اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قونىس ورتاسىن جاقسارتىپ، بۇقارانىڭ باقىت كورسەتكىشىن جوعارىلاتتى

  التاي گازەتىنىڭ ءتىلشىسى ياڭ ۋيشۋان حابارلايدى. اۋىل ـ قىستاقتىڭ قونىس ورتاسىن وڭاۋ ــ اۋىل ـ قىستاقتى گۇلدەندىرۋ ستىراتەگياسىن اتقارۋدىڭ ماڭىزدى شاراسى. تاياۋ جىلداردان بەرى، التاي قالاسىنىڭ 640 ـ تەكشە بيىكقاباق قىستاعى اۋىل ـ قىستاق قونىس ورتاسىن وڭاۋ قيمىلىندا ىرىقتىلىقپەن ءىس ٴبىتىرىپ، كۇشتى شوعىرلاندىرا وتىرىپ جەرى تازا، سۋى تۇنىق، ورتاسى جاسىل، ءۇيى كورىكتى اۋىل ـ قىستاق ءوندىرىس ـ تۇرمىس ورتاسىن قالىپتاستىرىپ، جەرگىلىكتى ورىنداعى ءار ۇلت بۇقاراسىنىڭ باقىت كورسەتكىشىن شىنايى جوعارىلاتتى.

  «2009 ـ جىلى وتباسىمىز العاش وسى اراعا كوشىپ كەلگەندە ءوندىرىس ـ تۇرمىس شارت ـ جاعدايى ناشارلاۋ بولدى. كەيىن قىستاق كادرلارى اۋىلداستاردى باستاپ تىڭ يگەرىپ، ەگىن ەگىپ، نەگىزدىك قۇرىلعى قۇرىلىسىن زور كۇشپەن جۇرگىزدى، قىستاقتىڭ بەت ـ بەينەسى كورنەكتى جاقساردى. جاقىنعى جىلداردان بەرى، ءبىز حالىقتى اۋقاتتاندىرۋ ينجەنەرياسى ارقىلى كەڭ دە جارىق بەيقۇت ۇيگە كوشىپ كىرۋمەن بىرگە، ۇكىمەت بىزگە اۋىز سۋ مەن ەگىس داقىلدارىن سۋاراتىن سۋدى تەگىن جەتكىزدى. بىلتىر قىزمەت اترەتى بىزگە 6 تۇپتەن جەمىس اعاشى مايساسىن اكەلىپ بەردى، بۇدان سىرت، بىزگە كوكونىس ەگۋدى، تاۋىق باعۋدى ۇيرەتتى، تۇرمىسىمىز بارعان سايىن جاقساردى» ـ دەدى 8 ـ ايدىڭ 29 ـ كۇنى تىلشىلىكتى قابىلداعان قىستاق تۇرعىنى دەگەن قادىر ۇلى.

  ۇعىسۋعا قاراعاندا، بيىكقاباق قىستاعى 2009 ـ جىلى قۇرىلعاننان بەرى، قىستاق كادرلارى جاڭاشا اۋىل ـ قىستاق نەگىزدىك قۇرىلعى قۇرىلىسىن ءتۇيىندى تۇردە كەمەلدەندىرىپ، جول، توك، سۋ، راديو ـ تەلەۆيزيا، ينفورماتسيا جەتكىزۋ سىندى «بەستى جەتكىزۋدى» جۇزەگە اسىرعان. سونداي ـ اق دارەتحانانى، قورا ـ قالتقىنى، اۋلانى كۇش سالا وزگەرتىپ، قىستاقتىڭ اينالاسى جاسىلداندى. قىستاق تۇرعىنى ىرىسبەك مامىربەك ۇلى تىلشىگە: «قازىر قىستاعىمىزدىڭ جاسىلدانۋى وتە جاقسى، اسىرەسە، قىزمەت اترەتى كەلگەننەن كەيىن قىستاعىمىزدى ءتىپتى دە كورىكتەندىردى. قاراڭىزشى، اسفالت جولدا سيىر تەزەگى مەن تۇرمىستىق قوقىر ـ قوقسىقتار جوق، ورتامىز وتە تازا» ـ دەدى.

  اۋىل ـ قىستاقتىڭ قونىس ورتاسىن وڭاۋ قىزمەتى ورىستەتىلگەننەن بەرى، التاي قالالىق راديو ـ تەلەۆيزيا ستانسياسىنىڭ بيىكقاباق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى ورتا تازالىعىن وڭاۋ ءادىسىن بەلسەنە قاراستىرىپ، «ءتۇيىندى يگەرىپ، ۇلگى كورسەتۋ، ءتۇيىن مەن جەلىنى ۇشتاستىرۋ، ءتۇيىن ارقىلى جالپى كولەمدى جەتەكتەۋ، تۇتاس تۇلعالىق ىلگەرىلەتۋ» پرينسيپى بويىنشا وڭاۋ قيمىلىن شوعىرلى ورىستەتتى. قازىر وركەنيەتتى، تازا، اقاۋسىز ءوندىرىس ـ تۇرمىس ءتاسىلى قىستاق تۇرعىندارىنىڭ سانالى ارەكەتىنە جانە تاماشا ادەتىنە اينالدى.

  بيىكقاباق قىستاعىنىڭ ءبىرىنشى شۋجيى، قىزمەت اترەتىنىڭ باستىعى قادىس جوياقان ۇلى تىلشىگە: «قىستاقتا تۇرۋ قىزمەتى ورىستەتىلگەننەن بەرى، قىزمەت اترەتى اۋىل ـ قىستاقتىڭ قونىس ورتاسىن وڭاۋ قىزمەتىن مىقتى يگەرىپ، دۇيسەنبى كۇنى مەملەكەت تۋىن شىعارۋ جانە مەملەكەت تۋى استىندا ۇگىت ـ لەكسيا جاساۋ، وتباسىلارىن ارالاپ ۇگىت جۇرگىزۋ سياقتى تاسىلدەر ارقىلى بۇقارانى قورشاعان ورتا تازالىعىن وڭاۋعا كەڭ كولەمدە جۇمىلدىردى. قونىس ورتاسىن جاقسارتىپ، ۇلتتار ىنتىماعىن جەبەپ، كادرلار مەن بۇقارانىڭ قارىم ـ قاتىناسىن قويۋلاتۋمەن بىرگە، قىستاق تۇرعىندارىن ورتانى ايالايتىن تاماشا ادەت قالىپتاستىرىپ، كورىكتى جاڭاشا اۋىل ـ قىستاق قۇرۋدىڭ قۇدىرەتتى كۇشىن قالىپتاستىرۋعا بارىنشا جەتەلەدى» ـ دەدى.

جاۋاپتى رەداكتور : ءاننا اكىمقان قىزى