اعاجاي-التاي تورابى   ›   اقپارات ايدىنى   ›   شينجياڭ حابارلارى

رايونىمىزدىڭ ينفورماتسيا كاسىپ سالاسىنىڭ دامۋ تەبىنى كۇشتى

  ءتىلشىمىز ۋاڭ يۇڭفي 9 - ايدىڭ 7 - كۇنى ۇرىمجىدەن حابارلايدى. ”باقشا رايونىنا ساياسات شوعىرلانۋدان تىس، جۇمساق، قاتتى بولشەك قۇرىلعىلارى دا كاسىپورىنداردىڭ قاجەتىنە ساي سالىندى، ولار ءۇشىن كۇتۋ ۇلگىسىندەگى قىزمەت كورسەتۋ ازىرلەي الادى“. 9 - ايدىڭ 6 - كۇنى شينجياڭ جۇمساق بولشەك باقشا رايونى شەكتى جاۋاپكەرشىلىك سەرىكتەستىگى جوسپارلى دامىتۋ ءبولىمىنىڭ ورىنباسار باستىعى دىڭ تيڭحاي تىلشىگە وسىلاي دەدى، - شينجياڭ جۇمساق بولشەك باقشا رايونى سەرىكتەستىگى باقشا رايونىن اشقانىنا 2 جىل عانا بولسا دا، باقشا اۋماعىندا تىركەلگەن جۇمساق بولشەك جانە ينفورماتسيا كاسىپ سالاسى كاسىپورىندارى 270 كە جەتىپ، ىرگە تەپكەن كاسىپورىندار 170 بولىپ، ءونىم قۇنى جىلىنا %20تىك جىلدامدىقپەن ارتتى.

  شينجياڭ جۇمساق بولشەك باقشا رايونىنىڭ ەڭسە كوتەرۋى رايونىمىز ينفورماتسيا كاسىپ سالاسى جىلدام دامۋىنىڭ بەينەسى. جاقىن جىلداردان بەرى جىبەك جولى ەكونوميكالىق بەلدەۋى وزەكتى رايونىنىڭ ورىن باسىمدىعىن تياناق ەتىپ، اۆتونوميالى رايون ءۇرىمجى، قارامايلى سياقتى رايونىمىزداعى جۇمساق بولشەك جانە ينفورماتسيالىق قىزمەت وتەۋ سالاسى دامۋىنداعى ءتۇيىندى وڭىرلەردى كەمەلدەندىرۋگە قاتىستى تيىمدىلىك ساياسات، شارالارعا زور كۇشپەن قولداۋ كورسەتىپ، جۇمساق بولشەك جانە ينفورماتسيالىق قىزمەت وتەۋ سالاسىنداعى ساۋداگەر شاقىرىپ، قارجى ەنگىزۋ قىزمەتىن كۇشەيتىپ، ءبىر توپ ءىرى كاسىپورىن، ءىرى توپتاردى شينجياڭعا كەلىپ دامۋعا باۋرادى.

  ”شينجياڭنىڭ جەرى كەڭ، ينفورماتسيالىق قىزمەت وتەۋدى قاجەتسىنۋدىڭ كومەسكى كۇشى زور. باقشا رايونىنا ىرگە تەپكەننەن كەيىن، ءبىزدىڭ توقتام سومامىز 2017 - جىلعى 90 ميلليون يۋاننان 2018 - جىلعى 130 ميلليون يۋانعا جوعارىلادى. قازىر ءبىزدىڭ كاسىپتىك ارتۋ ۇلگىمىزدە دە ساپالىق وزگەرىس بولدى، ءداستۇرلى كاسىپتەن زات ينتەرنەتىن وزەك ەتكەن، جاڭادان گۇلدەنگەن عىلىم - تەحنيكاعا بۇرىلىس جاساۋدا“، - دەيدى شينجياڭ حۋاشيڭ شيندا ينفورماتسيا تەحنيكاسى شەكتى سەرىكتەستىگىنىڭ باس ديرەكتورى شۋە كاي - ان.

  حۋاشيڭ شيندا سياقتى شينجياڭ جۇمساق بولشەك باقشا رايونىنا ىرگە تەپكەن كاسىپورىنداردىڭ %90ى تۇگەل جۇمساق بولشەك جانە ينفورماتسيا كاسىبىمەن اينالىسادى. ”وسى كاسىپورىنداردىڭ كوبى شينجياڭنىڭ جەرگىلىكتى كاسىپورىندارى، كىدا شۇنفي، حۋاۋي سياقتى 10 نەشە بۇكىل ەلگە تانىمالى كاسىپورىنداردا جايعاستى، ءار جىلى تاعى 30 نەشە كاسىپورىن تىڭنان تىركەلەدى“، - دەيدى دىڭ تيڭحاي، 2018 - جىلى باقشا رايونىنداعى كاسىپورىندار تيجارات كىرىسىن ءبىر ميلليارد 670 ميلليون يۋانعا جەتكىزىپ، 2017 - جىلداعىدان %23 ارتتىردى.

  ال، قارامايلى قالاسى 2010 - جىلى ينفورماتسيا كاسىبىن دامىتۋدى ايقىن العا قويعان. قارامايلى قالاسىنىڭ بۇلت ەسەپتەۋ ساندى مالىمەت ورتالىعى قۇرىلىسى جاعىندا ءبىر قىدىرۋ باسىمدىقتارى بولۋىنا نەگىزدەلىپ، قارامايلى قالاسى ينفورماتسيا كاسىبىن دامىتۋدىڭ ءتۇيىنىن بۇلت ەسەپتەۋ كاسىبى جاعىنا شوعىرلاندىرىپ، قارامايلى قالاسى بۇلت ەسەپتەۋ كاسىپ باقشاسى رايونىن قۇردى. باقشا رايونىندا حۋاۋي بۇلتتىق قىزمەت وتەۋ ساندى مالىمەت ورتالىعى، جۇڭگو جىلجىمالى حابارلاسۋى (شينجياڭ) ساندى مالىمەت ورتالىعى، جۇڭگو مۇناي ساندى مالىمەت ورتالىعى (قارامايلى)، شينجياڭ ساندى مالىمەت ورتالىعى سياقتى ءىرى ساندى مالىمەت ورتالىعى نىساندارى سالىندى ءارى ىسكە قوسىلدى، جوبالانۋ كولەمى 20 مىڭ ىشكاپ، سالىنىپ بولعان كولەمى 9000 ىشكاپ، سولتۇستىك باتىس بويىنشا ءبىرىنشى ورىندا، جىبەك جولى ەكونوميكالىق بەلدەۋى بويىنداعى مەملەكەتتەر مەن رايوندارعا بۇلتتىق قىزمەت وتەۋ قۋاتىن ازىرلەيدى.

  ساندى مالىمەتتە كورسەتىلۋىنشە، 2018 - جىلى شينجياڭنىڭ ەلەكتروندىق ينفورماتسيا جاساۋ كاسىبىنىڭ، جۇمساق بولشەك جانە ينفورماتسيا تەحنيكاسىندىق قىزمەت وتەۋ سالاسىنىڭ، ينفورماتسيا، حابارلاسۋ سالاسىنىڭ كىرىسى جەكە - جەكە 30 ميلليارد يۋان، 16 ميلليارد يۋان، 22 ميلليارد 500 ميلليون يۋان بولعان. ينفورماتسيا كاسىبىنىڭ جىلدام دامۋى شينجياڭنىڭ وڭىرلىك ەرەكشەلىككە يە كاسىپ سالاسىندىق جاڭا جۇيەسىن قۇرۋىن پارمەندى تۇردە جەبەپ، جىبەك جولى ەكونوميكالىق بەلدەۋى وزەكتى رايونىنىڭ ”ءۇش بازا، ءۇش ارنا، بەس ۇلكەن ورتالىق، ون ۇلكەن يمپورت - ەكسپورت كاسىپ سالاسى شوعىرى رايونى“ قۇرىلىس نىساناسىن جۇزەگە اسىرۋىن جەدەلدەتتى.

جاۋاپتى رەداكتور : ءاننا اكىمقان قىزى