتۋ قيمىلىنىڭ مالىمەتىن كورۋدە. ”قۇربان ايت مەرەكەسىندە كونە الارماندارعا سي كورسەتۋ سيلىقتى قاعاز تارتۋ قيمىلىنداعى ەڭ ۇلكەن سيلىق − قۇنى 3899 يۋاندىق اۋا رەتتەگىش بولدى“، - دەدى ول.

  ءدىني ۇشقارى يدەيامەن ۋلانىپ، ەسىكتەن اتتاپ شىقپايتىن اۋىل - قىستاق وتباسى ايەلىنەن ىسىلعان كاسىپتىك ايەل زاتى بولعانعا دەيىن راھيلامحان ومىرىندەگى بۇرىلىستى باستان وتكىزىپ، جاڭا ءومىرىن باستادى.

■ بۇعاۋدان قۇتىلىپ، جۇزىنە كۇلكى ءۇيىرىلدى

  ”مەن ’جابايى احۇن‘نىڭ ازدىرۋىمەن ءدىني ۇشقارى يدەيامەن جۇعىمدالدىم“. وتكەن كۇندەرىن اۋىزعا العاندا، بيىل 29 جاسقا شىققان راھيلامحان ەشتەڭەنى جاسىرىپ جاپپايدى. بۇرىن ول كۇيەۋىمەن كەريا اۋدانىنىڭ كوكجار اۋىلىندا تۇراتىن. ”ەنەمنىڭ دەنساۋلىعى جاقسى ەمەس بولاتىن، قىستاعىمىزداعى ءبىر كاريا ۇنەمى ونىڭ حال - جاعدايىن سۇراي امانداسا كەلىپ تۇراتىن“. راھيلامحان بىلاي دەدى: ول ادام مەنىڭ شولاق جەڭ جەيدە كيىپ جۇرگەنىمدى كورگەندە، ماعان اشۋلانىپ، مۇنىڭ ”مۇسىلمانشا ەمەس“ دەيتىن.

  جاس راھيلامحانعا بۇرقانى وسى ”جابايى احۇن“ كيگىزىپتى. سول جىلدارى اينالاسىنداعى ءبىرتالاي ادام بۇرقا كيىپتى، راھيلامحان بىرتىندەپ بۇلاي ىستەۋ دۇرىس دەپ ساناپتى. باسقالاردان ەستىگەندەرىن ەش دۇرىس پەن بۇرىسىن ايىرماستان تۇگەل قابىلدادى، مىسالى، ايەلدىڭ بەتىن بۇركەمەي جۇرۋىنە بولمايدى، جۇمىس ىستەپ اقشا تابۋىنا دا بولمايدى، ويتكەنى بۇلاي ىستەۋ ”مۇسىلمانشا ەمەس“.

  كۇيەۋىنەن ءبىراز اقشا سۇراپ نارسە ساتىپ الىپ توركىنىنە بارعاننان سىرت، راھيلامحان ۇيىنەن اتتاپ شىقپادى. 2018 - جىلدىڭ باسىندا توركىنىنەن كەلگەن تۋىستارى: اۋرۋ ادامداي نەگە سالعىرت تارتىپ قالعانسىڭ؟ دەپ تاڭ قالادى. تۋىستارى ونىڭ اۋدانداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋدى ايتادى.

  باۋلۋ ورتالىعىندا ءبىر مەزەت ۇيرەنگەن سوڭ راھيلامحان ءوزىن شىت جاڭا كورەدى. ول: ”مەملەكەتتە ءبىر تۇتاس قولدانىلاتىن ءتىل - جازۋدى ۇيرەندىم، ءبىراز قازىنا باسقارۋ بىلىمدەرىن ءتۇسىندىم، زاڭ ۇيرەنۋ ارقىلى دۇرىس پەن بۇرىستى پارىقتادىم، اسىرەسە، ءدىني ۇشقارى يدەيانىڭ زيانىن جىعا تانىدىم“، - دەدى.

  ءدىني ۇشقارى يدەيانىڭ كولەڭكەسىنىڭ تۇمشالاۋىنان قۇتىلعاننان كەيىن، راھيلامحان سويلەيتىن، كۇلەتىن بولدى ءارى ءبي بيلەۋدى ۇيرەندى. ”مەن قازىر ۇيعۇر ۇلتىنىڭ ءداستۇرلى ءبيىن بيلەپ عانا قالماستان، وسى زامانعى ءبيدى دە بيلەي الاتىن بولدىم“، - دەدى جۇزىنە كۇلكى ۇيىرىلگەن راھيلامحان.

  راھيلامحاننىڭ كۇيەۋى ازەز بايدۇللا بۇرىن وتباسى ەلەكتر جابدىقتارى جانە ءۇي جيھازدارى ءمالىش ساۋداسىمەن اينالىساتىن، ءۇرىمجى قالاسىنا بارىپ وتكەرمە بۇيىمدار بازارىنان زات الىپ، ونان تاسىپ اكەلىپ ساتاتىن، زاتتارىنىڭ باعاسى ارزان بولعاندىقتان، ماندىپ پايدا تۇسىرە المايتىن. ءۇرىمجى قالاسىنا بارىپ - كەلگەن قاتىناس قاراجاتى مەن زات تاسىمال قاراجاتىن شىعارىپ تاستاعاندا، ماردىمدى اقشا تابا المايتىن.

  بىلتىر جازدا وقۋىن بىتىرگەن كەزدە، راھيلامحان باۋلۋ ورتالىعىنداعى وقىتۋشىلاردىڭ شابىتتاندىرۋىندا، كەريا اۋدانىنىڭ ونەركاسىپ باقشا رايونىنان ءبىر شاعىن ەرەن بازار اشادى. ول ەرەن بازاردى رەتتى ىڭعايلاستىرادى، ءوزىنىڭ دە سەنىمى ارتا تۇسەدى.

  جانە دە بىلتىر جازدا ازەز دە دۇكەنىنىڭ كولەمىن كەڭەيتۋدى، جاڭا ونىمدەردى ساتۋدى ويلاستىردى، ءبىراق تۋىس - تۋعان، دوس - جاراندارىنىڭ قارسىلىعىنا ۇشىرادى. ”كوپشىلىك ءۇيدىڭ جالاقىسى، ادام كۇشىنىڭ وزىندىك قۇنى وتە جوعارى بولادى، ءىسىڭ ساتىنە باسپاسا، زيان تارتاسىڭ دەستى“، - دەدى ازەز. وسى كەزدە راھيلامحان كۇيەۋىن قولدايدى. سونىمەن بۇگىنگى كۇنى 2000 شارشى مەترلىك ۇلكەن دۇكەنگە يە بولادى.

■ دۇكەننىڭ ساۋداسى كۇسەتتەنە تۇستى

  راھيلامحان ءتىلشىنى ەرتىپ دۇكەندەرىن ارالاتتى، عيماراتتىڭ 1 - قاباتى ءار ءتۇرلى وتباسى ەلەكتر جابدىقتارى، 2 - قاباتى ءۇي جيھازدارى، وندا جوعارى، ورتا، تومەن سورتتى جيھازداردىڭ بارلىعى بار ەكەن. ”بۇرىنعى وتكەرمە وتباسى ەلەكتر جابدىقتارى دۇكەنىندە ەڭ قىمباتى 1000 يۋان مولشەرىندەگى كونە توڭازىتقىش ساتىلاتىن، ال، قازىر دۇكەنىمىزدە 25 مىڭ يۋاندىق اۋا رەتتەگىش بار“. قازىر راھيلامحان دۇكەننىڭ قازىناسىن باسقارادى، ءار ءتۇرلى زاتتاردى قانىق بىلەدى.

  راھيلامحان بىلاي دەدى: وسى دۇكەنىمىز حوتان قالاسىنداعى ءبىر كاسىپورىنمەن بىرلەسىپ جارنا قوسىپ ساۋدا جۇرگىزەدى، 2 جاق %50تەن قارجى شىعاردىق، سول كەزدە باۋلۋ ورتالىعى مەن الەۋمەتتىك اۋماقتىڭ كومەگىندە بانكەدەن 350 مىڭ يۋان قارىز اقشا الدىق، ساۋدا جۇرگىزگەن ءبىر جىلدان بەرى 200 مىڭ يۋان قارىزدى قايتارىپ بولدىق. دۇكەندە قازىر 25 قىزمەتكەر بار، قىزمەتكەرلەر قازىنا ىستەرى باس دۇكەننىڭ تالابى بويىنشا قاتاڭ باسقارىلادى، باس دۇكەننىڭ ساتۋدى جەدەلدەتۋ قيمىلدارىنا دا قاتىناسادى.

  ”ءبىز مەزگىل سايىن ءبىر رەت ساتۋدى جەدەلدەتۋ قيمىلىن وتكىزىپ، الارمانداردى باۋرايمىز“، - دەدى راھيلامحان. جاڭا دۇكەن ساۋدا باستاعاننان بەرى، ساتۋدى جەدەلدەتۋدە سيلىقتى بۇيىمدار دا كوپ بولدى، ولاردىڭ اراسىندا اۋا رەتتەگىش، كىر جۋعىش سياقتى ۇلكەن جابدىقتاردان سىرت، ەلەكتر توعا سياقتى كىشكەنە ەلەكتر جابدىقتار دا بولدى. ال ونىڭ قاراۋىنشا، ەڭ ماڭىزدىسى، الارماندارعا ويداعىداي قىزمەت وتەۋ، دۇكەندە زات جەتكىزەتىن 3 اۆتوكولىك بار، ولار زاتتى الارمانداردىڭ ۇيىنە دەيىن جەتكىزىپ بەرەدى، ونىڭ ۇستىنە ارناۋلى رەمونتشىلار قوسىنى بار.

  دۇكەندە ىستەيتىن قىزمەتكەرلەردىڭ جەتەۋىنىڭ وتباسى كەدەي. اينۇر ءماسۇم شاعىن ءۇي ەلەكتر جابدىقتارى اۋماعىنىڭ الارمانعا ءجون كورسەتۋشىسى ءارى دۇكەندەگى ۇزدىك ءجون كورسەتۋشى، ايىنا 3000 يۋانعا تاياۋ ەڭبەكاقى الادى. ”جاڭا كەلگەن كەزدە راھيلامحان ماعان الارماندارعا ءونىمدى قالاي تانىستىرۋدى، قالاي ساتۋدى ۇيرەتتى. قىزمەتتىڭ ىعىن ءبىلىپ قانىققان سوڭ، جۇمىس ناتيجەلەرىم بارعان سايىن جاقساردى، كىرىسىم دە بارعان سايىن كوبەيدى“، - دەدى ول.

  ساتۋ زالىنىڭ مەڭگەرۋشىسى مامەت بارات تا راھيلامحاندىكىندەي ۇلگىدەگى جۇمىس كيىمىن كيىپ، جۇمىس بەلگىسىن تاعىپتى. ”سەرىكتەستىكتىڭ باسقارۋ ءتۇزىمى قاتاڭ، جۇمىس بەلگىسىن تاقپاساق 50 يۋان تارتادى“. ول بىزگە ءوزىنىڭ وتباسىنىڭ بۇرىن كەدەي بولعانىن، قازىر تۇراقتى قىزمەت پەن كىرىسكە يە بولىپ، تۇرمىسىنىڭ بارعان سايىن جاقسارعانىن ايتتى.

  جۇرتتىڭ ءبارى راھيلامحانعا ەرەكشە سۇيىنەدى، ويتكەنى ول پۋتۇڭحۋامەن جاقسى سويلەيدى، بازار جاعدايىن دا جاقسى بىلەدى، سونداي - اق قازىنا ىستەرىن باسقارۋ جۇمساق دەتالىن دا شەبەر قولدانادى. ”وسى جۇمساق دەتالمەن 20 نەشە ماركاداعى 2000نان استام تاۋاردى باسقارامىز، تالون كەسۋ، زاتتاردىڭ كىرۋى - شىعۋى، قازىنالىق كىرىس - شىعىس، قاريدارلاردىڭ ينفورماتسياسى سياقتىلاردىڭ ءبارىن انىق كورۋگە بولادى“، - دەدى راھيلامحان. جۇمساق بولشەكتى قولدانۋدى يگەرۋ ءۇشىن، راھيلامحان كوپ كۇش جۇمسادى، ۇيرەنۋدەگى كەزدە تاماشا ۇيرەنۋ ادەتىن قالىپتاستىرعاندىقتان، وتە تەز ۇيرەنىپ الدى.

■ ۇمىتكە تولى تۇرمىس كەشىردى

  ازەز: ”راھيلامحان ادەمى، وزىنە دەگەن سەنىمى دە كۇشتى، ءبىز ءبىر - بىرىمىزگە سەنەمىز، ءبىر - ءبىرىمىزدى قۇرمەتتەيمىز“، - دەدى شىن جۇرەكتەن. راھيلامحان قاربالاس جۇرگەندى دە وتە جاقسى كورەدى، ءاربىر كۇنى ابىگەرلىكپەن وتەدى.

  ”العاش دۇكەننىڭ كولەمىن كەڭەيتكەندە، نە ءۇشىن وزىڭە سونشا سەندىڭ؟“ دەپ سۇراعانىمىزدا، راھيلامحان باۋلۋ وتالىعىندا پارتيا مەن ۇكىمەتتىڭ حالىققا ءتيىمدى ساياساتتارىن ۇيرەنىپ، تۋعان جەرىنىڭ دامۋشىلىقتارى مەن وزگەرىستەرىن بىلگەنىن، شارۋالاردىڭ اۋلاسى كورىكتەنگەن سوڭ، وعان ىلەسە ۇيلەرىنىڭ دە ءسوز جوق، ادەمى بولاتىنىن، وتباسى جيھازدارى مەن وتباسى ەلەكتر جابدىقتارىنا سۇرانىسىنىڭ، ءسوز جوق، كوپ بولاتىندىعىن ايتتى.

  شىنتۋايتىندا، دۇكەننىڭ ساتۋ جاعدايى ونىڭ تۇجىرىمىن دالەلدەدى. وسى جازدا اۋا رەتتەگىشتىڭ ساتىلىمى وتە جاقسى بولدى، كوپتەگەن شارۋا اۋا رەتتەگىش ساتىپ الدى، قازىرگە دەيىن 200دەن استامى ساتىلدى. مۇنان سىرت، ەلەكتر توعا مەن اۆتوماتتى كىر جۋعىش تا شارۋالار جاعىنان ەرەكشە قارسى الىندى، ورتا سورتتى ءۇي جيھازدارىنىڭ ساتىلىمى دا ايتارلىقتاي بولدى.

  تىلشىمەن اڭگىمە ۇستىندە راھيلامحاننىڭ قول تەلەفونىنا دىبىستىق ەسكەرتۋلەر ۇزدىكسىز كەلىپ تۇردى، ول − ونەركاسىپ باقشا رايونى ەرەن بازارىنىڭ ۋيچات ارقىلى اقشا الۋ ەسكەرتۋى ەدى. جاڭا دۇكەن رەسمي ساۋدا باستاعان سوڭ، ول بار زەيىن - زەردەسىن وسىعان اۋداردى، ەرەن بازاردىڭ شارۋاسىن قىزمەتكەرلەر جۇرگىزەدى. ونىڭ بۇرىنعى قول تەلەفونى باعاسى 100 نەشە يۋاندىق وتكەرمە تەلەفون بولاتىن، قازىر زەردەلى قول تەلەفون ونىڭ جاقسى قولعاناتىنا اينالدى − حابار كورەدى، ينتەرنەتتەن زات ساتىپ الادى، كينو كورەدى، ول بىزگە قول تەلەفونىنا ورناتىلعان مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ كومەكشى APPىن ارنايى كورسەتتى، ءار كۇنى باستاۋىشتا وقيتىن ۇلىمەن بىرگە ۇيرەنەدى ەكەن.

  ”بۇرىن قاراڭعى تۇماندا جاساپ كەلىپپىن، تۇرمىستىڭ مۇنشا باي، الۋان ءتۇرلى بولاتىنىن ەندى عانا ءبىلدىم!“، - دەدى راھيلامحان قول تەلەفونىن كوتەرە شىن جۇرەكتەن. ينتەرنەتتەن زات ساتىپ الۋدى ايتقاندا، ول ەرەكشە قىزىعۋشىلىقپەن تەز - تەز سويلەپ كەتتى، سويتسە ءوزىنىڭ جانە قىزمەتكەرلەردىڭ جۇمىس كيىمدەرىنىڭ ءبارىن ينتەرنەتتەن ساتىپ الىپتى.

  بۇگىنگى راھيلامحان ءۇشىن ايتقاندا، اقشا تابۋدان دا ماڭىزدىسى، ءبىلىم ۇيرەنۋ، قولى بوساي قالسا ۇلىمەن بىرگە كىتاپ دۇكەنىنە بارىپ، كىتاپ كورىپ، كىتاپ ساتىپ الىپ، بالاسىنا عىلىم، مادەنيەت بىلىمدەرىن ۇيرەنۋدىڭ ماڭىزدىلىعىن تۇسىندىرەدى. ”مەنەن قانداي تۇرمىستىڭ جاقسى تۇرمىس ەكەنىن سۇرادىڭىزدار، مەنشە، قازىرگى تۇرمىس ەڭ جاقسى. مەنىڭ ۇمىتكە تولى تۇرمىس كەشىرۋىمە مۇمكىندىك جاساعان پارتيا مەن ۇكىمەتكە راقىمەت“، - دەدى راھيلامحان اسەرلەنە.

جاۋاپتى رەداكتور : ءاننا اكىمقان قىزى